Isaías 9:6 - DIOSPA QHELQACHISQ

⁶ 6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Qheshwa Biblia DC

⁶ Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

DIOSPA QHELQACHISQAN DEUTEROCANONICAL

⁶ 6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Isaías 9:6 ပူးပေါင်းရင်းမြစ်များ

2 Samuel 7:13

Paymin templota ruwapuwanqa, noqataj wiñaypaj kamachinanta sayachisaj.

2 Samuel 7:16

Mirayniykita, kamachinaykitapis noqa wiñaypaj waqaychasaj, ajinallatataj wiñaypaj churasqa kanqa, nispa.

1 Reyes 10:9

Tata Diosniyki yupaychasqa kachun, pichus qanwan kusisqa kaspa Israel suyuta kamachinaykipaj churasunki, chay. Israel suyuta wiñaypaj munakusqanrayku payqa kuraj kamachej kanaykipaj, cheqa kajtataj ruwanaykipaj churasunki, nispa.

1 Reyes 2:33

Chay ruwasqanmantaqa Joabwan mirayninkuna ima jasut'isqapuni kanqanku. Tata Diosmanta allin kawsaytajrí Davidpa ayllunwan, chantá kamachiyninpi wiñaypaj kallachunpuni, nispa.

1 Reyes 2:45

Tata Diosqa noqa kuraj kamachej Salomonta saminchawachun. Chantá kuraj kamachej Davidpa mirayninmanta pipis kallachunpuni Israelta wiñaypaj kamachinanpaj Tata Diospa ñawpaqenpi, nispa.

Nehemías 9:32

Chayrayku, Diosniyku, qanqa jatun Dios kanki, atiyniyojtaj, manchachikuna imataj. Munakuyniykipitaj trato ruwasqaykita mana saqenkichu. Chayrayku ama pisipaj qhawaychu imaynatachus jatun llakeyqa kuraj kamachejniykukunata, kurajniykukunata, sacerdoteykukunata, sut'inchajniykukunata, ñawpa tataykukunata, jinataj tukuy aylluntinta ima qhatirisqanta. Chay llakeyqa Asiriata kuraj kamachejkunaj tiemponmantapacha kunankama qhatirishawaykupuni.

Salmos 45:3

3 (4) Wapu runa, espadaykita chumpiykiman churakuy. Qanqa may jina atiyniyojmin kanki.

Salmos 45:6

6 (7) Kamachinayki tiyanaqa, Diosníy, wiñay wiñaynintinpaj kashan, qantaj justiciata ruwaspa kamachinki.

Salmos 45:7

7 (8) Qanqa cheqan kajta munakunki, millayta ruwanatataj chejnikunki. Chayrayku Diosniyki qanta ajllakusunki, jinaspataj, kawsaqeykikunamanta astawanraj kusiywan junt'achisunki.

Salmos 50:1

(1b) Tukuy Atiyniyoj Tata Dios, dioskunaj Diosnin parlan. Inti llojsimuynejmanta inti yaykuynejkama tukuy kay pachapi tiyakojkunata wajyan.

Salmos 72:17

Kuraj kamachejpa sutin wiñaypaj yuyarisqa kachun, manchay uyarisqa kasqantaj inti jina unaypaj kachun. Kay pachapi kaj chhika runakunaqa paynejta saminchasqa kachunku, tukuy runataj nichunku: Kuraj kamachejqa may kusikuyniyojmin, nispa.

Salmos 72:3

Chantá tukuy orqokunapi, tukuy lomakunapi aylluykeqa runayayta, justiciatawan tarenqanku.

Salmos 72:7

Pay kamachishajtin, justiciaqa may jina kachun, sonqo tiyaykusqa kawsakuypis anchapuni kallachuntaj killa kanankama.

Salmos 85:10

10 (11) Munakuywan, cheqa kajwan tinkonqanku, cheqan kaywan, sonqo tiyaykusqa kaywantaj much'anakonqanku.

Salmos 89:5

5 (6) Tata Dios, janaj pachapi kawsajkuna t'ukuna ruwasqaykimanta jatunchasonqanku. Ajllakusqaykikunaj tantakuyninkupi cheqan kayniykimanta jatunchasullanqankutaj.

Proverbios 8:23

Wiñaymantapachapuni ruwawarqa, manaraj kay pachata ruwashaspa.

Isaías 10:21

Jacobpa mirayninmanta kaj israelitakunamanta pisi puchojkunaqa Tukuy Atiyniyoj Diosman kutirikonqanku.

Isaías 11:5

Cheqan kaywan ñañu wasanta chumpiwan jina chumpiykukonqa. Cheqa kajta junt'aj kaynintataj ukhunchana p'achata jina churakonqa.

Isaías 16:5

Chaypacha Tata Diosqa Davidpa ayllunmanta uj kuraj kamachejta churanqa. Paytaj khuyakuspa, cheqanta juzgaspa kamachenqa. Jinallataj cheqantapuni ruwanqa.

Isaías 26:12

Tata Dios, qanlla allin kawsayta qowasqayku, kunankama tukuy ima tarisqaykutapis qanllataj qowayku.

Isaías 26:3

Tata Dios, pichus qanpi sonqonta churajta sonqon tiyaykunanta ruwanki, imaraykuchus pay qanpipuni atinikun.

Isaías 28:29

Chay tukuy imamanta yachayqa Tukuy Atiyniyoj Tata Diosmanta jamun. Paypa wakichisqanqa t'ukuna, yachaynintaj may jatun.

Isaías 32:1

Qhawariychej, cheqanta ruwaj kuraj kamachej jamonqa, kamachiyninpi kaj kurajkunapis justiciawan kamachenqanku.

Isaías 37:32

Jerusalenmanta puchojkuna kanqanku, Sión orqomantataj llojsejkuna kallanqankutaj. Tukuy Atiyniyoj Tata Dios may jatun munakuyninnejta chayta ruwanqa.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Isaías 53:2

Kamacheyqa Tata Diospa ñawpaqenpi ijimoj sach'a jina wiñanqa, ch'aki jallp'api saphichakoj jinataj p'utumonqa. Mana k'achituchu kanqa, sonqonchej payman aysakunanpaj, nitaj k'acha uyayojchu kanqa payta munakunanchejpaj.

Isaías 53:5

Chaywanpis pay k'irisqa kanqa noqanchej Tata Diosta mana kasusqanchejmanta, juchanchejraykutaj tukuy ukhun t'unasqa kanqa. Jinapis pay jasut'isqa kasqanrayku sonqo tiyaykuyta apamuwasunchej, ukhun chay jina khallasqa kasqanraykutaj qhaliyachisqa kasunchej.

Isaías 63:16

Qanlla tatayku kanki, tatayku Abraham mana rejsikuwajtiykupis. Ñawpa tatayku Israel mana yuyarikuwajtiykupis, qanpuni tatayku kanki, Tata Dios. Wiñaymantapacha pagaspa kacharichiwajniyku kanki.

Isaías 66:12

Tata Dios kay jinata nin: Noqa Jerusalén llajtaman allinpi kawsanata qosaj uj yaku mayuta jina, tukuy suyoj qhapaj kayninkutawan jaywasaj, mayu yakupis llump'irishanman jinata. Chay llajtapitaj qankunaqa ñuñoj wawakuna jina kusikunkichej, marq'arikusonqachej, arphin patapitaj chukurichisonqachej.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Isaías 8:18

Noqawan, Tata Diospa qowasqan wawaykunawan ima israelitakunapaj t'ukuna señal jina kayku, Tukuy Atiyniyoj Tata Diospa churasqan, pichus Sión orqopi tiyakun, chaypata.

Jeremías 31:22

Mayk'ajkamataj mana kasukoj sipas jina kayman jaqayman purinkiri? Noqa Tata Diosrí, kay pachapi mana jayk'aj rikusqaykichejta ruwani: Warmeqa qharita muyupayanqa, nispa.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Daniel (hebreo) 7:14

Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

Hageo 2:9

Kay qhepa kaj Temploqa aswan sumaj kanqa ñawpaj kaj Templomanta nisqaqa. Noqataj kay cheqanejpi sonqo tiyaykusqa kawsay kananta ruwasaj. Noqa Tukuy Atiyniyoj Tata Dios chayta nini.

San Mateo 1:1

Kayqa Jesucristoj ñawpa tatankunaj mirayninmanta sutinkuna. Jesusqa Davidpa mirayninmanta karqa, Abrahampa mirayninmantawan.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Lucas 1:35

Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

San Lucas 2:11

Kunan Davidpa llajtanpi qhespichej paqarin. Payqa Tukuyta Kamachej Cristomin.

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 1:16

Simi Nisqa sutiyojpa may chhika k'acha kayninwan Diosqa kutin kutinta may jinata saminchawanchej.

San Juan 14:27

Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

Hechos 10:36

Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunanpaj. Ajina chayqa, manachu Churinwan khuskata tukuy imatawan qowasunmanri?

Romanos 9:5

Jinallataj paykuna ñawpa tataykukunaj mirayninmanta kanku, chay miraymantataj Cristo jamorqa. Payqa tukuy ima kaj chhikata kamachej Dios, chayraykutaj wiñay wiñaypaj yupaychasqa kachun. Ajina kachun.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

1 Corintios 15:25

Cristo kamachinanpuni tiyan tukuynin awqankuna chakin uraman churasqa kanankukama.

2 Corintios 5:19

Kaytaj niyta munan Diosqa Cristonejta tukuy runata paywan allinyachisqanta, juchankuta qonqayman churaspa. Chantá pay kamachiwarqayku Dioswan allinyakunamanta wajkunaman willanaykuta.

Deuteronomio 10:17

Tata Diosniykichejqa dioskunaj Diosnin, tukuy kamachejkunaj kamachejnintaj. Payqa kamachinanpaj mana pitapis tapunrajchu, jinallataj may atiyniyoj, manchachikunataj. Tukuyta uj rejllata qhawan, nitaj piwanpis lluk'ichikunchu.

Colosenses 2:3

Manchay valorniyoj tapadopis kanman jina, paypimin pakasqa kashan tukuy yachayniyoj kay, chantá yuyayniyoj kay ima.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Tito 2:13

Ajinata kawsananchej tiyan, suyakushanchej, chay kusiy p'unchay chayamunankama. Chaypacha may jina atiyniyoj Dios Qhespichiwajninchej Jesucristo jatun kayninpa lliphipiyninwan rikhurimonqa.

Hebreos 1:8

Churinmantatajrí nin: Diosníy, qanqa wiñay wiñaynintinpaj kamachinki, jinataj justiciata ruwaspa kamachinki.

Hebreos 13:20

Sonqo tiyaykusqa kawsakuyta qoj Diosqa ovejakunaj jatun Michejnin Jesucristota wañusqamanta kawsaricherqa, jinataj paypa yawar jich'asqanwan noqanchejwan wiñaypaj tratota ruwarqa.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.

Jueces 13:18

Tata Diospa angelnintajrí kuticherqa: Imapajtaj sutiyta yachayta munankiri? Suteyqa may t'ukuna pakasqa sutimin, nispa.