Isaías 9:4 - DIOSPA QHELQACHISQ

⁴ 4 (3) Qanqa paykunata yugoman watasqa jina ñak'ariymanta kacharichinki. Jinallataj llasa q'epita wasankumanta q'epirachinki, chantá sinch'i llakiypi jarap'asqa kasqankumanta ima. Jinataj kamachinanku varatapis p'akillankitaj, imaynatachus Madianwan ruwarqanki, ajinata.

Qheshwa Biblia DC

⁴ Qan Señorqa phashkaranki yugonkumanta, lijrasninkupi k'aspismanta, sinch'i llakiypi jarap'asqa kayninkumanta ima. Chayta qanqa urmachinki, imaynatachus Madianta urmacherqanki, ajinata.

DIOSPA QHELQACHISQAN DEUTEROCANONICAL

⁴ 4 (3) Qanqa paykunata yugoman watasqa jina ñak'ariymanta kacharichinki. Jinallataj llasa q'epita wasankumanta q'epirachinki, chantá sinch'i llakiypi jarap'asqa kasqankumanta ima. Jinataj kamachinanku varatapis p'akillankitaj, imaynatachus Madianwan ruwarqanki, ajinata.

Isaías 9:4 ပူးပေါင်းရင်းမြစ်များ

Génesis 27:40

Chantá espadaykiwan jark'akunki. Wawqeykej kamachin kanki. Chaywanpis aswan qhepanejman allinta kallpacharikuspa, wawqeykej makinmanta kacharichikunki, nispa.

Salmos 125:3

Millayta ruwajkunarí mana wiñaypaj cheqan runakunaj suyunkupi kamachenqankuchu, ama cheqanta ruwajkuna millayta ruwanaman urmanankupaj.

Salmos 81:6

6 (7) Uj mana rejsisqa parlayta uyarerqani kay jinata nejta: Wasaykimanta llasa q'epita q'epiracherqani, sinch'i ruwanamantataj qanta samaricherqayki.

Isaías 10:16

Chayrayku Tukuy Atiyniyoj Tata Diosqa runaykachaj Asiriaman llawch'iyay onqoyta apachimonqa, Asiriata kuraj kamachejpa jatun kaynintataj ninawan jap'iykuchenqa llant'ata jina.

Isaías 10:5

Tata Dios nin: Asiria, qanqa phiñakuyniypi wajtanay k'aspi kanki, phiñakuspa oqharinay varaytaj.

Isaías 14:25

Asiriokunataqa suyuypi chinkachisaj, orqoypitaj paykunata sarurasaj. Aylluyta kacharichisaj paykuna yugota churasqankumanta, aylluypa wasankumantataj paykunaj churasqanku q'epita phaskarasaj.

Isaías 16:4

Moabmanta ayqekojkunata wajyarikuy ari, chay ñak'arichejkunamantataj paykunata pakaykuriy ari, chay ñak'ariy tukukunankama, nispa. Aswan qhepanejman chay soldadokuna manaña paykunata ñak'arichenqankuchu, jinallataj imankuta qhechoj awqakuna riponqanku.

Isaías 47:6

Noqaqa Israel aylluypaj mayta phiñakorqani. Chayrayku ajllakusqay Israelta mana allinpajchu qhawarqani, makiykimantaj paykunata jaywaykorqani. Qantajrí mana khuyaspa, paykunata anchatañataj ñak'aricherqanki. Allin machu runakunatapis anchata ñak'arichillarqankitaj.

Isaías 49:26

Chay ñak'arichisojkunaman kikin aychallankutataj mikhuchisaj, yawarnillankuwantaj vinowan jina paykunata machachisaj. Ajinamanta tukuy runakuna yachanqanku noqa Tata Dios pagota qospa kacharichisoj kasqayta. Noqaqa Jacobta kamachej kani, may atiyniyojtaj, nispa.

Isaías 51:13

Chaywanpis ruwasojniyki Tata Diosta qonqapunkiña, pichus janajta jatunman aysarqa, kay pachaj cimientontapis churallarqataj, payta. Qanqa tukuy p'unchaynintin manchachikullankipuni, pichus llakichisuspa, phiñakuyninpi chinkachisuyta munarqa, chaymanta. Kunan maytaj chay jinata llakichisoj runaj phiñakuyninri?

Isaías 52:2

Jerusalén llajta, jatariy, p'achaykimanta jallp'ata thalarakuytawantaj, kamachinayki tiyanapi tiyaykuy. Presochasqa sipas jina Sión, kunkaykipi cadenawan watasusqankuta phaskarakuy.

Isaías 54:14

Cheqan kajwan sumaj sayachisqa kanki. Manaña ñak'arichisqachu kanki, manañataj manchachikunkichu, imaraykuchus manchachikoyqa manaña qanman qayllamusonqachu.

Isaías 9:5

5 (4) Soldadokunaj yawarpura p'achanku, botanku ima ninapi ruphachisqa kanqanku.

Jeremías 30:8

Noqa Tukuy Atiyniyoj Tata Dios nini: Wata runa kawsaymanta aylluyta kacharichisaj, watanankukunata p'itirasaj, amaña ujtawan waj llajtayojkunaj wata runanku kanankupaj.

Jeremías 48:17

Moabpa muyuyninpi kajkuna, paymanta waqaychej. Manchay uyarisqa kasqanta yachajkunapis niychej: Qhawaychej imaynachus kamachiynin phirisqa kasqanta. Chay kamachiynenqa may k'achitu, sumaj atiyniyojtaj karqa, nispa.

Levítico 26:13

Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

Nahúm 1:13

Manachayqa, pataykipi kashan, chay yugota t'unasaj, cadenaykitapis p'itirasaj, nispa.