Isaías 9:3 - DIOSPA QHELQACHISQ

³ 3 (2) Qanqa kay Israel suyupi tiyakojkunata miraykuchinki, kusiywantaj junt'achinki. Ñawpaqeykipi tukuy kusikonqanku, imaynatachus runakuna poqoyta oqharispa kusikunku, ajinata. Maytapuni kusikonqanku, imaynatachus soldadokuna maqanakupi qhechusqankuta rak'inakuspa kusikunku, ajinallatataj.

Qheshwa Biblia DC

³ Señor, qanqa jatun kusiyta apamunki, may jatumpuni kusikuytaqa. Tukuy kusikonqanku cosechapi kusikunku, ajinata; maytapuni kusikonqanku, qhapaj imasta rak'inakuspa kusikunku, ajinata.

DIOSPA QHELQACHISQAN DEUTEROCANONICAL

³ 3 (2) Qanqa kay Israel suyupi tiyakojkunata miraykuchinki, kusiywantaj junt'achinki. Ñawpaqeykipi tukuy kusikonqanku, imaynatachus runakuna poqoyta oqharispa kusikunku, ajinata. Maytapuni kusikonqanku, imaynatachus soldadokuna maqanakupi qhechusqankuta rak'inakuspa kusikunku, ajinallatataj.

Isaías 9:3 ပူးပေါင်းရင်းမြစ်များ

Nehemías 9:23

Paykunata mirachillarqankitaj janajpi ch'askakuna chhikatapuni. Ñawpa tatankuman qonaykita nerqanki, chay suyumanpis paykunata pusallarqankitaj.

Job 12:23

Payqa suyukunata jatunchan, chantá payllataj thuñirparin. Suyukunata ch'eqerachispa, payllataj tukuynejmanta tantaykun.

Salmos 107:38

Dios paykunata saminchaspa, ashkhaman miracherqa, uywankutapis mirachipullarqataj.

Salmos 119:162

Noqaqa nisqaykiwan manchay kusisqa kani, manchay valorniyoj imatapis tarikuyman jina.

Salmos 4:7

7 (8) Qanmin jatun kusiyta qowarqanki, pikunachus ashkha trigoyoj, ashkha vinoyoj ima kaspa kusikunku, chaykunamantapis astawanraj.

Isaías 10:26

Tukuy Atiyniyoj Tata Dios paykunata sinch'ita jasut'enqa, imaynatachus Gedeón Oreb chhankapi madianitakunata wañuracherqa, ajinata, imaynatatajchus Tata Dios egipciokunaj contrankuta mama qochapi varanta oqharerqa, ajinata.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 14:5

Tata Diosqa paypa llakichina atiyninta p'akirparin, chay millay kamachiynintapis t'unata ruwan.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Isaías 26:15

Qan, Tata Dios, kay suyuykuta jatunyacherqanki, sutiyki jatunchasqa kananpaj. Kay suyuykoj mojonninkunatapis aswan jaqayman churarqanki.

Isaías 35:10

Ajinata Tata Diospa qhespichisqan kajkuna kutimponqanku, Sionmantaj takirikuspa yaykuponqanku. Jatun kuseyqa pillu jina umankupi kanqa. Chaypacha paykunata jatun kusiy taripanqa, llakiywan, ayqoywantaj paykunapaj tukukaponqa.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Isaías 54:1

Tata Dios nin: Jerusalén llajta, jatunmanta kusikuy ari, mana wawata rejsej warmi, mana wawata paqarichikuyta yachaj warmi. Jatunmanta takispa, kusikuy mana wijsallikuyta yachaj warmi, imaraykuchus saqerparisqa warmej wawankuna aswan ashkha kanqanku qosayoj warmej wawankunamanta nisqaqa.

Isaías 55:12

Qankunaqa kusisqa Babiloniamanta jaqaymanta llojsimunkichej, sonqo junt'asqataj kay jallp'aykichejman kutimpunkichej. Orqokuna, lomakunapis ñawpaqeykichejta maytapuni takirenqanku. Campopi tukuy sach'akunapis mayta t'ajllarikonqanku.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 61:7

Qankuna manaña p'enqachisqachu nitaj k'umuykachachisqachu kankichej. Aswanpis jallp'ataqa uj jinatawanraj jap'inkichej, chaypi kapuyniyoj kankichej, wiñaypajtaj kusisqa kawsakunkichej.

Isaías 65:14

Kamachiykunaqa tukuy sonqowan sumajta takirikonqanku, qankunatajrí sonqo nanayta mana piniyoj jina mayta llakiywan waqankichej.

Isaías 65:18

Qankuna maytapuni wiñaypaj kusikunkichej chayta ruwasqayrayku. Jerusalenta jatunta kusikunapaj ruwasaj, jinallataj chaypi tiyakoj runakuna kusikunankupaj.

Isaías 66:10

Jerusalenwan khuska mayta kusirikuychej, payta munakojkuna. Payrayku llakiywan tukuy waqajkuna, tukuy kusisqa kaychej.

Jeremías 31:7

Tata Dios nin: Jacobpa ayllunrayku kusikuspa takiychej. Munasqa suyurayku kusiywan qhapariychej. Yupaychaspa, kay jinata niychej: Tata Diosqa ayllunta kacharichin, Israelmanta puchojkunatataj kacharichin, nispa.

Oseas 4:7

Sacerdotekunaqa astawan ashkhaman mirasqankuman jina astawan contraypi juchallerqanku. Chayrayku allinpaj qhawasqa kasqankuta p'enqayman tukuchisaj.

Levítico 26:13

Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

Zacarías 10:8

Noqa Tata Dios wajyaspa, paykunata tantaykakapusaj. Chantá preciota pagaspa paykunata awqankumanta kacharichejtiy, unay tiempopi jina ujtawan may chhikaman miranqanku.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

Zacarías 8:23

Chay p'unchaypi waj llajtakunamanta chunka runakuna uj judíoj p'achanmanta jap'iykukuspa, nenqanku: Qankunawan riyta munayku, imaraykuchus uyariyku qankunawan Dios kasqanta, nispa.

San Lucas 11:22

Chaywanpis sichus paymanta aswan kallpayoj jamuspa, maqanakupi atipanman chayqa, atinikusqan armanta qhechunman, paypa imankunata apakapuspataj, chaywan munasqanta ruwanman.

Hechos 8:8

Chayrayku Samariapi may kusiy karqa.

Filipenses 4:4

Qankuna Tukuyta Kamachej Jesusman ujchasqa kasqaykichejmanta kusikuychejpuni. Ujtawanpis nillaykichejtaj: Kusikuychej, nispa.

1 Pedro 1:8

Qankunaqa Jesucristota mana rikuspalla munakunkichej. Kunanpis mana payta rikuspalla, paypi atinikunkichej, kusikunkichejtaj may jatun mana niy atina kusiywan.

Jueces 5:3

Uyariwaychej, qankuna kuraj kamachejkuna, uyariwaychej, qankuna kamachejkuna. Kunan takisaj Tata Diosman. Kunan takisaj Israelpa Tata Diosninman.

Jueces 7:22

Chaykama 300 israelitakunaqa pututunkutaqa waqachishallarqankupuni, Tata Diostaj madianitakunataqa paykunapurata maqanaykucherqa. Jinallapi paykuna Bet Sitaman ayqekorqanku, Sererá ñanninta rispa, Tabat qayllapi Abel Meholá tinkuykama chayarqanku.

Jueces 8:12

Kuraj kamachej Zebajwan, Salmunawantaj ayqerqanku. Gedeonrí qhatiykuytawan, paykunata jap'irparerqa, madianita tukuy soldadonkukunatataj t'ustiykorqa.

1 Samuel 30:16

Chantá Egipto llajtayoj paykunata, maypichus suwakuna kasharqanku, chaykama pusarqa. Suwakunaqa tukuy pampapi ch'eqerasqa kusirikuspa kasharqanku. Mikhusharqanku, ujyasharqankutaj filisteokunamanta, jinataj Judamanta tukuy imata suwasqankumanta.