Isaías 9:18 - DIOSPA QHELQACHISQ

¹⁸ 18 (17) Tukuy millay ruwayqa nina jina lawrarin. Imaynatachus nina q'olaykun khishkakunata, qhorakunata ima, ajinata lawrarin, imaynatatajchus sach'akunata q'olaykun, q'oshñipis chaymanta manchayta llojsimun, ajinata.

Qheshwa Biblia DC

¹⁸ Tukuy sajra kajqa nina jina laurarin, imaynatachus nina q'olaykun khishkasta, qhorasta ima, ajinata; chanta imaynatachus uj monteta q'olaykun, q'osñipis chaymanta manchayta llojsimun ajinata.

DIOSPA QHELQACHISQAN DEUTEROCANONICAL

¹⁸ 18 (17) Tukuy millay ruwayqa nina jina lawrarin. Imaynatachus nina q'olaykun khishkakunata, qhorakunata ima, ajinata lawrarin, imaynatatajchus sach'akunata q'olaykun, q'oshñipis chaymanta manchayta llojsimun, ajinata.

Isaías 9:18 ပူးပေါင်းရင်းမြစ်များ

1 Reyes 16:21

Chantá israelitakunaqa iskay yuyayniyoj karqanku. Wakinkuna Ginatpa churin Tibnita kuraj kamachejta churayta munarqanku, wakintaj Omrita.

Salmos 37:20

Millayta ruwaspa purejkunaqa ch'aki qhora jina lawranqanku, Tata Diospa awqankunataj q'oshñi jina chinkanqanku.

Salmos 68:2

2 (3) Imaynatachus wayraqa q'oshñita chinkachin, ajinallatataj paykunata chinkachiy. Imaynatachus maphapis ninapi unuyapun, ajinallatataj millayta ruwajkuna Diospa ñawpaqenpi tukuchisqa kachunku.

Salmos 83:14

14 (15) Imaynatachus sach'akunata nina ruphaykun, imaynatatajchus nina lawray orqokunata q'olaykun,

Isaías 1:31

Qankunamanta wapu kajkunaqa q'opa jina kanqanku, millay ruwasqankutaj phawaj nina jina pajaman urmamonqa. Chay runakuna millay ruwasqankuwan ima ujllapi lawrarenqanku, nitaj pipis thasnoj kanqachu, nispa.

Isaías 1:7

Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Isaías 26:11

Tata Dios, qanqa ñapis paykunata jasut'inaykipajña kashanki, paykunatajrí mana reparakunkuchu. Chay aylluykipaj munakuyniykita rikuspa, millayta ruwajkuna p'enqaypi rikhurichunku, k'araj phiñakuyniykej lawraynintaj awqaykikunata tukuchichun.

Isaías 27:4

Chay huertapaj manaña phiñasqachu kani. Chaywanpis sichus chaypi khishka, chayrí qhora kanman chayqa, noqa chayta t'iraytawan, saruyman, ruphachiymantaj.

Isaías 3:5

Runakuna paykunapura sarunakonqanku, purajmantataj maqanakonqanku. Waynakunapis machu runakunaj contranta oqharikonqanku, mana kasu ruwana runakunataj maypaj qhawasqa runakunawan jap'inakonqanku.

Isaías 30:30

Chaypacha Tata Dios jatunmanta parlasqanta uyarichenqa. Atiyniyoj makinwan k'araj phiñakuyninta rikuchenqa manchayta q'olarparej ninawan, chantá llojlla parawan, manchay muyoj wayrawan, jatuchaj rumi jina chijchi parawan ima. Ajinamanta pay atiyninta rikuchenqa.

Isaías 30:33

Unaymantapacha Asiria llajtayojkunapaj, kuraj kamachejninkupajwan ima, Tofet nisqa q'olachina cheqa wakichisqa kashan, manchay jatun, ukhutaj, ashkha llant'ayoj, ninayoj ima. Chaymantaj Tata Diosqa azufre mayuta jina samayninwan jap'iykuchenqa.

Isaías 33:12

Chaypacha llajtaykichejkunaqa cal chayasqa jina kanqanku. K'utusqa khishka jina ninapi ruphachisqa kanqanku.

Isaías 33:14

Juchasapakuna Sionpi mayta kharkatitinku, puraj uyakunatapis t'ukuylla jap'in. Noqanchejmanta pitaj kay q'olaj nina ukhupi kawsanmanri? Pitaj wiñaypaj nina lawraywan khuska tiyakunmanri?

Isaías 5:24

Chayrayku imaynatachus nina ichhuta q'olaykun, lawraynintaj ch'aki laqheta ujllata rupharparin, ajinallatataj qankunapis chinkachisqa kankichej. Qankunaqa saphinmanta ismoj yura jina kankichej, t'ikantaj ñut'u jallp'aman tukupun, ajina, imaraykuchus Tukuy Atiyniyoj Tata Diospa kamachisqanta qhesacharqankichej, Israelpa May Llimphu Kaj Diosninpa nisqantataj pisipaj qhawarqankichej.

Isaías 50:11

Qankuna, munasqaykichejman jina kawsajkuna, sumajta qhawakuychej imatachus ruwasqaykichejta, imaraykuchus chay ruwasqaykichejpi tojllapi jina urmankichej. Tata Diosqa jasut'iyta apachimusonqachej, ñak'ariypitaj choqarayankichej, nispa.

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Oseas 13:3

Chayrayku paykuna sut'iyaymanta chinkapoj phuyu jina kanqanku, chayrí imaynatachus tuta tutamanta chhulla chinkapun, ajina. Wayralla apakapoj paja jina kanqanku, imaynatachus q'oshñi chinkapun, ajinallatataj chinkaponqanku.

Joel 2:20

Jinallataj wichaynejmanta jamoj phinki phinki khurukunata qankunamanta karunchachisaj, paykunatataj ch'innejman wijch'usaj. Ñawpajpi kajkunata Wañusqa Qochapi jeq'eqachisaj, qhepapi kajkunatataj mama qochapi p'ultiykuchisaj. Wañusqa phinki phinkikunaqa asnaykonqanku, imaraykuchus noqa Tata Diosqa t'ukuna imakunata ruwasaj, nispa.

Joel 2:3

Chaykuna, imaynatachus nina tukuy ima tarisqanta ruphaykun, ajinata ruwanku. Manaraj chay p'unchay chayamushajtin, jallp'aqa Edén huerta jina karqa. Ripojtinkurí, ch'in q'ara pampaman tukun. Paykunaj makinkumantaqa mana imapis llusp'inchu.

Amós 7:4

Chantá Tukuyta Kamachej Tata Dios kayta rikuchiwarqa: Payqa manchay lawrarishaj ninata wakichishasqa ayllunta chaywan jasut'inanpaj. Chay ninaqa mama qochata ch'akirparichisqa, tukuy chajratapis ruphaykullasqataj.

Abdías 1:18

Jacobpata, jinataj Josejpata ayllunkuna nina lawraj jina kanqanku. Esaujpa ayllunmanta kajkunatajrí ch'aki qhora jina chay ninawan ruphachisqa kanqanku. Ni pi Esaujpa ayllunmanta kawsashaj qhepakonqachu. Noqa Tata Diosmin chayta nini.

Nahúm 1:10

Khishkarara ch'awjra jina, ch'aki ichhu jinataj tukuynin awqankuna ruphachisqa kanqanku.

Nahúm 1:6

Phiñakojtin, pitaj ñawpaqenpi sayanmanri? Pay phiñakojtin, pitaj ñawpaqenpi awantayta atinmanri? Sinch'i phiñakuynenqa k'ajarishaj nina jina t'akakamun. Ñawpaqenpeqa qaqapis iskayman ch'ejtakun.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

Deuteronomio 32:22

Phiñakuyneyqa nina jina lawrarin, chay ninataj ukhu pachakama lawrarenqa. Jallp'ata, tukuy imantinta q'olaykonqa. Orqokunatapis saphinmantapacha ruphaykonqa.

Hebreos 6:8

Pikunachus ñawpa kawsayman kutiripojkunarí qhasi manakaj khishkata wiñachej jallp'a jinalla kanku. Chay jina jallp'atataj Dios maldicin, qhepanejmantaj ninawan ruphaykuchisqa kanqa.

Apocalipsis 14:11

Chantá paykunaj ñak'arisqankoj q'oshñintaj wiñay wiñaypaj q'oshñenqa. Chay waj sierpe rikhurimojta, lantintapis yupaychajkuna, chantá marcanta churachikojkuna ima tuta p'unchay ñak'arispa, mana samarenqankuchu.