Isaías 9:16 - DIOSPA QHELQACHISQ

¹⁶ 16 (15) Chay kamachejkunaqa runakunata ch'awkiyaspa, pantay ñanta pusanku.

Qheshwa Biblia DC

¹⁶ Chay llajtata kamachejkunaqa ch'aukiyajkuna kanku, kasojkunataj chinkapunku.

DIOSPA QHELQACHISQAN DEUTEROCANONICAL

¹⁶ 16 (15) Chay kamachejkunaqa runakunata ch'awkiyaspa, pantay ñanta pusanku.

Isaías 9:16 ပူးပေါင်းရင်းမြစ်များ

2 Crónicas 30:27

Chaymantataj sacerdotekuna, jinataj levitakunapis sayarikuspa, chaypi kajkunata samincharqanku. Tata Diostaj paykunata uyarerqa, imaraykuchus mañakusqankoqa Diospa tiyakunan janaj pachakama chayarqa.

Isaías 10:4

Manachus presochasqakunawan k'umuykuchisqa kankichej chayqa, maqanakupi wañuchisqapuni kankichej. Chay tukuywanpis Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Isaías 19:14

Tata Diosqa paykunapi musphay yuyayta rikhuricherqa. Paykunaqa Egiptota tukuy ima ruwasqanpi pantacherqanku, imaynatachus machasqa runa lansasqan patapi last'aykachan, ajinata.

Isaías 3:12

Majt'illukunalla aylluytaqa munasqankuta ruwanku, warmikunallataj paykunata kamachinku. Ayllúy, kamachejniykichejkunaqa q'otiyashasunkichej, pantay ñankunata pusaspa.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Jeremías 18:21

Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 23:13

Samariapi tiyakoj sut'inchajkunata rikuni kay millachikuna imata ruwashajta: Paykuna Baalpa sutinpi sut'inchaspa, Israel aylluyta pantachinku.

Jeremías 9:4

4 (3) Kawsaqeykichejmanta qhawakuychej, amataj kikin wawqeykichejpipis atinikuychejchu, imaraykuchus wawqepurapis ch'awkiyanakunku. Kawsaqentinpurapis llullakuspa tumpanakunku.

Amós 2:4

Tata Dios kay jinata nillantaj: Judamanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus paykunaqa noqa Tata Dios imatachus yachachisqayta pisipaj qhawarqanku, manataj kamachisqayta kasorqankuchu. Manachayqa tatankoj yupaychasqanku lantikunallatataj paykunapis yupaycharqanku.

Miqueas 3:5

Israel aylloyqa pantay ñanllatapuni rishan, sut'inchajkunawan q'otiyachikusqanrayku. Pikunachus paykunata mikhuchejkunaman chay sut'inchajkuna ninku: Allillanpi tiyakusunchej, nispa. Pikunachus mana imatapis qonkuchu chaykunatarí, maqaj sayaykunku.

San Mateo 15:14

Paykunata saqeychej, imaraykuchus ñawsakuna kanku, waj ñawsakunata pusaykachajtaj. Sichus ñawsa runa waj ñawsata pusaykachanman chayqa, iskayninku t'oqoman urmaykonqanku, nispa.

Hebreos 7:7

Tukuy yachanchej pichus saminchajqa aswan kuraj kasqanta saminchayta jap'ejmanta nisqaqa.