Isaías 8:8 - DIOSPA QHELQACHISQ

⁸ Chayqa Judá suyuman junt'aykonqa, kunkankamataj chayanqa. Emanuel, tukuynin suyuyki ankaj lijranwan jina qhataykusqa kanqa.

Qheshwa Biblia DC

⁸ Chaytaj Judakama chayanqa, tukuynintataj p'ampaykonqa, kunkankama chayaspa. Emanuelníy, tukuynin jallp'aykita lijrawan qhataykonqa.

DIOSPA QHELQACHISQAN DEUTEROCANONICAL

⁸ Chayqa Judá suyuman junt'aykonqa, kunkankamataj chayanqa. Emanuel, tukuynin suyuyki ankaj lijranwan jina qhataykusqa kanqa.

Isaías 8:8 ပူးပေါင်းရင်းမြစ်များ

2 Reyes 17:3

Chantá Asiria suyuta kuraj kamachej Salmanasar jamuspa, Oseaspa contranta maqanakorqa. Chantá atipaykuspa, kamachinman tukucherqa, impuestotapis munajta mana munajta pagacherqa.

2 Crónicas 12:4

Chantá Judapi sumaj jark'achasqa llajtakunata jap'ispa, Jerusalén llajtakama chayamorqanku.

Isaías 10:6

Noqaqa asiriokunata millayta ruwaj runakunaman kachasaj, k'arajta phiñachiwaj llajtamantaj pusasaj. Paykuna chaykunaj imankuchus kajta, tukuy kapuyninkutapis qhechumonqanku, callekunapi t'uruta jina paykunata saronqanku.

Isaías 30:28

Paypa samaynenqa yaku mayu llump'irishaj jina kanqa, awqankunaj kunkankukama chayaj jina. Payqa waj suyukunaman yugota churan, paykunata chinkayman pusananpaj. Jinallataj tukuy suyumanta runakunaj siminkuman frenota churanqa, paykunata pantachinanpaj.

Isaías 43:2

Mayuta chimpashajtiyki, noqa qanwan kasaj, manataj mayupis apasonqachu. Nina chawpita purishaspapis, mana ruphachikunkichu, lawrayninpis mana q'aspallasonqapischu.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Isaías 7:17

Chay qhepamanrí Tata Dios jatun llakiykunata apachimusonqa qanman, aylluykiman, tataykej ayllunman ima. Chay jina llakiykuna ni jayk'aj karqachu, Efraín ayllu Judá suyumanta t'aqakusqanmantapacha. Tata Dios Asiriaj kuraj kamachejninta contraykipi kachaykamusonqa.

Isaías 8:10

Sumajtapis maqanakunapaj wakichikojtiykichej, qhasi manakajllapaj kanqa. Imata parlasqaykichejqa manapuni junt'akonqachu, imaraykuchus Diosqa noqaykuwan kashan, nispa.

Jeremías 47:2

Tata Dios kay jinata nin: Wichaynejmanta yaku jina junt'aykamonqa. Imaynatachus mayoqa wasaykuspa tukuynin jallp'ata, chaypi kaj llajtakunata, runantinta ima p'ampaykun, ajinata p'ampaykonqa. Tukuy chaynejpi tiyakojkunaqa qhaparenqanku. Tukuy runapis nanaywan waqanqanku.

Jeremías 48:40

Tata Dios nillantaj: Moabpa awqanqa anka jina paypa contranpi phawan.

Jeremías 51:42

Mama qochaqa Babiloniaman junt'aykonqa, qhollchoqeyasqanwantaj p'ampaykonqa.

Ezequiel 17:3

Paykunata niy: Tukuyta Kamachej Tata Dios kayta nisunkichej: Uj manchay jatun anka Libanoman chayamusqa. Lijrankunaqa manchay jatuchaj kasqa, tukuy imaymana color phuruyojtaj. Chantá pino sach'aj thansanta jap'ispa,

Ezequiel 26:19

Tukuyta Kamachej Tata Dios kay jinata nin: Ch'in raqayman tukuchisqayki, ni pejpa tiyakunan llajtata jina. Mama qocha ukhumanta ashkha yakuta phullchichimusaj, chay yakutaj p'ampaykusonqa.

Daniel (hebreo) 11:10

Chaywanpis wichaynejmanta kuraj kamachejpa churinkuna maqanakupaj wakichikonqanku, ashkha soldadotataj tantaykonqanku. Paykunamanta ujnintaj soldadonkunawan khuska uray kaj suyuman yaykonqa, mayuta wasaykoj yaku jina tukuyninta phiriykuspa. Chay suyupi sinch'ita maqanakuspataj, kamachina wasikama chayanqanku.

Miqueas 1:9

Samaria llajtaj k'irisqa kasqanqa mana jampiy atina jina. Judá suyupis k'irisqallatajmin kashan, chaytaj Jerusalén llajtaypa punkunkama chayan.

Miqueas 5:5

5 (4) Paymin allinpi kawsanata Israelman apamonqa. Maypachachus asiriokuna suyunchejman junt'aykamonqanku, kamachina wasinchejmanpis yaykuykamonqanku chaypacha, noqanchej paykunaj contrankupi maqanakunankupaj qanchis kamachejkunata, pusaj kurajkunatawan kachasunchej.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.