Isaías 8:7 - DIOSPA QHELQACHISQ

⁷ Chayrayku Tukuyta Kamachej Dios paykunaj patankuta Éufrates mayu yakuwan llump'irichenqa. Chayqa Asiriata kuraj kamachej, paytaj tukuy atiyninwan paykunaj contranta jamonqa. Chay yakoqa tukuy mayuta atipaspa, tukuy mayu kantunta wasarenqa.

Qheshwa Biblia DC

⁷ Chayrayku, Señorqa paykunaj patankuta yakuwan llump'irichenqa, manchayta correshajta, ashkhawantaj. Chayqa kashan Asiria rey, tukuy atiyninwan. Chay yakoqa tukuy mayusta atipaspa, tukuy mayu cantosta wasarenqa.

DIOSPA QHELQACHISQAN DEUTEROCANONICAL

⁷ Chayrayku Tukuyta Kamachej Dios paykunaj patankuta Éufrates mayu yakuwan llump'irichenqa. Chayqa Asiriata kuraj kamachej, paytaj tukuy atiyninwan paykunaj contranta jamonqa. Chay yakoqa tukuy mayuta atipaspa, tukuy mayu kantunta wasarenqa.

Isaías 8:7 ပူးပေါင်းရင်းမြစ်များ

Génesis 6:17

Chantá noqaqa kay pachaman manchay sinch'itapuni parachimusaj, yaku kay pachata p'ampaspa, tukuy kawsajta chinkachinanpaj. Jallp'a patapi tukuy kawsayniyojpis wañullanqankutaj.

2 Reyes 19:32

Chayrayku Tata Diosqa Asiria suyuta kuraj kamachejmanta ajinata nin: Mana Jerusalén llajtaman yaykumonqachu, manataj arcowan uj flechallatapis kacharenqachu. Escudonwan maqanakoj mana jamonqachu, manataj perqa wasarina moqotapis ruwanqachu.

Esdras 4:10

chantapis waj suyukunamanta kajkunawan ima. Paykunataqa kuraj kamachej Asnapar llajtankupi jap'irachispa, apachisqa Samariaman, Éufrates mayoj inti yaykuynej ladonman ima.

Salmos 46:4

4 (5) Uj mayu Diospa llajtanpi tiyakojkunata kusichin, maypichus Dios tiyakun, chay llajtata.

Salmos 72:8

Pay kamachichun ujnin mama qochamanta ujnin mama qochakama, Éufrates mayumantapachataj kay pachaj k'uchunkama.

Isaías 10:16

Chayrayku Tukuy Atiyniyoj Tata Diosqa runaykachaj Asiriaman llawch'iyay onqoyta apachimonqa, Asiriata kuraj kamachejpa jatun kaynintataj ninawan jap'iykuchenqa llant'ata jina.

Isaías 10:5

Tata Dios nin: Asiria, qanqa phiñakuyniypi wajtanay k'aspi kanki, phiñakuspa oqharinay varaytaj.

Isaías 11:15

Tata Diosqa Egiptopi Puka Mama Qochata ch'akichenqa. Éufrates mayunejman makinta oqharispa, uj sinch'i wayrawan chay mayuta qanchis juch'uychaj mayukunaman t'aqarparenqa, runakuna mana juk'utankuta lluch'ukuspa chimpanankupaj.

Isaías 28:15

Qankuna nisqankichej: Uj tratota wañuywan ruwayku, ukhu pachawantaj tratoyoj kayku. Manchay jasut'iy jamojtinpis, mana chayamuwasqaykuchu, imaraykuchus llullakuypi pakakuyku, jinallataj ch'awkiyaypipis, nispa.

Isaías 28:17

Justiciataqa plomadata jina churasaj, cheqan kajtataj hilota jina churasaj, nispa. Chantá llullakuypi pakakunaykichejta chijchi para chinkachenqa, ch'awkiyaypi pakakunaykichej cheqatapis yaku apakaponqa.

Isaías 28:2

Tukuyta Kamachej Dios kallpasapa soldadokunata kachamonqa. Paykunaqa chijchi para jina, sinch'i wayra jinataj jamonqanku, jinallataj loco para jina, ashkha yaku llump'imoj jinataj. Chantá tukuy kallpankuwan Samariata pampaman ch'allpanqanku.

Isaías 43:2

Mayuta chimpashajtiyki, noqa qanwan kasaj, manataj mayupis apasonqachu. Nina chawpita purishaspapis, mana ruphachikunkichu, lawrayninpis mana q'aspallasonqapischu.

Isaías 59:19

Inti yaykuynejpi tiyakojkunaqa Tata Diosta manchachikonqanku. Jinallataj inti llojsimuynejpi tiyakojkunapis Tata Diosta jatunchanqanku, imaraykuchus payqa ashkha mayu yaku jina manchayta llump'irimonqa, sinch'i wayraj apamusqan.

Isaías 7:17

Chay qhepamanrí Tata Dios jatun llakiykunata apachimusonqa qanman, aylluykiman, tataykej ayllunman ima. Chay jina llakiykuna ni jayk'aj karqachu, Efraín ayllu Judá suyumanta t'aqakusqanmantapacha. Tata Dios Asiriaj kuraj kamachejninta contraykipi kachaykamusonqa.

Isaías 7:20

Chaypacha Tukuyta Kamachej Dios Éufrates mayu chimpamanta Asiriaj kuraj kamachejninwan mañarisqa cuchillowan jina Israelta raphanqa tukuy jallp'anta, tukuy poqoyninta, chantá tukuy runankunata ima.

Jeremías 47:2

Tata Dios kay jinata nin: Wichaynejmanta yaku jina junt'aykamonqa. Imaynatachus mayoqa wasaykuspa tukuynin jallp'ata, chaypi kaj llajtakunata, runantinta ima p'ampaykun, ajinata p'ampaykonqa. Tukuy chaynejpi tiyakojkunaqa qhaparenqanku. Tukuy runapis nanaywan waqanqanku.

Jeremías 51:42

Mama qochaqa Babiloniaman junt'aykonqa, qhollchoqeyasqanwantaj p'ampaykonqa.

Ezequiel 26:19

Tukuyta Kamachej Tata Dios kay jinata nin: Ch'in raqayman tukuchisqayki, ni pejpa tiyakunan llajtata jina. Mama qocha ukhumanta ashkha yakuta phullchichimusaj, chay yakutaj p'ampaykusonqa.

Daniel (hebreo) 11:10

Chaywanpis wichaynejmanta kuraj kamachejpa churinkuna maqanakupaj wakichikonqanku, ashkha soldadotataj tantaykonqanku. Paykunamanta ujnintaj soldadonkunawan khuska uray kaj suyuman yaykonqa, mayuta wasaykoj yaku jina tukuyninta phiriykuspa. Chay suyupi sinch'ita maqanakuspataj, kamachina wasikama chayanqanku.

Daniel (hebreo) 11:22

Contranpi sayaykoj soldadokunata tukuyninkuta chinkachenqa, jinallatataj tratota ruwajtapis wañuchillanqataj.

Daniel (hebreo) 9:26

Chay sojta chunka iskayniyoj semana qhepata Diospaj Ajllasqan Kuraj Kamachejta wañuchenqanku. Chantá waj kuraj kamachej jamuspa, Jerusalén llajtata, jinallataj Templotapis soldadonkunawan thuñiykuchenqa. Tukuy imaj tukukuynenqa jatun mayu jina ujllata chayamonqa. Chay tukukuykamarí Dios kamachisqanman jina maqanakuy, llakiykuna ima kallanqapuni.

Amós 8:8

Chay jina millay ruwasqankumanta kay suyoqa kharkatitenqa. Jinallatataj chay suyupi tukuy tiyakojkuna waqanqanku. Chaypacha jallp'a pachallanmanta kuyurenqa, tiyaykonqataj, imaynatachus Nilo mayupi yaku ashkhayantaj pisiyantaj, jinata, nispa.

Amós 9:5

Tukuy Atiyniyoj Tata Dios jallp'ata llankhan, jallp'ataj unuyan, chaypi tiyakojkunataj waqanku. Jallp'a oqharikonqa, tiyaykonqataj, imaynatachus Egiptopi Nilo mayu ashkhayantaj, pisiyantaj, jinata.

Miqueas 1:9

Samaria llajtaj k'irisqa kasqanqa mana jampiy atina jina. Judá suyupis k'irisqallatajmin kashan, chaytaj Jerusalén llajtaypa punkunkama chayan.

Miqueas 5:4

4 (3) Chay kamachejtaj Israel ayllunta michinanpaj jatarenqa Tata Diospa atiyninwan, jatun kayninwantaj. Jinapi paykuna allinpi kawsanqanku, imaraykuchus Tata Dios jatunchasqapuni kanqa kay pachaj k'uchunkunakama.

Miqueas 5:5

5 (4) Paymin allinpi kawsanata Israelman apamonqa. Maypachachus asiriokuna suyunchejman junt'aykamonqanku, kamachina wasinchejmanpis yaykuykamonqanku chaypacha, noqanchej paykunaj contrankupi maqanakunankupaj qanchis kamachejkunata, pusaj kurajkunatawan kachasunchej.

Nahúm 1:8

Chaywanpis imaynatachus yaku junt'aykuspa tukuy imata apakapun, ajinatamin paywan tukuy churanakojkunata picharparenqa. Tukuy awqankunata manchay laqhayaylla qhatirenqa.

San Lucas 6:48

Chay runa rijch'akun, pichus wasinta ruwayta qallarinanpaj, ñawpajta sumaj ukhuta allasqa chhankata taripanankama, chayman. Chantá chay patapi rumimanta cimientota churasqa. Chaymanta sinch'ita parajtin, mayoqa wasarispa wasiman wajtakamusqa. Chaywanpis waseqa mana imanakusqachu, chhanka patapi ruwasqa kasqanrayku.

Apocalipsis 17:15

Jinallataj chay ángel niwarqa: Chay ashkha yaku rikusqaykeqa, maypichus chay phisu warmi tiyasqa kashan, chayqa ashkha runawan ninakun, jatuchaj suyukunawan, tukuy imaymana parlayniyojkunawan ima.