Isaías 8:6 - DIOSPA QHELQACHISQ

⁶ Noqa Judá suyuta waqaychasqayqa, alliyllamanta purej Siloé yaku jina. Chaywanpis paykuna qhesachawaspa, kuraj kamachej Resinwan chantá kuraj kamachej Pecajwan kusirikunku.

DIOSPA QHELQACHISQAN DEUTEROCANONICAL

⁶ Noqa Judá suyuta waqaychasqayqa, alliyllamanta purej Siloé yaku jina. Chaywanpis paykuna qhesachawaspa, kuraj kamachej Resinwan chantá kuraj kamachej Pecajwan kusirikunku.

Isaías 8:6 ပူးပေါင်းရင်းမြစ်များ

1 Reyes 7:16

Ruwallarqataj broncemanta iskay pilluta jina, chay sayantakunaj patanman churanankupaj. Sapa pilloqa phatunman iskay metro uj cuarta kurajniyoj karqa.

Nehemías 3:15

Coljozéj churin Salunqa Mispá chaynejmanta kamachej karqa, paytaj Pujyu Punku nisqata oqharicherqa. Payqa patanta qhataykucherqa, punkunkunata churaykaporqa llaventinta, fierromanta trancanantinta ima. Perqata oqharichillarqataj Kuraj Kamachejpa Huertan nisqa qayllapi, Siloé qocha chaynejpi, Davidpa llajtanman urayk'una patillakuna, chaynejkama.

Salmos 46:4

4 (5) Uj mayu Diospa llajtanpi tiyakojkunata kusichin, maypichus Dios tiyakun, chay llajtata.

Isaías 1:20

Manapuni kasukuyta munankichej chayrí, espadawan wañuchisqa kankichej. Noqa Tata Diosmin chayta nini.

Isaías 28:2

Tukuyta Kamachej Dios kallpasapa soldadokunata kachamonqa. Paykunaqa chijchi para jina, sinch'i wayra jinataj jamonqanku, jinallataj loco para jina, ashkha yaku llump'imoj jinataj. Chantá tukuy kallpankuwan Samariata pampaman ch'allpanqanku.

Isaías 30:12

Chayrayku Israelpa May Llimphu Kaj Diosnin nin: Qankunaqa kay k'amisqayta qhesachaspa, mana allin ruwaykunapi, millayta ruwaykunapi ima atinikunkichej. Chay millay imakunaman sayasqa kankichej.

Isaías 5:24

Chayrayku imaynatachus nina ichhuta q'olaykun, lawraynintaj ch'aki laqheta ujllata rupharparin, ajinallatataj qankunapis chinkachisqa kankichej. Qankunaqa saphinmanta ismoj yura jina kankichej, t'ikantaj ñut'u jallp'aman tukupun, ajina, imaraykuchus Tukuy Atiyniyoj Tata Diospa kamachisqanta qhesacharqankichej, Israelpa May Llimphu Kaj Diosninpa nisqantataj pisipaj qhawarqankichej.

Isaías 7:4

Jinaspataj, payta niy: Allinta qhawakuy, amataj llakikuychu. Ama manchachikuychu, nitaj q'ewakuychu chay iskay q'oshñillajña k'aspikunamantaqa: Siriata kuraj kamachej Resín, Remaliaspa churin Pecaj ima, chaykunamanta.

Isaías 7:6

Judajpa contranpi rinachej. Paykunata mancharichimuspa, suyunkuta jap'ikapunachej, chaymantaj Tabelpa churinta kuraj kamachej kananpaj churasunchej, nispa.

Isaías 7:9

Efraín suyoj jatun llajtanqa Samaria. Remaliaspa churin Pecajtaj Samariaj kuraj kamachejnin. Sichus qankuna mana chayta jap'ikunkichejchu nitaj sinch'ita sayankichejchu chayqa, mana unaytachu qhepakunkichej, nispa.

Isaías 8:5

Chaymanta Tata Dios ujtawan nillawarqataj:

Jeremías 18:14

Libanopi orqopi rit'eqa chinkapunchu? Chayrí orqomanta phajchamoj yaku tukukapunmanchu?

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:18

Kunanrí, Egiptoman rispa, Nilo mayumanta yakuta ujyamusqaykiwan imatataj tarinkiri? Asiriaman rispa, Éufrates mayumanta yakuta ujyaspapis, imatataj tarillankitajri?

San Lucas 13:4

Jinallataj yuyarikuychej jaqay chunka pusajniyoj runakunamanta, pikunatachus Siloepi torre urmaykuspa p'altarparerqa, chaykunamanta. Qankuna yuyankichejchu paykuna aswan juchasapa kasqankuta Jerusalenpi tiyakojkunamanta nisqaqa?

San Juan 9:7

Chantá payta nerqa: Kunanqa rispa, Siloé nisqa estanquepi mayllakamuy, nispa (Siloé “kachasqa” niyta munan). Ñawsa runataj rispa, mayllakamorqa, chantá rikushaj wasinman kutiporqa.