Isaías 8:4 - DIOSPA QHELQACHISQ

⁴ Chay wawa manaraj tatáy, mamáy niyta yachashajtin, Asiriata kuraj kamachejqa Damascoj tukuy kapuyninta, Samariapi kaj chhikatawan apakaponqa, nispa.

Qheshwa Biblia DC

⁴ Chay wawa manaraj, tatáy, mamáy niyta yachashajtin, Damascoj qhapaj kayninta, Samariaj tukuy imasnintawan Asiriaj reynin apakaponqa, nispa.

DIOSPA QHELQACHISQAN DEUTEROCANONICAL

⁴ Chay wawa manaraj tatáy, mamáy niyta yachashajtin, Asiriata kuraj kamachejqa Damascoj tukuy kapuyninta, Samariapi kaj chhikatawan apakaponqa, nispa.

Isaías 8:4 ပူးပေါင်းရင်းမြစ်များ

2 Reyes 15:29

Israel suyuta Pecaj kamachishajtin, Asiria suyuta kuraj kamachej Tiglat Piléser jamuspa, israelitakunamanta kay llajtakunata qhechorqa: Iyonta, Abel Betmacata, Yanojata, Cedesta, Jazorta, Galaadta, Galileata, chantá tukuynin Neftalí jatun aylloj jap'iynintawan ima jap'erqa. Chay llajtakunapi tiyakojkunatataj presota jina Asiriaman aparqa.

2 Reyes 16:9

Asiria suyuta kuraj kamachejtaj Ajazta uyarispa, Damasco llajtaj contranta maqanakoj rerqa, chantá chay llajtata jap'erqa. Chay llajtayojkunatataj presota jina Quir llajtakama aparqa. Jinallataj kuraj kamachej Resintapis wañuchillarqataj.

2 Reyes 17:3

Chantá Asiria suyuta kuraj kamachej Salmanasar jamuspa, Oseaspa contranta maqanakorqa. Chantá atipaykuspa, kamachinman tukucherqa, impuestotapis munajta mana munajta pagacherqa.

Isaías 17:1

Damasco llajtaj contranpi Isaías kay jinata nerqa: Damascoqa manaña llajtachu kanqa, manachayqa laqayaman tukonqa.

Isaías 17:3

Efrainpi perqawan jark'achasqa llajtakuna manaña kanqachu, Damascoj kamachiyninpis nillataj kanqachu. Imaynatachus israelitakunaj jatun kayninku chinkarqa, ajinallatataj Siriamanta puchojkunawan kanqa. Ajinata Tukuy Atiyniyoj Tata Dios nin.

Isaías 28:4

Sumaj valle patapi kaj, qawisqa t'ikakunawan k'achanchasqa kajqa, higoj mishkha poqoynin jina kanqa. Chayta pillapis rikuytawan, makinwan p'itispa mikhukaponqa.

Isaías 8:5

Chaymanta Tata Dios ujtawan nillawarqataj:

Amós 1:3

Tata Dios kay jinata nin: Damasco llajtayojkunaqa millayta ruwaspa pasakapunku. Chayrayku paykunata jasut'isajpuni, imaraykuchus Galaadmanta kajkunata fierro trillowan trillarqanku.

Amós 1:5

Jinallataj Damasco llajtaj punkunkunata kallpawan urmachisaj, Bicat Avenpi kamachejtataj phirita ruwasaj, jinallataj Bet Edenpi kamachejtapis. Siriokunapis Quirman apasqa kanqanku, nispa. Tata Dios ajinata nin.

Jonás 4:11

Noqarí Nínive llajtamanta manachu astawanraj khuyakunay karqa? Chay llajtapi tiyan 120.000 wawakuna, pikunachus mana yachankuchu allin kajta, mana allin kajta. Jinallataj ashkha uywakunapis kallantaj, nispa.

Romanos 9:11

Chay wawakuna manaraj paqarishajtinku, manarajtaj allin kajtapis, chayrí mana allin kajtapis ruwashajtinku, Diosqa Rebecata nisqa: Kuraj kajqa sullk'a kajpa kamachisqanta ruwanqa, nispa. Ajina karqa Diospa wakichisqan junt'akunanpaj. Chaytaj mana runaj ruwasqanraykuchu karqa, aswanpis pichus wajyajpa munasqanrayku.

Deuteronomio 1:39

Qankunaqa yuyarqankichej awqaykichej wawaykichejta qhechusunanta. Chay wawaykichejkuna, pikunachus manaraj yachankuchu imachus allin, imatajchus mana allinchu kasqanta, paykuna chay jallp'aman yaykuspa, jap'enqanku. Noqa paykunaman chay jallp'ata qosaj.