Isaías 8:18 - DIOSPA QHELQACHISQ

¹⁸ Noqawan, Tata Diospa qowasqan wawaykunawan ima israelitakunapaj t'ukuna señal jina kayku, Tukuy Atiyniyoj Tata Diospa churasqan, pichus Sión orqopi tiyakun, chaypata.

Qheshwa Biblia DC

¹⁸ Noqa, Señor qowasqan wawasniywan, israelitaspaj uj señal jina kayku, Tukuy Atiyniyoj Señorpa churasqasnin; Payqa Sión orqopi tiyakun.

DIOSPA QHELQACHISQAN DEUTEROCANONICAL

¹⁸ Noqawan, Tata Diospa qowasqan wawaykunawan ima israelitakunapaj t'ukuna señal jina kayku, Tukuy Atiyniyoj Tata Diospa churasqan, pichus Sión orqopi tiyakun, chaypata.

Isaías 8:18 ပူးပေါင်းရင်းမြစ်များ

Génesis 33:5

Chaymanta Esauqa Jacobpa warminkunata, wawankunatawan qhawarispa, Jacobta taporqa: Kaykuna pikunataj kankuri? nispa. Jacobtaj nerqa: Kay wawakunaqa Diospa qowasqan wawakuna kanku, nispa.

1 Crónicas 23:25

imaraykuchus David nisqa: Israelitakunaj Tata Diosninkoqa ayllunman allin kawsayta qon, wiñaypajtaj Jerusalenpi tiyakonqa.

Salmos 22:30

30 (31) Qhepanejman mirajkunapis Tata Diospa kamachiyninpi kanqanku, paykunataj qhepa mirajkunaman Tukuyta Kamachej Diosmanta parlanqanku.

Salmos 71:7

Ashkha runakuna t'ukuspa qhawananku kani, qantajrí sumaj pakakunay kanki.

Salmos 9:11

11 (12) Sionpi kamachej Tata Diosman takiychej, tukuy runamantaj ruwasqanmanta willamuychej.

Salmos 9:12

12 (13) Tata Dios pichus runata wañuchejkunamanta cuentata mañanqa, ñak'arichisqa kajkunamantataj qhawarenqa. Jinallataj payqa llakiyniyojkunaj qhaparikusqankuta mana qonqanchu.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Isaías 14:32

Filisteokunaj kachankukunaman ima ninkichejtajri? Sión llajtataqa Tata Diospuni sayachin, chayraykutaj ayllunmanta llakisqa kajkunaqa chay llajtapipuni pakakonqanku.

Isaías 20:3

Chantá Tata Dios nerqa: Kamachiy Isaías kinsa wata junt'ata ukhunchana p'achayojlla, q'ara chakillataj purerqa, Egiptota Etiopiatawan ima imachus qhatirinanta rikuchispa.

Isaías 24:23

Jerusalenpi, jinataj Sión orqopi Tukuy Atiyniyoj Tata Dios kamachiyta qallarejtin, intiwan, killawan p'enqakuspa laqhayaykonqanku. Chay llajtamanta kurajkunataj Tata Diospa jatun kayninpa lliphipiyninta rikonqanku.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Isaías 7:16

Chantá wawa manaraj yuyayninman chayashajtin, pikunatachus manchachikushanki, chay iskay kuraj kamachejkunaj suyunkukunaqa ch'innejman tukuchisqa kanqanku.

Isaías 7:3

Chantá Tata Dios Isaiasta nerqa: Qanwan, churiyki Sear Yasubwan ima kuraj kamachej Ajazta taripamuychej, Pata Estanquej larq'anpa tukukuyninpi, maynintachus P'acha T'ajsanaman ñan rin, chay qayllapi.

Isaías 8:3

Chay qhepata noqa warmiywan puñuykorqani, paytaj wijsallisqa rikhurispa, uj wawata paqarichikorqa. Chaypachataj Tata Dios niwarqa: Wawaykitaqa Maher Salal Jasbazta sutichay.

Jeremías 44:29

Noqa Tata Dios qankunaman kay señalta qosqaykichej yachanaykichejpaj kay tukuy nisqayta junt'anaytapuni, kay suyupi qankunata jasut'inaytapis.

Ezequiel 12:6

Laqhayaykojtintaj, tukuyninkoj rikunanta q'epiykita oqhariykukuspa puririy. Ama llajtata rikunaykipajtaj uyaykita qhatakuy. Ajinata ruwasqaykirayku Israel ayllupaj uj señal kanki, nispa.

Ezequiel 14:8

Noqa chay runaj contranpi sayaspa, wanananpaj jina jasut'isaj, tukuy runakuna parlanankupaj jina. Aylluy ukhumantataj payta wijch'usaj. Chaypacha qankuna noqa Tata Dios kasqayta yachankichej.

Ezequiel 4:3

Chantá uj p'alta fierrota oqharispa, qanta llajtamanta t'aqasunanpaj perqapis kanman jina churay. Qantaj llajtanejman qhawarispa, maqanakuman yaykunaykipaj jina sayaykuy. Chayqa israelitakunapaj uj señal jina kanqa.

Zacarías 3:8

Allinta uyariway, kuraj kaj sacerdote Josué, jinallataj qanwan kashaj, chay sacerdotekunapis uyarillachunkutaj. Qankuna señal jina churasqa kankichej imachus aswan qhepaman kananmanta. Noqa kamachiyta kachasaj, Ijimuy Kaj nisqata.

Zacarías 8:3

Chayrayku Sionman kutisaj, Jerusalenpitaj tiyakapusaj. Chaypacha Jerusalenqa Cheqanta Purej Llajta nisqa kanqa. Tukuy Atiyniyoj Tata Diospa orqontaj Diospaj T'aqasqa Orqo nisqa kanqa, nispa.

San Lucas 2:18

Chayta uyarejkunataj michejkunaj willasqankumanta t'ukorqanku.

San Lucas 2:34

Chantá Simeón paykunata saminchaytawan, wawaj maman Mariatañataj nerqa: Kay wawataqa Diosmin Israelpi churan, wakinkunata urmachinanpaj, wakinkunataj Diosman kutirichinanpaj. Dios payta señal kananpaj churajtinpis, ashkha runakuna payta qhesachanqanku.

Deuteronomio 28:46

Tukuy chay llakiykuna qanpaj, chantá mirayniykipajpis señal jina kanqa, jinallataj wiñaypaj k'amiy jina kanqa.

Hebreos 10:33

Wakin kuti tukuypa rikunanta runaj turiyanan, chantá runaj asikunan karqankichej. Wakin kutitaj qankunaqa, pikunachus qankuna jina ñak'arichisqa kasharqanku, chaykunawan khuska ñak'arerqankichej.

Hebreos 12:22

Qankunatajrí Sión orqoman, jinataj kawsaj Diospa llajtanman qayllaykunkichej. Chay llajtaqa janaj pachapi kaj Jerusalén, chaypitaj mana yupay atina angelkuna Diosta yupaychashanku.