Isaías 8:16 - DIOSPA QHELQACHISQ

¹⁶ Tata Diospa kay kamachisqanta allinta waqaychaychej. Yachachisqanta sumajta jap'ikuychej, noqata qhatiwajkuna.

Qheshwa Biblia DC

¹⁶ Kay kamachisqasniyta allinta waqaychaychej. Yachachisqasniypaj sonqosninman kay yachachisqasniyta churaychej.

DIOSPA QHELQACHISQAN DEUTEROCANONICAL

¹⁶ Tata Diospa kay kamachisqanta allinta waqaychaychej. Yachachisqanta sumajta jap'ikuychej, noqata qhatiwajkuna.

Isaías 8:16 ပူးပေါင်းရင်းမြစ်များ

2 Reyes 11:12

Chantá sacerdote Joyadá kuraj kamachejpa churin Joasta orqhomuytawan, umanman pilluta churarqa, jinataj kuraj kamachej imachus ruwananmanta qhelqasqatawan jaywarqa. Chantá aceitewan umanman jich'aykuspa, kuraj kamachej kananpaj churarqa. Chaymantataj tukuyninku t'ajllarikuspa, qhaparerqanku: Jallalla, jallalla kuraj kamachej, nispa.

Salmos 25:14

Tata Dios kawsakun, pikunachus payta may jatun respetowan qhawanku, chaykunawan, tratontapis paykunaman rejsichenqa.

Isaías 50:4

Tukuyta Kamachej Tata Dios yachay parlayta simiyman churarqa, sayk'usqa runakunata parlaspa kallpachanaypaj. Sapa paqarin pay rijch'arichiwan, yachachisqanta sumajta uyarinaypaj.

Isaías 54:13

Noqa tukuynin churiykikunaman yachachisaj, wawaykikunataj allin kawsaypipuni kawsanqanku.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

Daniel (hebreo) 12:4

Qantajrí Daniel, kay imakunata sonqollaykipi jap'iy, tukukuy p'unchay chayamunankamataj chay p'anqata sellaykuy. Ashkha runakuna kayman jaqayman phawarenqanku, tukuy imamanta astawan yachayta munaspa, nispa.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

Marcos 10:10

Chantá, Jesús wasipiña kashajtin, yachachisqankuna chayllamantataj Jesusta watej taporqanku.

Marcos 4:34

Jesusqa runakunaman rijch'anachinakunawanpuni yachachej. Yachachisqankunamantajrí sapallankupi kajtinku tukuy imamanta sut'inchaj.

1 Corintios 2:14

Diosman mana kutirikoj runarí Diospa Espiritunpa yachachisqanta mana jap'ikuyta atinchu, imaraykuchus paypajqa wampoj thawtisqan jinalla. Chayta mana entiendeyta atinchu, imaraykuchus imatachus niyta munasqanta yachananpajqa Santo Espíritoj yanapasqan kanan tiyan.

Deuteronomio 4:45

Egiptomanta llojsimusqankumanta qhepata kay kamachisqakunata, yachachiykunata, yuyaychaykunata ima israelitakunaman Moisés qorqa.

Hebreos 3:5

Moisesqa kamachi jina Diospa ayllunpi imachus ruwananta sumajta junt'arqa. Chay ruwasqantaj rejsicherqa Dios imamantachus aswan qhepaman parlanan karqa, chaykunata.

Apocalipsis 10:4

Chay qanchis qhon qhonkuna parlamojtinkama, noqa nisqankuta qhelqanaypajña wakichikusharqani. Jinallapi janaj pachamanta nimuwajta uyarerqani: Imatachus chay qanchis qhon qhonkuna nimunku, chayta ama qhelqaychu, manachayqa pakaspa waqaychay, nispa.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Apocalipsis 5:1

Chantá noqa chay kamachina tiyanapi tiyasqa kajpa paña makinpi rikorqani uj k'uyusqa p'anqata. Chay k'uyusqa p'anqaqa ukhunpi jawanpi ima qhelqasqa karqa, qanchis sellowantaj sellasqa.

Apocalipsis 5:5

Kuraj runakunamanta ujninrí niwarqa: Ama waqaychu. Judá jatun ayllumanta León, pichus kuraj kamachej Davidpa kamachinan tiyanata chayaqeta jina jap'ej, chaymin atipasqanrayku qanchis sellokunata llik'ispa, kay p'anqata kichariyta atin, nispa.