Isaías 8:14 - DIOSPA QHELQACHISQ

¹⁴ Payqa qankunapaj pakakunaykichej wasi jina kanqa. Chaywanpis Israel suyupaj chantá Judá suyupaj rumi jina kanqa, chaypi misk'aspa urmanankupaj. Jerusalenpi tiyakojkunapajtaj ch'ipa jina, tojlla jinataj kanqa.

Qheshwa Biblia DC

¹⁴ Payqa iskaynin nacionespaj yupaychana wasinku kanqa. Chaywampis payqa misk'ana rumi kanqa. Chaytaj iskaynin Israel nacionesta urmachenqa. Payqa, ch'ipa jina, tojlla jinataj Jerusalempi tiyakojkunapaj kanqa.

DIOSPA QHELQACHISQAN DEUTEROCANONICAL

¹⁴ Payqa qankunapaj pakakunaykichej wasi jina kanqa. Chaywanpis Israel suyupaj chantá Judá suyupaj rumi jina kanqa, chaypi misk'aspa urmanankupaj. Jerusalenpi tiyakojkunapajtaj ch'ipa jina, tojlla jinataj kanqa.

Isaías 8:14 ပူးပေါင်းရင်းမြစ်များ

Salmos 11:6

Payqa millayta ruwajkunaj patankuman azufreta, ninata ima parachimonqa, tukuy imata ruphaj wayrawantaj paykunata ruwasqankuman jina jasut'enqa.

Salmos 140:5

5 (6) May kasqankuta yuyakojkuna tojllata churanku, urmachinawankupajtaj ch'ipata purinay ñanman churanku.

Salmos 69:22

22 (22) Chayrayku jatun mikhuyta wayk'uchisqankoqa paykunallataj urmanankupaj tojllaman tukuchun. K'achata kawsakuy jaywanata jaywasqankupis misk'anankupaj kachun.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Isaías 25:4

Wajchakunapajrí qan pakakunanku kanki, llakisqa pisichikojpaj jark'akojnintaj. Jinallataj para wayramanta waqaychaj kanki, ruphaymanta llanthojtaj. Ajina kanki, imaraykuchus mana khuyakuyniyojkunaj ruwasqanku rijch'akun, chiri tiempopi loco para imaynatachus perqata wajtan, ajinaman.

Isaías 26:20

Kunanqa, aylluymanta kajkuna, rispa, wasiykichejman yaykuychej, punkuykichejtataj wisq'akamuychej. Chaypitaj uj pisita pakakuychej Tata Diospa k'araj phiñakuynin tukukunankama.

Isaías 28:16

Chayrayku Tukuyta Kamachej Tata Dios nin: Sión orqopi uj rumita churani, sumaj ajllasqa rumi cimiento sumaj kananpaj. Pichus chaypi atinikojqa mana kuyurispa sayallanqapuni.

Isaías 4:6

Chayqa toldo jina paykunata qhataykonqa ruphaypi llanthunanpaj, chantá paramanta, sinch'i wayramantawan waqaychananpaj ima.

Isaías 59:10

Ñawsa jina perqata llojchispa purinchej, mana ñawiyojpis kasunman jina. P'unchaypacha tutapis kanman jina misk'akunchej. Kallpanchejpiraj kashaspapis, wañusqa jina kashanchej.

Isaías 7:16

Chantá wawa manaraj yuyayninman chayashajtin, pikunatachus manchachikushanki, chay iskay kuraj kamachejkunaj suyunkukunaqa ch'innejman tukuchisqa kanqanku.

Jeremías 6:21

Chayrayku Tata Dios nin: Noqa kay aylluyta misk'achinaypaj tojllata churasaj. Tukuy tatakuna, wawakuna, qayllankupi kajkuna ima, jinallataj kawsaqenkupis, tukuyninku wañonqanku, nispa.

Ezequiel 11:16

Chayrayku apasqa kajkunaman sutiypi niy: Noqa Tukuyta Kamachej Tata Diosmin qankunata waj suyukunaman, karu llajtakunamanwan ch'eqeracherqaykichej. Chaywanpis noqa, maymanchus ch'eqerachisqaykichej, chay suyukunapi waqaychaspa yanapasqaykichej, nispa.

Ezequiel 3:20

Ichapis mayqen cheqan runa allinta ruwaspa puriyta saqespa, millay kajta ruwanman. Sichus noqa payta wañuy pataman churayman, qantaj mana reparachiwajchu chayqa, pay juchanrayku wañonqa. Noqataj ñawpajpi allinta ruwasqanta mana cuentanman churasajchu. Chaywanpis chay runa wañusqanmanta qanmanta cuentata mañasqayki.

San Mateo 13:57

Chayrayku chay llajtayojkunaqa Jesusta pisipaj qhawarqanku. Jesustajrí paykunata nerqa: Mayllapipis Diosmanta sut'inchajtaqa allinpaj qhawanku. Chaywanpis llajtanpi, wasinpi imalla payta qhesachanku, nispa.

San Mateo 21:44

Chay esquina rumimanta parlaspataj, niykichej: Pillapis chay rumi pataman urmajqa t'unasqa kanqa. Chantá, pejpa patanmanchá chay rumi urmaykonqa, chayqa phirisqa kanqa, nispa.

San Lucas 2:34

Chantá Simeón paykunata saminchaytawan, wawaj maman Mariatañataj nerqa: Kay wawataqa Diosmin Israelpi churan, wakinkunata urmachinanpaj, wakinkunataj Diosman kutirichinanpaj. Dios payta señal kananpaj churajtinpis, ashkha runakuna payta qhesachanqanku.

San Lucas 21:35

Chay p'unchayqa tukuy kay pachapi kawsajkunata tojlla jina mana yuyasqallamanta jap'enqa.

Romanos 11:35

Chayrí, pitaj imatapis Diosman ñawpajta jaywarqa, chaymanta Dios kutichipunanpajri?

Josué 10:7

Chayrayku Josueqa, tukuy soldadonkunawan, chantá maqanakunapaj wapu kajkunawan ima Gilgalmanta rerqanku.

1 Pedro 2:8

Wajnejpi nillantaj: Chay rumeqa misk'achej rumiman tukun, urmachej rumimantaj, nispa. Chay rumipi ashkha misk'anku, imaraykuchus Diospa nisqanta mana jap'ikuyta munankuchu. Chayraykumin misk'anankupaj churasqa karqanku.