Isaías 7:9 - DIOSPA QHELQACHISQ

⁹ Efraín suyoj jatun llajtanqa Samaria. Remaliaspa churin Pecajtaj Samariaj kuraj kamachejnin. Sichus qankuna mana chayta jap'ikunkichejchu nitaj sinch'ita sayankichejchu chayqa, mana unaytachu qhepakunkichej, nispa.

DIOSPA QHELQACHISQAN DEUTEROCANONICAL

⁹ Efraín suyoj jatun llajtanqa Samaria. Remaliaspa churin Pecajtaj Samariaj kuraj kamachejnin. Sichus qankuna mana chayta jap'ikunkichejchu nitaj sinch'ita sayankichejchu chayqa, mana unaytachu qhepakunkichej, nispa.

Isaías 7:9 ပူးပေါင်းရင်းမြစ်များ

2 Reyes 15:27

Judá suyuta kuraj kamachej Azarías phishqa chunka iskayniyoj watataña kamachishajtin, Remaliaspa churin Pecaj sutiyojqa Israel suyuta Samaria llajtamantapacha kamachiyta qallarerqa. Chaypi iskay chunka watata kamacherqa.

2 Crónicas 20:20

Q'ayantenqa Judamanta soldadokuna tutamanta jatarikorqanku Tecoa ch'innejman puririnankupaj. Puririshajtinkutaj, Josafatqa sayarikuspa, nerqa: Jerusalenpi, jinataj Judapi tiyakojkuna, uyariwaychej: Tata Diosniykichejpi atinikuychej, amataj manchachikuychejchu. Diosmanta sut'inchajkunapipis atinikuychej, jinataj tukuy imapi allin risonqachej, nispa.

Isaías 28:1

Ay, Samaria llajtamanta, qanqa Efraín suyupi machajkunaj uma oqharinan llajta kanki, qawisqa t'ika pilluwan jina k'achanchasqa. Sumaj vallepi kaspapis, vinoj atipasqan llajta kanki.

Isaías 5:24

Chayrayku imaynatachus nina ichhuta q'olaykun, lawraynintaj ch'aki laqheta ujllata rupharparin, ajinallatataj qankunapis chinkachisqa kankichej. Qankunaqa saphinmanta ismoj yura jina kankichej, t'ikantaj ñut'u jallp'aman tukupun, ajina, imaraykuchus Tukuy Atiyniyoj Tata Diospa kamachisqanta qhesacharqankichej, Israelpa May Llimphu Kaj Diosninpa nisqantataj pisipaj qhawarqankichej.

Isaías 7:10

Chantá Tata Dios Ajazman nillarqataj:

Isaías 7:4

Jinaspataj, payta niy: Allinta qhawakuy, amataj llakikuychu. Ama manchachikuychu, nitaj q'ewakuychu chay iskay q'oshñillajña k'aspikunamantaqa: Siriata kuraj kamachej Resín, Remaliaspa churin Pecaj ima, chaykunamanta.

Isaías 8:4

Chay wawa manaraj tatáy, mamáy niyta yachashajtin, Asiriata kuraj kamachejqa Damascoj tukuy kapuyninta, Samariapi kaj chhikatawan apakaponqa, nispa.

Isaías 9:9

9 (8) Chaytaqa Efrainmanta tukuy runakuna yachanqanku, jinallataj Samariapi tukuy tiyakojkunapis. Paykunaqa may kasqankuta yuyakuspa, wapu wapu, ninku:

Jeremías 43:2

Chantá Osaiaspa churin Azarías, Careajpa churin Johananwan, waj wapuykachaj runakunapiwan Jeremiasta nerqanku: Imatachus nisqaykeqa llulla. Tata Diosniykoqa mana kachamusunkichu ninawaykupaj: Ama Egiptoman tiyakoj riychejchu, nispa.

Miqueas 1:5

Chay ajina kanqa, Jacobpa ayllun mana kasukusqanrayku, Israel suyu juchallikusqanrayku ima. Jacob imata ruwaspa juchallinri? Imatachus ruwasqanqa Samaria llajtapi kashan. Maypitaj Judá suyoj lanti yupaychanan kashanri? Chayqa Jerusalén llajtapi kashan.

Hechos 27:11

Chaywanpis capitán Julioqa Pabloj nisqanta kasunantaqa, pay kasorqa barcoj dueñonta, barcota purichej runatawan.

Hechos 27:25

Chayrayku, runa masikuna, sonqochakuychej. Noqa Diospa nisqanta jap'ikuni, jinataj yachani angelninpa nisqanman jina tukuy ima junt'akunanta.

Romanos 11:20

Arí, paykuna Diospi mana atinikusqankurayku k'uturasqa karqanku. Qanrí Diospi atinikusqaykirayku chay olivoman t'inkisqa kashanki. Ajinaqa, ama runaykachaychu, manachayqa imaynatachus purisqaykita allinta qhawarikuy.

Hebreos 11:6

Diospi mana atinikuspaqa, mana pipis atinmanchu Diospa ñawpaqenpi allinpaj qhawasqa kayta, imaraykuchus Diosman qayllaykojqa pay kasqantapuni tukuy sonqo creenan tiyan. Yachanallantaj tiyan, pikunachus Diosta tukuy sonqo mask'anku, chaykunaman Diosqa sumaj t'inkata qonanta.

1 Juan 5:10

Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.