Isaías 7:4 - DIOSPA QHELQACHISQ

⁴ Jinaspataj, payta niy: Allinta qhawakuy, amataj llakikuychu. Ama manchachikuychu, nitaj q'ewakuychu chay iskay q'oshñillajña k'aspikunamantaqa: Siriata kuraj kamachej Resín, Remaliaspa churin Pecaj ima, chaykunamanta.

DIOSPA QHELQACHISQAN DEUTEROCANONICAL

⁴ Jinaspataj, payta niy: Allinta qhawakuy, amataj llakikuychu. Ama manchachikuychu, nitaj q'ewakuychu chay iskay q'oshñillajña k'aspikunamantaqa: Siriata kuraj kamachej Resín, Remaliaspa churin Pecaj ima, chaykunamanta.

Isaías 7:4 ပူးပေါင်းရင်းမြစ်များ

2 Reyes 15:27

Judá suyuta kuraj kamachej Azarías phishqa chunka iskayniyoj watataña kamachishajtin, Remaliaspa churin Pecaj sutiyojqa Israel suyuta Samaria llajtamantapacha kamachiyta qallarerqa. Chaypi iskay chunka watata kamacherqa.

2 Crónicas 20:17

Manamin qankunachu maqanakunkichej. Chaynejpi mana kuyurispa sayaychej, rikunkichejtaj imaynatachus Tata Dios qankunata yanapasonqachej, chayta. Jerusalenpi, jinataj Judapi tiyakojkuna, ama manchachikuychejchu, nitaj kharkatitiychejchu. Q'ayapacha rispa, contrankupi sayaykuychej, imaraykuchus Tata Dios qankunawan kanqa, nispa.

Isaías 10:24

Chayrayku Tukuy Atiyniyoj Tata Dios ajinata nin: Sionpi tiyakoj ayllúy, Asiria runakunamanta ama manchachikuychu. Paykunaqa qanpa contraykipi varankuta oqharenqanku, imaynatachus Egipto runakuna k'aspiwan wajtasorqanku, ajinata.

Isaías 30:15

Tukuyta Kamachej Tata Dios, Israelpa May Llimphu Kaj Diosnin ajinata Israelta nin: Kutirikamuwaychej qhespichisqa kanaykichejpaj, noqapitaj atinikuychej. Ajinapi mana phutikuspalla, tukuy sonqo atinikuspataj kallpata jap'inkichej, nispa. Qankunatajrí chayta mana munarqankichejchu.

Isaías 30:7

Cheqamanta Egiptoj yanapaynenqa qhasi manakaj. Chayrayku noqaqa chay suyuta sutichani: Ni imapi yanapaj Rajab, nispa.

Isaías 35:4

Manchachikojkunamantaj niychej: Kallpachakuychej, amataj manchachikuychejchu. Qhawariychej, Diosniykichej jamushan awqanchejkunata ñak'arichispa, ruwasqankuman jina pagachikunanpaj, kacharichinawanchejpajtaj, nispa.

Isaías 37:6

Isaías paykunaman kuticherqa: Kamachiykichejman ajinata nimuychej: Tata Dios ajinata nin: Ama chay runaj nisqanmanta llakikuychu, noqaj contrayta Asiriamanta kuraj kamachejpa kamachinkuna millayta rimasqankumantaqa.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 7:1

Ajaz karqa Uziaspa allchhin jinataj Yotanpa churin. Pay Judapi kamachishajtin, Siriata kuraj kamachej Resinwan, Israelta kuraj kamachej Pecaj, pichus Remaliaspa churin karqa, chaypiwan Jerusalenman kachaykukorqanku maqanakuspa jap'inankupaj. Chaywanpis mana chay llajtata atipayta aterqankuchu.

Isaías 7:8

Siriaj jatun llajtanqa Damasco, Damascoj kuraj kamachejnintaj Resín. Chaywanpis Efrainqa sojta chunka phishqayoj watamanta manaña suyuchu kanqa.

Isaías 7:9

Efraín suyoj jatun llajtanqa Samaria. Remaliaspa churin Pecajtaj Samariaj kuraj kamachejnin. Sichus qankuna mana chayta jap'ikunkichejchu nitaj sinch'ita sayankichejchu chayqa, mana unaytachu qhepakunkichej, nispa.

Isaías 8:4

Chay wawa manaraj tatáy, mamáy niyta yachashajtin, Asiriata kuraj kamachejqa Damascoj tukuy kapuyninta, Samariapi kaj chhikatawan apakaponqa, nispa.

Isaías 8:6

Noqa Judá suyuta waqaychasqayqa, alliyllamanta purej Siloé yaku jina. Chaywanpis paykuna qhesachawaspa, kuraj kamachej Resinwan chantá kuraj kamachej Pecajwan kusirikunku.

Lamentaciones 3:26

Tata Diospa yanapayninta ch'inllamanta suyanaqa may sumaj.

Amós 4:11

Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

Habacuc 2:3

Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

Zacarías 3:2

Jinapi Tata Diospa angelnin chay ch'ataykoj angelta nerqa: Noqa Tata Dios qanta k'amiyki. Imaynatachus Jerusalenta noqapaj t'aqakorqani, ajinallatataj Josuetapis nina brasa chawpimanta orqhomusqa jina noqapaj t'aqakuni. Chayrayku noqa Tata Dios qanta k'amiyki, nispa.

San Mateo 10:28

Ama qankunata wañuchejkunata manchachikuychejchu, imaraykuchus paykuna almaykichejtaqa mana imanayta atinkuchu. Aswanpis, Diostamin manchachikuychej, imaraykuchus pay wañuchisuspa, lawrashaj nina qochaman wijch'uykusuyta atin.

San Mateo 24:6

Qankunaqa wañuchinakumanta, maqanaku kananmanta ima uyarispa, ama mancharikuychejchu. Chay tukuy ima kananpuni tiyan. Chaywanpis manaraj kay pachaj tukukuyninchu kanqa.

Deuteronomio 20:3

Israelitakuna, uyariychej: Kunan awqaykichejwan maqanakoj rinkichej. Ama iskayrayankichejchu, amataj manchachikunkichejchu, nitaj kharkatitinkichejchu, nillataj q'ewakunkichejchu,

1 Samuel 17:32

Chantá Davidqa Saulta nerqa: Ama jaqay filisteoraykoqa pipis manchachikuchunchu. Noqa jaqay runawan maqanakoj risaj, nispa.