Isaías 7:2 - DIOSPA QHELQACHISQ

² Chaypacha wakinkuna Judata kuraj kamachej Ajazman willamorqanku: Paykunaqa Siriamanta kajkunawan, Efrainmanta kajkunapiwan ujchakunku, nispa. Chayta uyarispa, kuraj kamachej Ajaz, runankunapiwan maytapuni kharkatiterqanku, imaynatachus sinch'i wayra sach'akunata kuyuchin, ajinata.

Qheshwa Biblia DC

² Chaytataj Judapi rey Acazman willamorqanku: Siriamanta kajkunawan, Efrainmanta kajkunapiwan ujllaman ujchakusqankuta, nispa. Chayta uyarispataj reywan, runasninwanqa maytapuni qharakatiterqanku, wayramojtin orqo sach'as kuyunku jinata.

DIOSPA QHELQACHISQAN DEUTEROCANONICAL

² Chaypacha wakinkuna Judata kuraj kamachej Ajazman willamorqanku: Paykunaqa Siriamanta kajkunawan, Efrainmanta kajkunapiwan ujchakunku, nispa. Chayta uyarispa, kuraj kamachej Ajaz, runankunapiwan maytapuni kharkatiterqanku, imaynatachus sinch'i wayra sach'akunata kuyuchin, ajinata.

Isaías 7:2 ပူးပေါင်းရင်းမြစ်များ

2 Samuel 7:16

Mirayniykita, kamachinaykitapis noqa wiñaypaj waqaychasaj, ajinallatataj wiñaypaj churasqa kanqa, nispa.

1 Reyes 11:32

Paytaj uj jatun ayllullawan qhepakonqa, kamachiy Davidta, Jerusalentawan munakusqayrayku, mayqentachus tukuynin Israel ayllukunamanta ajllakorqani, chay.

1 Reyes 12:16

Tukuy runaqa kuraj kamachej paykunata mana uyariyta munasqanta reparaspa, nerqanku: Davidwan mana imapis ruwananchej kanchu. Yeséj churinwanqa mana ima chayaqenchejpis kanchu. Israelitakuna, wasiykichejman ripuychej. Davidpa ayllonqa ayllullanpi kamachichun, nispa. Jinaspa, israelitakunaqa wasinkuman riraporqanku.

1 Reyes 13:2

Paytaj Tata Diospa kamachisqanrayku altarpa contranpi qhaparerqa: Altar, altar, Tata Dios ajinata nin: Davidpa mirayninmanta uj wawa Josías sutiyoj paqarikonqa. Orqo patapi kaj yupaychana wasikunapi sacerdotekuna kayman jamuspa, pataykipi inciensota q'oshñichinku. Chay Josiasrí qanpa pataykipi paykunata ñak'aspa, tullunkukunata chaypi ruphachillanqataj, nispa.

2 Crónicas 25:10

Chayrayku Amasiasqa Efrainmanta jamoj soldadokunata paypa soldadonkunamanta t'aqaspa, wasinkuman kachaporqa. Chay soldadokunarí Judá suyoj contranta mayta phiñarikuspa wasinkuman riporqanku.

2 Crónicas 28:12

Chayrayku Efraín jatun ayllumanta wakin kurajkuna: Johananpa churin Azarías, Mesilemotpa churin Berequías, Salunpa churin Ezequías, jinataj Jadlaypa churin Amasa ima, pikunachus maqanakumanta kutimusharqanku, chaykunaj contrankupi sayaykuspa, nerqanku:

Salmos 11:1

(1b) Noqaqa Tata Diospi atinikuni. Imaraykutaj niwanku: Orqoman p'isqo jina ayqey, nispari?

Proverbios 28:1

Millayta ruwaj runaqa mana pi qhatiykachashajtillan ayqen. Cheqan runarí león jina ni imamanta manchachikuspa tiyakun.

Isaías 11:13

Efraín suyoj munapayasqanqa tukukonqa, Judá suyoj awqankunapis chinkachisqa kanqanku. Efraín suyuwan Judá suyuwan manaña jap'inakonqankuchu.

Isaías 22:22

Davidpa wasinta kicharina llavetapis kunkanman warkhuykusaj. Pay kicharejtin, ni pipis wisq'ayta atenqachu, wisq'ajtintaj, nillataj pipis kichariyta atenqachu.

Isaías 37:27

Chaypi tiyakoj runakuna pisi atiyniyoj karqanku, mancha manchalilla, musphasqataj. Paykunaqa campo qhora jina karqanku, chaypachallaraj p'utusqa qhora jina. Wasi patapi wiñaj qhora jina karqanku, mayqenchus inti llojsimuynejmanta wayramojtinkama ch'akirpayan, chay jina.

Isaías 37:35

Tata Dios nillantaj: Noqamin kay llajtamanta sayaykusaj, jark'akusajtaj. Noqarayku, jinallataj kamachiy Davidta munakusqayrayku chayta ruwasaj, nispa.

Isaías 6:13

Sichus chunkamanta ujllapis kay suyupi qhepakunman chayqa, chaypis chinkachisqallataj kanqa. Chaywanpis imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa ajllakusqay Israel aylloqa, nispa.

Isaías 7:13

Chantá Isaías nerqa: Davidpa mirayninmanta kajkuna, uyariychej: Qankunapaj runakunata phiñacheyqa pisichu, Diosniytapis phiñachiyllatataj munanaykichejpaj?

Isaías 7:17

Chay qhepamanrí Tata Dios jatun llakiykunata apachimusonqa qanman, aylluykiman, tataykej ayllunman ima. Chay jina llakiykuna ni jayk'aj karqachu, Efraín ayllu Judá suyumanta t'aqakusqanmantapacha. Tata Dios Asiriaj kuraj kamachejninta contraykipi kachaykamusonqa.

Isaías 7:5

Siriamanta kajkunawan, Efraín suyumanta kajkunawan, Remaliaspa churinwan ima qanpa contraykipi oqharikushanku, nishankutaj:

Isaías 8:12

Runakuna kuraj kamachejpa contranpi oqharikushanku, nispa nejtinkoqa, ama chay nisqankuta kasuychejchu, nillataj mancharikunkichejchu paykuna imamantapis mancharikojtinkoqa.

Isaías 9:9

9 (8) Chaytaqa Efrainmanta tukuy runakuna yachanqanku, jinallataj Samariapi tukuy tiyakojkunapis. Paykunaqa may kasqankuta yuyakuspa, wapu wapu, ninku:

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Oseas 12:1

1 (2) Efrainqa wayrallata mikhuspa kawsan. Tukuy tuta p'unchay inti llojsimuynejmanta wayraj qhepanta ripun. Mana sayk'uspa llullakullanpuni, kallpaman atinikuspataj, millayta ruwallanpuni. Asiriawan tratota ruwan, aceite t'inkatataj Egiptoman apachin.

San Mateo 2:3

Kuraj kamachej Herodesrí chayta uyarispa, mancharikorqa, jinallataj Jerusalenpi tukuy kajkunapis.