Isaías 7:18 - DIOSPA QHELQACHISQ

¹⁸ Chaypacha Tata Dios silbarispa, Egipto karu mayukunamanta, chantá Asiriamanta ima soldadokunata wajyanqa. Chaykunataj ch'uspi jina chayrí abeja jina aywirispa muyuykusonqanku.

Qheshwa Biblia DC

¹⁸ Chaypacha Señorqa Egipto karu mayusmanta runasta ch'uspista jina wajyanqa, Asiriamantataj abejasta jina.

DIOSPA QHELQACHISQAN DEUTEROCANONICAL

¹⁸ Chaypacha Tata Dios silbarispa, Egipto karu mayukunamanta, chantá Asiriamanta ima soldadokunata wajyanqa. Chaykunataj ch'uspi jina chayrí abeja jina aywirispa muyuykusonqanku.

Isaías 7:18 ပူးပေါင်းရင်းမြစ်များ

Salmos 105:31

Chantá Tata Dios parlajtin, may chhika ch'uspikuna, chantá tiwlakuna ima phuyu jina Egiptoman junt'aykorqanku.

Salmos 118:12

Lachiwana jina muyuykuwarqanku, khishkata ruphashaj nina jina contraypi manchayta phiñarikuspa oqharikorqanku. Noqatajrí Tata Dios yanapawasqanrayku paykunata atiparqani.

Éxodo 8:21

21 (17) Manachus kacharinki chayqa, noqa qanman, yanapajniykikunaman, runaykikunaman, wasiykiman ima tukuy imaymana ch'uspita kachaykamusaj. Ch'uspeqa tukuy Egipto llajtayojkunaj wasinkuman junt'aykuspa, pampannintinpi kanqa.

Éxodo 8:24

24 (20) Ajinata Tata Dios ruwarqa. Tukuy imaymana ch'uspi laqhayarishaj phuyu jina aywirimuspa, faraonpa kamachinan wasiman, yanapajninkunaj wasinkuman, chantá tukuy Egipto suyuman junt'aykorqanku. Chay ch'uspikunataj Egipto suyuta sonqo nanayman tukucherqanku.

Isaías 13:5

Chaykunaqa karu llajtamanta jamunku, kay pachaj k'uchunmantapacha. Chaykunaqa Tata Diospa kachamusqan kanku, paypa k'araj phiñakuyninpi jasut'iwan tukuynin kay pachata tukuchinankupaj.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Isaías 5:26

Tata Dios wiphalata oqharenqa, uj karu suyumanta soldadokuna jamunankupaj. Silbarispataj, wajyanqa kay pachaj aswan karu k'uchunpi kajkunata. Paykunataj imata jina usqhayllata chayamonqanku.

Isaías 7:17

Chay qhepamanrí Tata Dios jatun llakiykunata apachimusonqa qanman, aylluykiman, tataykej ayllunman ima. Chay jina llakiykuna ni jayk'aj karqachu, Efraín ayllu Judá suyumanta t'aqakusqanmantapacha. Tata Dios Asiriaj kuraj kamachejninta contraykipi kachaykamusonqa.

Zacarías 10:8

Noqa Tata Dios wajyaspa, paykunata tantaykakapusaj. Chantá preciota pagaspa paykunata awqankumanta kacharichejtiy, unay tiempopi jina ujtawan may chhikaman miranqanku.

Deuteronomio 1:44

Chay orqokunapi tiyakoj amorreokunarí qankunawan maqanakoj llojsimuspa, wayronqo jina Jormakama qhatiykusorqachej, Seirpitaj atiypakusorqachej.

Deuteronomio 28:49

Qanpa contraykita Tata Diosqa karumanta, kay pachaj k'uchunmantapacha waj llajtayojkunata kachaykamusonqa. Chay karu llajtayojkunaj parlasqankuta mana entiendeyta atinkichu. Paykuna anka jina usqhayllata phawamuspa, chayamusonqanku.

Deuteronomio 7:20

Chantapis Tata Diosqa puchojkunaman, jinataj qankunamanta pakakuspa ayqekojkunaman, wayronqokunata kachaykonqa, paykunata tukuchinanpaj.

Josué 24:12

Amorreokunaj iskaynin kuraj kamachejninkukunata mana espadaykichejwanchu nitaj flechaykichejwanchu atipaykorqankichej, manachayqa noqa ñawpaqeykichejta wayronqokunata kachaykorqani. Chayrayku manaraj chayashajtiykichej, paykunaqa ñapis ayqerqankuña.