Isaías 7:14 - DIOSPA QHELQACHISQ

¹⁴ Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Qheshwa Biblia DC

¹⁴ Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

DIOSPA QHELQACHISQAN DEUTEROCANONICAL

¹⁴ Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Isaías 7:14 ပူးပေါင်းရင်းမြစ်များ

Génesis 16:11

Qanqa wijsayoj kashanki. Jinataj uj qhari wawata onqokunki, paytataj sutichanki “Ismael” sutiwan, imaraykuchus Tata Dios llakiywan waqasqaykita uyarisunki.

Génesis 29:32

Ajinaqa Lea Jacobpaj onqoj rikhurerqa, paqarichikuspataj, wawanta “Rubén” sutiwan suticharqa. Pay nerqa: Tata Dios llakisqa kasqayta rikuwan. Chayrayku qosay munakuwanqa paypaj wawata rejsisqayrayku, nispa.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Génesis 30:6

Chantá Raquel nerqa: Kay wawaj sutenqa “Dan” kanqa, imajtinchus Tata Dios mañakusqayta uyarispa, uj wawata qowan. Ajinata ruwaspa, justiciata ruwawan, nispa.

Génesis 30:8

Chantá Raquel nerqa: Ñañaywan sinch'ita jap'inakuni, atipanitaj. Chayrayku kay wawaj sutenqa “Neftalí” kanqa, nispa.

Génesis 4:25

Adanqa ujtawan warminwan puñuykorqa, warmintaj wijsallikuspa, uj qhari wawata paqarichikorqa. Chantá payta suticharqa “Set” sutiwan: Diosqa uj qhari wawata qowan Abelpa cuentanmanta, pitachus Caín wañucherqa, chaymanta, nispa.

1 Reyes 13:3

Chaypachallataj Diosmanta sut'inchajqa nerqa: Tata Dios cheqantapuni parlasqanmanta kaymin señal kanqa: Kay altarqa thuñikonqa, patanpi ushphapis qhallikonqa, nispa.

Salmos 46:8

8 (9) Jamuychej, Tata Diospa t'ukuna ruwasqanta qhawaychej, imaraykuchus payqa kay pachata ch'inman tukuchin.

Isaías 38:7

Kunantaj kay señalta Tata Dios qosonqa, nisusqanta junt'ananpaj.

Isaías 8:10

Sumajtapis maqanakunapaj wakichikojtiykichej, qhasi manakajllapaj kanqa. Imata parlasqaykichejqa manapuni junt'akonqachu, imaraykuchus Diosqa noqaykuwan kashan, nispa.

Isaías 8:8

Chayqa Judá suyuman junt'aykonqa, kunkankamataj chayanqa. Emanuel, tukuynin suyuyki ankaj lijranwan jina qhataykusqa kanqa.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Jeremías 23:6

Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Jeremías 31:22

Mayk'ajkamataj mana kasukoj sipas jina kayman jaqayman purinkiri? Noqa Tata Diosrí, kay pachapi mana jayk'aj rikusqaykichejta ruwani: Warmeqa qharita muyupayanqa, nispa.

Jeremías 44:29

Noqa Tata Dios qankunaman kay señalta qosqaykichej yachanaykichejpaj kay tukuy nisqayta junt'anaytapuni, kay suyupi qankunata jasut'inaytapis.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

San Lucas 1:31

Kunantaj wijsayoj rikhurispa, uj qhari wawata paqarichikunki, paytataj Jesús sutiwan sutichanki.

San Lucas 1:35

Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

San Lucas 2:12

Payta tarinaykichejpajtaj kay señal kanqa: Wawataqa janantapi k'irusqata tarinkichej, uywa qaranapi sirisqata, nispa.

San Lucas 20:44

Chantá, imaynatataj Cristoqa Davidpa Churin kanman, Davidllataj payta Tukuyta Kamachej nishajtinri? nispa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Romanos 9:5

Jinallataj paykuna ñawpa tataykukunaj mirayninmanta kanku, chay miraymantataj Cristo jamorqa. Payqa tukuy ima kaj chhikata kamachej Dios, chayraykutaj wiñay wiñaypaj yupaychasqa kachun. Ajina kachun.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Jueces 6:36

Chantá Gedeonqa Tata Diosta nerqa: Sichus cheqamanta qan wajyawanki israelitakunata kacharichinaypaj, niwasqaykiman jina chayqa,

1 Samuel 1:20

Ajinamanta Anaqa wijsallisqa rikhurerqa. Onqokunan tiempo chayamojtintaj, uj qhari wawata paqarichikorqa. Wawantataj Samuel sutiwan suticharqa, nerqataj: Kay wawata Tata Diosmanta mañakorqani, nispa.

1 Samuel 4:21

Wawatataj Icabod sutiwan suticharqa. Chay suti niyta munan: Israelitakuna Diospa arcanta qhechuchikunku, Tata Dios saqerpariwanchej, nispa. Chayta nerqa israelitakuna Diospa arcanta qhechuchikusqankurayku, suegronpis, jinataj qosanpis wañusqankurayku.