Isaías 7:13 - DIOSPA QHELQACHISQ

¹³ Chantá Isaías nerqa: Davidpa mirayninmanta kajkuna, uyariychej: Qankunapaj runakunata phiñacheyqa pisichu, Diosniytapis phiñachiyllatataj munanaykichejpaj?

Qheshwa Biblia DC

¹³ Isaiastaj nerqa: Kunanqa uyariychej, Davidpa mirayninmanta kajkuna. Qankunapajqa runasta sayk'uchinaqa pisichu, Diosniytapis sayk'uchiyta munanaykichejpajqa?

DIOSPA QHELQACHISQAN DEUTEROCANONICAL

¹³ Chantá Isaías nerqa: Davidpa mirayninmanta kajkuna, uyariychej: Qankunapaj runakunata phiñacheyqa pisichu, Diosniytapis phiñachiyllatataj munanaykichejpaj?

Isaías 7:13 ပူးပေါင်းရင်းမြစ်များ

Génesis 30:15

Leatajrí kuticherqa: Qosayta qhechuwankiña, kunantaj wawaypa apamusqan mandragoratawanchu qhechuwayta munashanki? nispa. Raqueltaj nerqa: Sichus wawaykej apamusqan mandragorata qowanki chayqa, Jacob kunan ch'isi qanwan puñonqa, nispa.

2 Crónicas 21:7

Chay tukuywanpis Tata Diosqa mana Judá suyuta chinkachiyta munarqachu, kamachin Davidta munakusqanrayku. Tata Diosqa Davidman trato ruwasqanpi nisqa mirayninmanta kamachinanpaj tiyaykoj kanallantapuni.

Salmos 45:5

5 (6) Kuraj kamachejníy, tukuy suyumanta runakuna k'umuykamusunku, flechaykikunataj awqaykikunaj sonqonkuman sat'iykukun.

Isaías 1:14

Killa qallariy raymi ruwasqaykichejta, sapa wata jatun tantakusqaykichejtapis chejnikullanitaj. Chayqa anchataña sayk'uchiwan, manaña rikuyta munanichu.

Isaías 1:24

Chayrayku, noqa Israelpa Tukuy Atiyniyoj Tata Diosnin kayta nini: Noqata chejnikuwajkunamanta cuentata mañasaj, awqaykunamantaj aynita kutichipusajpuni.

Isaías 22:22

Davidpa wasinta kicharina llavetapis kunkanman warkhuykusaj. Pay kicharejtin, ni pipis wisq'ayta atenqachu, wisq'ajtintaj, nillataj pipis kichariyta atenqachu.

Isaías 25:1

Tata Dios, qanmin Diosniy kanki. Sutiykita pataman oqharispa jatunchasqayki, yupaychasqaykitaj, imaraykuchus qanmin t'ukuna imakunata ruwarqanki. Chaykunata unaymantapacha wakicherqanki, kunantaj chayta junt'arqanki.

Isaías 43:24

Manallataj noqapaj sumajta q'apaj jawinakunata ranterqankichu, nillataj uywa ñak'asqaj wirantapis tukuy sonqo apamuwarqankichu. Manachayqa jucha q'epiykiwan llasaykuchiwarqanki, chay jina millay juchata ruwasqaykiwantaj sayk'uchiwarqanki.

Isaías 63:10

Chaywanpis paykuna mana kasukuspa, May Llimphu Espiritunta phiñacherqanku. Chayrayku Diosmin paykunaj awqankuman tukuspa, contrankuta maqanakorqa.

Isaías 7:12

Ajaztajrí kuticherqa: Mana señalta mañakuymanchu, nitaj Tata Diosta mat'ikuymanchu ruwanantapuni yachayta munaspa, nispa.

Isaías 7:2

Chaypacha wakinkuna Judata kuraj kamachej Ajazman willamorqanku: Paykunaqa Siriamanta kajkunawan, Efrainmanta kajkunapiwan ujchakunku, nispa. Chayta uyarispa, kuraj kamachej Ajaz, runankunapiwan maytapuni kharkatiterqanku, imaynatachus sinch'i wayra sach'akunata kuyuchin, ajinata.

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Jeremías 6:11

Noqatajrí Tata Diospa phiñakuyninwan junt'asqa kani. Manaña sonqoyta ñit'iykuyta atinichu, nispa. Chayrayku Tata Dios niwarqa: Callepi purishanku, chay wawakunaj patankuman phiñakuyniyta kachaykuy ari, jinallataj waynakunaj patankumanpis. Qharipis warmintin chaypacha presochasqa kanqanku, jinallataj machu runakuna, allin machu runakunapis presochasqallataj kanqanku.

Ezequiel 16:20

Jinallataj noqapaj rejsisqayki warmi wawakunata, chantá qhari wawakunatapis lantikunaman qaraykorqanki. Qanpaj khuchi warmiman tukusqayki pisichu karqa?

Ezequiel 16:47

Qantaj paykunamanta yachakuspa purerqanki, paykuna jina millachikunapaj ruwaspa. Chaywanpis mana sajsaspa, paykunamanta aswan millaytaraj ruwarqanki.

Ezequiel 34:18

Allintachu ruwankichej sumaj pastota mikhuytawan, puchojta saruraspari? Allillantajchu ch'uwa yakuta ujyaytawan, puchojtataj chakiykichejwan qonchuyachisqaykichejqa?

Ezequiel 6:9

Waj suyuman apasqamanta ayqekojkunataj noqamanta yuyarikuwanqanku. Reparanqanku imaynatachus llakichiwasqankuta wasanchaj sonqonkuwan noqamanta karunchakuspa. Yachallanqankutaj imaynatachus llakikusqayta khuchichakoj ñawinkuwan lantinkukunata munapayasqankumanta. Paykuna kikinku tukuy millay ruwasqankumanta, chantá tukuy imaymana khuchiriyota ruwasqankumanta millachikonqanku.

Amós 3:13

Kayta uyariychej, chaymantataj Jacobpa ayllunman willaychej: Tukuy Atiyniyoj Tata Dios kay jinata nin: Jacobpa ayllunpa contranpi rimariychej.

Malaquías 2:17

Tata Diosqa parlasqaykichejta uyarispa, sayk'unña. Chaywanpis qankuna tapunkichejraj: Imata nispataj payta sayk'ucherqaykuri? nispa. Qankuna ninkichej: Tata Diosqa mana allinta ruwajkunata allinpaj qhawan, paykunawantaj kusikun, nispa. Manachayqa nillankichejtaj: Maypitaj kashan justiciata ruwaj Diosri? nispa.

Números 16:13

Qanpajqa pisichu, lechewan, abeja misk'iwan purishaj jallp'amanta orqhomuspa, kay ch'innejpi wañuchinawaykupaj pusamuwasqaykoqa? Kunantaj, qan kamachejniyku kayta munashanki.

Números 16:9

Tata Diosqa israelitakuna ukhumanta qankunata ajllakusorqachej paypa qayllanpi kanaykichejpaj, chantá Dioswan Tinkukuna Toldopi ruwanaykichejta ruwaspa israelitakunata yanapanaykichejpaj. Chayqa qankunapaj pisichu?

San Lucas 1:69

Diosqa kamachin Davidpa mirayninmanta atiyniyoj uj qhespichejta kachamuwanchej,

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Hebreos 3:10

Chayrayku noqa chaypacha runakunapaj mayta phiñakuspa, nerqani: Paykuna sonqonkupi pantashallankupuni, manataj munasqayman jina puriyta munankuchu, nispa.