Isaías 66:23 - DIOSPA QHELQACHISQ

²³ Killamanta killa, sapa mosoj killapi, sapa samarina p'unchaypi, paykuna tukuyninku noqata yupaychawaj jamonqanku. Ajinata noqa Tata Dios nini.

Qheshwa Biblia DC

²³ Sapa killamanta killa, sapa samakuna p'unchaypi, paykunaqa tukuyninku noqaqa yupaychaj jamuwanqanku, nispa nin Señorqa.

DIOSPA QHELQACHISQAN DEUTEROCANONICAL

²³ Killamanta killa, sapa mosoj killapi, sapa samarina p'unchaypi, paykuna tukuyninku noqata yupaychawaj jamonqanku. Ajinata noqa Tata Dios nini.

Isaías 66:23 ပူးပေါင်းရင်းမြစ်များ

2 Reyes 4:23

Qosantaj nerqa: Imaraykutaj kunan paywan parlaj riyta munankiri? Mana killa rikhuriy jatun p'unchaychu, nitaj samarina p'unchaychu, nispa. Paytajrí nerqa: Ama imamantapis llakikushaychu, nispa.

Salmos 22:28

28 (29) imaraykuchus Tata Diosqa kuraj kamachejmin, paytaj tukuy suyukunata kamachin.

Salmos 65:2

2 (3) imaraykuchus qan mañakusqaykuta uyarinki. Tukuy runakuna qanman jamuyku.

Salmos 65:3

3 (4) Juchallisqayku apaykachashawayku chaypis, contraykipi tukuy juchallikusqaykuta qan pampachanki.

Salmos 86:9

Tukuyta Kamachej Dios, sayarichisqayki suyukuna jamuspa, qanta yupaychasonqanku, sutiykitataj jatunchanqanku.

Isaías 19:21

Chaypacha Tata Diosqa Egiptomanta runakunawan rejsichikonqa, paykunataj Tata Diosta rejsenqanku, yupaychanqanku ima, uywa ñak'asqata chantá ch'aki mikhuy jaywanata q'olachispa. Paykunaqa Tata Diosta munayninta ruwanankuta nenqanku, imatachus nisqankutataj junt'anqanku.

Isaías 19:23

Chaypacha Egiptomanta Asiriaman jatun ñan kanqa. Asiriamanta kajkunaqa Egiptoman renqanku, jinallataj Egiptomanta kajkunapis Asiriaman rillanqankutaj. Paykunataj khuska Tata Diosta yupaychanqanku.

Isaías 2:2

Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

Isaías 27:13

Chaypacha jatun trompetata waqachenqanku. Chantá Asiriapi ch'eqerasqa kajkuna jamponqanku, jinallataj Egiptoman wijch'usqa kajkunapis. Chayamuspataj, Jerusalenpi kaj Diospaj t'aqasqa orqopi Tata Diosta yupaychanqanku.

Isaías 49:7

Israelpa May Llimphu Kaj Diosnin, qhespichej Tata Dios kay jinata nin pisipaj qhawasqa kajman, waj llajtakunaj chejnikusqankuman, ñak'arichejkunaj wata runanman ima: Kuraj kamachejkuna, kurajkuna ima qanta rikususpa, sayarikonqanku. Qanman k'umuykukonqanku, Israelpa May Llimphu Kaj Diosnin Tata Diosrayku, pichus nisqanta junt'anpuni, pitajchus ajllakusorqa, payrayku, nispa.

Ezequiel 20:40

Ajllakusqay orqopi, Israelpa jatun orqonpi tukuynin israelitakuna yupaychawanqanku. Chaypi noqa tukuy sonqo jap'ikapusqaykichej. Chayllapitaj qankunamanta mañasqaykichej jaywanata jaywanawaykichejta, chajraykichejmantataj ñawpaj kaj poqoyta apamunawaykichejta, chantá imatachus qonawaykichejpaj t'aqankichej, chaykunatawan. Noqa Tukuyta Kamachej Tata Dios ajinata nini.

Ezequiel 45:17

Kamachejtaj tukuy uywakunata q'olachispa jaywanapaj qonan tiyan, ch'aki mikhuy jaywanata jaywanapaj imachus kanan tiyan, chaypajpis qonallantaj tiyan. Jinallataj killa qallariypi vinota jaywanapaj, samarina p'unchaypi, israelitakunaj tukuy rayminkupi ima jaywanankupaj qonan tiyan. Jinallataj jucharayku jaywanapaj, ch'aki mikhuy jaywanapaj, uywa ñak'asqata q'olachisqa jaywanapaj, k'achata kawsakuy jaywanata jaywanapaj ima Israelpa juchan pampachasqa kananpaj qonallantaj tiyan, nispa.

Ezequiel 46:1

Tukuyta Kamachej Tata Dios kay jinata nin: Ukhu patiopi inti llojsimuynejpi kaj punkoqa sojtantin p'unchayta wisq'asqa kanqa. Samarikuna p'unchaypitajrí kicharisqa kanqa, jinallataj mosoj killa rikhuriy p'unchaypi.

Ezequiel 46:6

Mosoj killa rikhuriy p'unchaypitaj uj torillota jaywanqa, chaytaj mana iman imanasqa kanan tiyan. Jinallataj sojta corderota, uj carnerotawan, mana imanku imanasqata qollanqataj.

Zacarías 14:14

Chantá Judapi tiyakojkunapis Jerusalenpi maqanakullanqankutaj. Chantá muyuyninkupi kaj suyukunamanta may chhika qolqeta, qorita, chantá p'achakunatapis qhechonqanku.

Zacarías 14:16

Chay qhepatarí, pikunachus Jerusalenpa contranpi maqanakoj jamorqanku, chay suyukunamanta puchojkuna watan watanta renqanku Kuraj Kamachej Tukuy Atiyniyoj Tata Diosta yupaychaj. Jinallataj Ch'ujlla Ruwana raymitapis ruwallanqankutaj.

Zacarías 14:18

Sitajchus Egipto llajtayojkunapis mana Jerusalenman renqankuchu chayqa, llajtankupipis manallataj paranqachu. Kikillantataj Tata Dios jasut'enqa mayqen suyuchus Ch'ujlla Ruwana raymita mana ruwajkunatapis.

Zacarías 14:19

Ajinatamin Egipto suyuwan, jinallataj mayqen suyuchus Ch'ujlla Ruwana raymita ruwaj mana renqankuchu, chaykunawan ima jasut'isqa kanqanku.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

San Juan 4:23

Chay p'unchay chayamunan karqa, kunantaj chayamunña: Tata Diosta cheqatapuni yupaychajkunaqa Santo Espíritoj yanapasqan cheqa kajman jina tukuy sonqo yupaychanqanku, imaraykuchus Tata Diosqa ajina yupaychajkunata mask'an.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.