Isaías 66:2 - DIOSPA QHELQACHISQ

² Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Qheshwa Biblia DC

² Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

DIOSPA QHELQACHISQAN DEUTEROCANONICAL

² Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Isaías 66:2 ပူးပေါင်းရင်းမြစ်များ

1 Reyes 21:29

Rikunkichu Ajabqa k'umuykamuwasqanta? Mana allinta ruwasqanmanta noqaman kutirikamuwasqanrayku, kawsanankama mana nisqay llakiyta apachimusajchu. Manachayqa churin kuraj kamachej kajtin, chay llakiyta tukuy mirayninman apachimusaj, nispa.

2 Reyes 22:10

Chantá qhelqeri Safán nillarqataj: Kuraj kaj sacerdote Hilcías kay qhelqata jaywawarqa, nispa. Chantá Safanqa kuraj kamachej uyarinanta ñawirerqa.

2 Reyes 22:11

Kuraj kamachej Josiasqa chay tarisqanku qhelqasqa imatachus nisqanta uyarispa, p'achanta llik'irakorqa.

Esdras 10:3

Kunanqa Diosninchejwan tratota ruwasqayku waj llajtayoj warmikunata, wawankukunatawan kachapunaykuta ajinamanta Diospa kamachisqanta junt'anaykupaj, imaynatachus qan, chantá pikunachus Diospa kamachisqanta kasunku, chaykuna yuyaychawasqaykuman jina.

Esdras 9:4

Chaypacha pikunachus Diospa nisqanta manchachikojkunaqa noqaman tantakamorqanku, chaypitaj tukuyniyku mayta llakikorqayku Babiloniamanta kutimojkunaj juchallisqankurayku. Noqatajrí manchay phutisqa tiyaspallapuni karqani, tardenpi Diosman uywa ñak'asqata jaywanakama.

Salmos 119:120

Qanta manchachikusqayrayku tukuy ukhuy kharkatitin, kamachisqaykitataj manchay jatun respetowan qhawani.

Salmos 119:161

Atiyniyojkunaqa mana imallamanta qhatiykachawanku. Sonqoytajrí simi nisqaykita may jina jatun respetowan qhawan.

Salmos 138:6

Tata Dios may jina patapipis kashaspa, llamp'u sonqoyojkunamanta qhawarinpuni. May kasqankuta yuyakojkunamantarí karunchakun.

Salmos 34:18

18 (19) Tata Diosqa sonqo p'akisqa kajkunata qhespichinanpaj qayllallankupi kashan, pikunachus manaña ima suyanayoj kanku, chaykunata.

Salmos 51:17

17 (19) Manachayqa k'umuykoj sonqo kanayta munanki. Qanqa Diosníy, tukuy sonqo k'umuykojta, chantá qanman kutirikamusojta mana qhesachankichu.

Salmos 51:19

19 (21) Chaypacha qan kusiywan jap'ikunki tukuy sonqo jaywasusqankuta, uywa ñak'asqa q'olachinata, waj jaywanakunata ima. Chaypachataj altarniykipi torillota ñak'aspa jaywasonqanku.

Proverbios 28:14

Kusikuyniyojmin pichus Tata Diosta maypaj qhawan, chay. Sonqonta rumiyachejrí llakiy kawsayman chayanqa.

Proverbios 29:23

Umata oqharej runataqa machu machu kaynin k'umuykuchenqa, llamp'u sonqoyojtajrí jatunchasqa kanqa.

Isaías 40:26

Janajta qhawariychej. Pitaj chay tukuy ch'askakunata ruwarqari? Tata Dios, pichus chaykunata ujmanta uj orqhomuspa yupan, tukuyninkutataj sutinkumanta wajyan, chay. Payqa tukuy atiyniyoj, tukuy kallpayojtaj, chay jinapuni kasqanraykutaj mana ujpis makinmanta chinkanchu.

Isaías 41:20

Chayta ruwasaj tukuy runaj rikunanta, allinta reparaspa umachakunankupaj. Paykuna yachanqanku noqa Tata Dios jatun atiyniywan chaykunata ruwasqayta. Yachallanqankutaj noqa, Israelpa May Llimphu Kaj Diosnin chay imakunata rikhurichisqayta, nispa.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Isaías 66:5

Noqa Tata Diospa nisqayta uyariychej, pikunachus simi nisqayta uyarispa kharkatitejkuna. Qankunataqa llajta masiykichej chejnikusunkichej. Noqaj sutiyraykutaj jawaman qankunata qharqospa, nisunkichej: Tata Diosqa jatun kayninpa lliphipiyninta rikhurichichun, chayta rikuspa qankuna kusikuyta atinaykichejpaj, nispa. Chaywanpis paykunaqa p'enqaypi rikhurenqanku.

Oseas 11:10

Aswan qhepaman israelitakuna qhepayta jamonqanku. Noqa Tata Diosqa león jina qhaparisaj, qhaparejtiytaj, aylluymanta kajkuna inti yaykuynejmanta kharkatitispa jamonqanku.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Habacuc 3:16

Kay tukuy imata uyarispa, manchachikorqani. Simiypis kharkatiterqa. Chakiy mana sayayta aterqachu, tukuy ukhuypis llawch'iyaporqa. Chaywanpis pacienciawan suyasaj, maypachachus Dios ñak'arichiwajninchej soldadokunata ñak'arichillanqataj, chay p'unchayta.

San Mateo 12:6

Noqatajrí niykichej: Pichus kaypi kajqa aswan kurajmin Templomanta nisqaqa.

Hechos 7:50

Manachu noqa janaj pachata, kay pachatawan ruwarqani? nispa.

Hechos 9:6

Saulotaj manchariywan kharkatitispa, nerqa: Tukuyta Kamachej, imatataj munanki ruwanaytari? nispa. Jesustaj kuticherqa: Jatarispa, llajtaman yaykuy, chaypitaj nisonqanku imatachus ruwanaykita, nispa.

Filipenses 2:12

Munasqa wawqe panakuna, noqa qankunawan kashajtiy, qankuna kasuwajpuni kankichej. Kunanrí qankunamanta karupi kashajtiy, astawanraj kasunawaykichej tiyan. Chayrayku atisqaykichejta ruwaychej qhespichisqa kasqaykichej imatachus ruwasqanta rikuchinaykichejpaj Diosta kasuspa, chantá payta may jatun respetowan qhawaspa ima.

Colosenses 1:17

Cristoqa, manaraj imapis kashajtin karqañapuni, paytaj tukuy ruwasqan maychus kananpi purinanmanta qhawashan.