Isaías 66:18 - DIOSPA QHELQACHISQ

¹⁸ Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Qheshwa Biblia DC

¹⁸ Rejsini paykunaj ruwasqasninkuta, imatachus yuyasqankutapis. Uj p'unchay chayamonqaña tukuy nacionesta, ima parlayniyojchus kajkunatapis ujllaman tantanapaj. Chaypi jamuspa noqaj k'anchayniyta rejsenqanku.

DIOSPA QHELQACHISQAN DEUTEROCANONICAL

¹⁸ Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Isaías 66:18 ပူးပေါင်းရင်းမြစ်များ

Job 42:2

Noqa yachani qan tukuy imata ruwayta atisqaykita. Qanpajqa mana imapis mana ruwayta atinapaj jina kanchu.

Salmos 139:2

Qan tukuy ruwasqayta yachanki. Tukuy imatachus yuyasqaytapis karumantapacha yachallankitaj.

Salmos 67:2

2 (3) Ajinamanta kay pachapi tukuy runakuna munayniykimanta, chantá runata imaynatachus qhespichisqaykimanta ima yachanqanku.

Salmos 72:11

Tukuy kuraj kamachejkuna paypa ñawpaqenpi qonqorikuchunku, tukuy suyutaj paypa kamachiyninpi kachunku.

Salmos 72:17

Kuraj kamachejpa sutin wiñaypaj yuyarisqa kachun, manchay uyarisqa kasqantaj inti jina unaypaj kachun. Kay pachapi kaj chhika runakunaqa paynejta saminchasqa kachunku, tukuy runataj nichunku: Kuraj kamachejqa may kusikuyniyojmin, nispa.

Salmos 82:8

Sayariy, Diosniyku, kay pachata juzgay, imaraykuchus tukuy suyu qanpata kanku.

Salmos 86:9

Tukuyta Kamachej Dios, sayarichisqayki suyukuna jamuspa, qanta yupaychasonqanku, sutiykitataj jatunchanqanku.

Salmos 94:11

Tata Diosqa runaj yuyasqanta yachan, manakajllata yuyasqankutapis rejsillantaj.

Salmos 97:6

Janajkunaqa cheqan kayninmanta willanku, tukuy runataj jatun kayninpa lliphipiyninta rikunku.

Isaías 11:9

Tata Diospaj t'aqasqa orqopeqa mana ima millaytapis ruwanqankuchu, imaraykuchus tukuy kay pacha Tata Diosta rejsej runakunawan junt'a kanqa, imaynatachus mama qochaman yaku junt'aykun, ajinata.

Isaías 2:2

Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

Isaías 37:28

Noqa allinta rejsiyki imaynachus kasqaykita, llojsisqaykita, yaykusqaykitapis rikullanitaj, jinallataj noqapaj phiñakusqaykitapis.

Isaías 40:5

Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Isaías 45:22

Tukuy kay pachapi tiyakojkuna, qhespichisqa kanaykichejpaj noqaman jamuychej. Noqamin Dios kani, manataj waj Dios kanchu.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Isaías 55:8

Tata Dios nin: Noqaj yuyasqayqa mana qankunaj yuyasqaykichej jinachu, ruwasqaytaj mana qankunaj ruwasqaykichej jinachu.

Isaías 56:8

Noqa Tukuyta Kamachej Tata Dios, pichus karuman wijch'usqa israelitakunata tantamuni, kayta nini: Kay tukuy tantamusqaymanta jawaqa wajkunatapis tantamusajraj, nispa.

Isaías 57:12

Kunan noqa sut'iman orqhosaj ruwasqaykita, imatachus cheqan kasqanta yuyanki, chayta. Chaywanpis chayqa mana yanapasonqachu.

Isaías 59:7

Chakinkoqa mana allin ruwayllaman paykunata apan, paykunataj usqhayta rinku mana juchayojta wañuchinankupaj. Paykunaqa juchallispa puriyllapipuni yuyanku. Maymanchus risqankupeqa ñak'ariyta, waqanatawan apanku.

Isaías 65:2

Sapa p'unchay chay mana kasukoj runakunaman makiyta jaywarqani, pikunachus mana cheqan ñanta purinkuchu, manachayqa millay yuyayninkuman jinalla purinku, chaykunaman.

Isaías 66:10

Jerusalenwan khuska mayta kusirikuychej, payta munakojkuna. Payrayku llakiywan tukuy waqajkuna, tukuy kusisqa kaychej.

Jeremías 16:17

Tukuy ruwasqaykichejta rikuni, nitaj noqamanta ni ima pakasqa kayta atinchu, nitaj millay ruwasqaykichejpis ñawiymanta pakasqachu.

Jeremías 3:17

Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Ezequiel 38:10

Tukuyta Kamachej Tata Dios kay jinata nillantaj: Chay p'unchaypi sonqoykiman mana allin yuyay jamusonqa, millay kajta ruwanata wakichinaykipaj.

Ezequiel 39:21

Ajinata noqa Tata Diosqa tukuy suyukunaj ñawpaqenkupi lliphipishaj jatun kayniyta rikuchisaj. Tukuyninku rikonqanku, imaynatachus Gogta juzgarqani, jasut'erqanitaj, chayta.

Joel 3:2

2 (4.2) Chaypachallataj tukuy suyukunamanta kajkunata Josafatpa vallenman tantaykusaj. Chaypitaj paykunamanta cuentata mañasaj Israel aylluywan imatachus ruwasqankumanta, imaraykuchus paykuna israelitakunata tukuynejman ch'eqeracherqanku, jinaspataj, jallp'ayta rak'inakorqanku.

Amós 5:12

Tata Dios nillantaj: Noqa millay ruwasqaykichejta yachani, juchaykichejtaj may jinamin kanku. Qankunaqa cheqanta ruwajta ñak'arichinkichej, juzgadopitaj wajchakuna quejapi atipachikunankupaj lluk'ita jap'ikunkichej.

Zacarías 14:16

Chay qhepatarí, pikunachus Jerusalenpa contranpi maqanakoj jamorqanku, chay suyukunamanta puchojkuna watan watanta renqanku Kuraj Kamachej Tukuy Atiyniyoj Tata Diosta yupaychaj. Jinallataj Ch'ujlla Ruwana raymitapis ruwallanqankutaj.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

San Mateo 12:25

Chantá Jesús imatachus yuyasqankuta yachaspa, nerqa: Sichus uj suyupi tiyakojkuna chejninakuspa t'aqanakunkuman chayqa, chay suyu mana sayanmanchu, tukukunman. Jinallatataj sichus uj llajtapi, chayrí wasi ayllupipis phiñanakuspa t'aqanakunkuman chayqa, manallataj khuska kayta atinkumanchu.

San Mateo 9:4

Jesustajrí imatachus yuyashasqankuta yachaspa, nerqa: Imaraykutaj sonqoykichejpi mana allin kajta yuyashankichejri?

San Lucas 5:22

Jesustajrí sonqonpi yacharqapacha imatachus yuyashasqankuta. Chayrayku paykunata taporqa: Imaraykutaj chay jinata yuyashankichejri?

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

San Juan 5:42

Aswanpis noqa sonqoykichejta sumajta rejsini, yachanitaj qankuna Diosta mana munakusqaykichejta.

Romanos 16:26

Chay willayqa Diosmanta sut'inchajkunaj qhelqasqankupi rejsichisqaña karqa, wiñaypaj kawsaj Diospa kamachisqanman jina. Kunantajrí chay pakasqa yachayqa rejsichisqaña runakuna jap'ikunankupaj, kasunankupajtaj.

1 Corintios 3:20

Nillantaj: Tukuyta Kamachej Diosqa yachayniyojkunaj yuyasqankuta rejsin, yachantaj qhasi manakaj kasqanta, nispa.

Deuteronomio 31:21

Chay chhika nanaykuna, llakiykuna ima patankuman jamojtintaj, kay takiymanta yuyarikonqanku, imaraykuchus mirayninku yuyarikuspa takenqanku. Paykuna qonayta nerqani, chay jallp'aman manaraj yaykunkurajchu chaypis, noqa paykuna sonqonku ukhupi imatachus yuyashasqankuta yachaniña, nispa.

Hebreos 4:12

Diospa simi nisqanqa kawsayniyoj, atiyniyojtaj, puraj filoyoj espadamantapis aswan filochasqa. Ajinaqa Diospa simi nisqan runaj sonqon ukhukamapuni chayan. Jinallataj runaj yuyasqanta, sonqonpi imatachus munasqantapis sut'ita sut'inchan, allinchus manachus kasqanta.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 2:13

Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.

Apocalipsis 2:2

Noqa tukuy ima ruwasqaykita yachani, sinch'i ruwasqaykita, chantá mana sayk'uspa sayasqaykita ima. Yachallanitaj millayta ruwaspa kawsajkunatapis mana rikuyta atisqaykita. Jesuspa kuraj kachan kani, nispa nejkunatapis qan allinta watuspa, llulla kasqankuta sut'iman orqhosqaykitapis yachallanitaj.

Apocalipsis 2:9

Noqa ñak'arichisqa kasqaykita rikuni, wajcha kasqaykitapis. Chaywanpis qhapaj kanki. Yachallanitaj judío kasqankuta nejkuna qanpaj sajrata rimasqankuta. Paykuna mana Diospa ayllunmantachu kanku, aswanpis Kuraj Supaypa t'aqanmanta.