Isaías 66:14 - DIOSPA QHELQACHISQ

¹⁴ Chayta rikuspa, mayta kusikunkichej. Ukhuykichejpi sumajta kallpachasqa kankichej, qhallallarishaj qhora jina. Tata Diospa kamachinkunaqa atiyninta sumajta rejsenqanku, awqankunamantajrí phiñakuyninta rikuchenqa.

Qheshwa Biblia DC

¹⁴ Chayta rikuspa mayta kusikunkichej; tullusniykichejqa sumajta kallpachakonqanku, imaynatachus qhoras q'omeryanqanku ajinata. Señorpa makimpa atiyninta kamachisnenqa sumajta rejsinku, enemigosninmantaj phiñakuyninta rikuchenqa.

DIOSPA QHELQACHISQAN DEUTEROCANONICAL

¹⁴ Chayta rikuspa, mayta kusikunkichej. Ukhuykichejpi sumajta kallpachasqa kankichej, qhallallarishaj qhora jina. Tata Diospa kamachinkunaqa atiyninta sumajta rejsenqanku, awqankunamantajrí phiñakuyninta rikuchenqa.

Isaías 66:14 ပူးပေါင်းရင်းမြစ်များ

Esdras 7:9

Diospa yanapayninwan Esdras, paywan purejkunawan ima Babiloniamanta puririmusqanku ñawpaj kaj killa qallariypi, jinataj Jerusalenman chayamorqanku phishqa kaj killa qallariypi chay kikin watapi.

Esdras 8:18

Diosninchej sumajta yanapawasqaykurayku, paykunaqa Serebías sutiyoj sumaj yachayniyoj runata kachamuwarqayku. Payqa Majali sutiyoj levitaj ayllunmanta karqa. Wawankunawan, wawqenkunawantaj chunka pusajniyoj runakuna karqanku.

Esdras 8:22

P'enqakorqani Babiloniapi kaj kuraj kamachejmanta caballopi purej soldadokunata mañakuyta, ñanpi awqakunamanta waqaychanawaykupaj, imaraykuchus kuraj kamachejman nerqaykuña: Diosqa waqaychan payta mask'ajkunata. Payta saqerajkunarí k'araj phiñakuyninta rikonqanku, nispa.

Esdras 8:31

Ahava mayumanta purirerqayku wata killa qallariypi chunka iskayniyoj kaj p'unchaypi, Jerusalenman ripunaykupaj. Chantá Diosniyku yanapawarqayku, waqaychawarqaykutaj ñanpi sajra runakunamanta, awqaykunamantawan.

Salmos 107:42

Chayta rikuspataj, cheqan runakuna kusikunku, millayta ruwajkunarí siminkuta wisq'anku.

Proverbios 17:22

Kusisqa sonqoqa allin jampi jina. Llakisqa sonqorí runata onqochin.

Proverbios 3:8

Chaymá ukhuykipaj sumaj jampi jina kanqa, ukhuykitapis kallpachanqa.

Isaías 10:5

Tata Dios nin: Asiria, qanqa phiñakuyniypi wajtanay k'aspi kanki, phiñakuspa oqharinay varaytaj.

Isaías 13:5

Chaykunaqa karu llajtamanta jamunku, kay pachaj k'uchunmantapacha. Chaykunaqa Tata Diospa kachamusqan kanku, paypa k'araj phiñakuyninpi jasut'iwan tukuynin kay pachata tukuchinankupaj.

Isaías 26:19

Chaywanpis aswan qhepaman llajtaykumanta wañusqakuna kawsarimponqanku, ayankupis sayarimponqanku. Jallp'a ukhupi puñojkunaqa rijch'arimonqanku, kusiywantaj qhaparenqanku, imaraykuchus qanqa k'anchayta chhullata jina apachimunki. Chantá wañusqakunaqa jallp'a ukhumanta p'utumonqanku.

Isaías 26:20

Kunanqa, aylluymanta kajkuna, rispa, wasiykichejman yaykuychej, punkuykichejtataj wisq'akamuychej. Chaypitaj uj pisita pakakuychej Tata Diospa k'araj phiñakuynin tukukunankama.

Isaías 30:27

Tata Diosqa karumantapacha jamushan, k'araj phiñakuynintaj lawrarispa, yanata q'oshñirishan. Simenqa manchay phiñakuywan junt'a kashan, qalluntaj q'olaykoj nina jina.

Isaías 33:20

Qhawariy Sionta, maypichus mayta kusikuspa raymita ruwankichej, chay llajtata. Ni imamanta llakikuspa tiyakuna Jerusalén llajtata ñawiyki rikonqa. Chayqa sumaj sayachisqa toldo jina kanqa, watana estacanpis mana sik'ikonqachu, nitaj watananpis p'itikonqachu.

Isaías 34:2

Tata Dios manchay phiñasqa kashan tukuy suyupaj, jinataj tukuy soldadonkupaj ima. Chaykunata chinkarparichenqa, wañurachisqa kanankupajtaj paykunata jaywaykonqa.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Isaías 41:20

Chayta ruwasaj tukuy runaj rikunanta, allinta reparaspa umachakunankupaj. Paykuna yachanqanku noqa Tata Dios jatun atiyniywan chaykunata ruwasqayta. Yachallanqankutaj noqa, Israelpa May Llimphu Kaj Diosnin chay imakunata rikhurichisqayta, nispa.

Isaías 42:13

Tata Diosqa kallpasapa runa jina rikhurimonqa. Maqanakupi soldado jina phiñakonqa, manchayta qhaparispataj, awqanta atipanqa.

Isaías 58:11

Chantá noqa Tata Diosqa pusaykachasqaykichejpuni. Ch'innejpi ashkha mikhunata qosqaykichej. Ukhuykichejtapis sumajta kallpachasaj. Qankunataj sumaj qarpasqa huerta jina kankichej, mana jayk'aj ch'akej yaku juturi jinataj.

Isaías 59:18

Ajinata wakichikorqa awqankunaman ruwasqankuman jina qopunanpaj. Mayta phiñakuspa tukuy awqankunata, mama qocha kantupi tiyakojkunatawan jasut'enqa.

Isaías 66:5

Noqa Tata Diospa nisqayta uyariychej, pikunachus simi nisqayta uyarispa kharkatitejkuna. Qankunataqa llajta masiykichej chejnikusunkichej. Noqaj sutiyraykutaj jawaman qankunata qharqospa, nisunkichej: Tata Diosqa jatun kayninpa lliphipiyninta rikhurichichun, chayta rikuspa qankuna kusikuyta atinaykichejpaj, nispa. Chaywanpis paykunaqa p'enqaypi rikhurenqanku.

Zacarías 10:7

Efrainqa wapu soldado jina kanqa. Sonqon kusikonqa, imaynatachus runakuna vinota ujyaspa kusikunku, ajinata. Chayta rikuspataj, churinkunapis kusirikullanqankutaj. Arí, Tata Diosrayku sonqonku mayta kusikonqa.

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.

San Juan 16:22

Ajinallatataj qankunapis kunan llakikushankichej. Chaywanpis uj kutitawan rikusqaykichej, sonqoykichejtaj kusikonqa, manataj pipis chay kusikuyta qankunamanta qhechuyta atenqachu.

Hebreos 10:27

Manachayqa mancharina jatun juiciollataña suyana kashan, chaypitaj sinch'i nina lawray Diospa awqankunata ruphaykonqa.