Isaías 66:13 - DIOSPA QHELQACHISQ

¹³ Imaynatachus mamaqa wawanta sonqocharin, ajinallatataj noqapis qankunata sonqocharisqaykichej. Sonqochasqa kaytaqa Jerusalenpi tarinkichej, nispa.

Qheshwa Biblia DC

¹³ Imaynatachus mamaqa wawanta kusichin, ajinallatataj noqapis qankunataqa kusichisqaykichej; chay kusiytaqa Jerusalempi tarinkichej.

DIOSPA QHELQACHISQAN DEUTEROCANONICAL

¹³ Imaynatachus mamaqa wawanta sonqocharin, ajinallatataj noqapis qankunata sonqocharisqaykichej. Sonqochasqa kaytaqa Jerusalenpi tarinkichej, nispa.

Isaías 66:13 ပူးပေါင်းရင်းမြစ်များ

Salmos 137:6

Sichus qanmanta mana yuyarikuyman chayqa, qalluy mallq'ayman k'askaykuchun, manachus tukuy imamanta astawan Jerusalenmanta kusikuyman chayqa.

Salmos 94:19

Llakiykunawan ñit'isqa kashajtiy, qan sonqochawaspa, kusichiwarqanki.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 40:1

Qankunaj Diosniykichej nin: Sonqochaykuychej, Israel aylluyta sonqochaykuychej.

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 49:13

Janaj, kusiywan takiy ari, kay pachapis, mayta kusikuy. Qankunapis orqokuna, kusiywan qhapariychej, imaraykuchus Tata Dios ayllunta sonqochan, ñak'arichisqa kajkunamantataj khuyakun.

Isaías 51:12

Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Isaías 66:10

Jerusalenwan khuska mayta kusirikuychej, payta munakojkuna. Payrayku llakiywan tukuy waqajkuna, tukuy kusisqa kaychej.

2 Corintios 1:3

Tukuyta Kamachej Jesucristonchejpa Tata Diosninta yupaychana, imaraykuchus payqa khuyarikoj Tata, tukuy imapi sonqochaj Diostaj.

2 Corintios 1:4

Payqa tukuy llakiyninchejpi sonqochawanchej, noqanchejpis llakiypi, ñak'ariypi kajkunata sonqochananchejpaj, imaynatachus noqanchejpis Diosnejta sonqochasqa kanchej, ajinata.

1 Tesalonicenses 2:7

Aswanpis qankuna ukhupi k'acha karqayku, imaynatachus uj mama wawankunata allinta qhawaspa uywan, ajinata.