Isaías 66:11 - DIOSPA QHELQACHISQ

¹¹ Imaynatachus wawa mamanmanta ñuñuspa sajsakun, ajinata qankunapis sonqochasqa kankichej, maytataj kusikunkichej chhika patapi kaspa.

Qheshwa Biblia DC

¹¹ Chay jinamanta payta ñuñunaykichejpaj, kusiyninwan sajsakunaykichejpaj; lechenta ujyaspa, chay jina k'anchaynin ukhupi kakunaykichejpaj.

DIOSPA QHELQACHISQAN DEUTEROCANONICAL

¹¹ Imaynatachus wawa mamanmanta ñuñuspa sajsakun, ajinata qankunapis sonqochasqa kankichej, maytataj kusikunkichej chhika patapi kaspa.

Isaías 66:11 ပူးပေါင်းရင်းမြစ်များ

Salmos 36:8

8 (9) Wasiykipi ashkha mikhunawan paykunata sajsachinki, misk'i yaku mayumantataj paykunata ujyachinki.

Isaías 49:23

Kuraj kamachejkuna uywaqeykikuna kanqanku, qoyakunapis ñuñuchisojkuna kanqanku. Paykunaqa pampakama ñawpaqeykipi k'umuykukonqanku. Chakiykipi jallp'a kajtapis qallunkuwan llajwanqanku. Ajinapi qan yachanki noqa Tata Dios kasqayta. Pikunachus noqapi atinikojkunaqa mana jayk'ajpis p'enqachisqachu kanqanku.

Isaías 60:1

Jerusalén, sayarispa lliphipiriy, imaraykuchus k'anchayniyki chayamunña, Tata Diospa jatun kayninpa lliphipiynintaj pataykipi k'anchashan.

Isaías 60:16

Waj suyukunaj aswan sumaj mikhunankuta mikhunki, kuraj kamachejkunaj kapuyninkuwantaj kawsanki. Chaypacha rejsiwanki noqa Tata Diosmin qhespichisoj kasqayta, pagaspa kacharichisojniyki, Jacobpa Tukuy Atiyniyoj Diosnin ima kasqayta.

Isaías 60:2

Laqhayayqa kay pachata qhataykun, tuti laqhayaytaj suyukunata p'ampaykun. Chaywanpis Tata Diospa k'anchaynenqa pataykipi kanqa, jatun kayninpa lliphipiynintaj rikhurimusonqa.

Isaías 60:5

Chaypacha qanqa paykunata rikuspa, mayta kusikunki, sonqoykitaj kusiywan t'ikarenqa. Mama qocha kantupi tiyakojkuna valorniyoj imankuta apamusonqanku, tukuy suyoj qhapaj kayninkutataj qanman jaywasonqanku.

Isaías 62:2

Chaypacha runakuna Tata Dios qhespichisusqanta rikonqanku. Tukuy kuraj kamachejkunapis jatunchasqa kasqaykita rikullanqankutaj. Chaypacha mosoj sutiwan sutichasqa kanki, chaytataj kikin Tata Diospuni sutichasonqa.

Joel 3:18

18 (4.18) Chay p'unchayqa orqokunapi, lomakunapi ima vinowan, lechewan yaku jina purenqanku. Judá suyupitaj juch'uy mayukunapis ashkha yakuyoj kanqanku. Noqaj Temploypi yaku juturi rikhurenqa, chaytaj Sitín valleta qarpanqa.

1 Pedro 2:2

Imaynatachus ñuñoj wawaqa lecheta may jinata munan, ajinallatataj qankunapis mana imawan chhapusqa Diospa simi nisqanta munaychej, chaynejta qhespichisqa kasqaykichejpi runayanaykichejpaj.