Isaías 66:10 - DIOSPA QHELQACHISQ

¹⁰ Jerusalenwan khuska mayta kusirikuychej, payta munakojkuna. Payrayku llakiywan tukuy waqajkuna, tukuy kusisqa kaychej.

Qheshwa Biblia DC

¹⁰ Jerusalenwan khuska mayta kusirikuychej, payta munakojkuna. Tukuy payrayku llakiywan waqajkuna kusisqa kakuychej.

DIOSPA QHELQACHISQAN DEUTEROCANONICAL

¹⁰ Jerusalenwan khuska mayta kusirikuychej, payta munakojkuna. Payrayku llakiywan tukuy waqajkuna, tukuy kusisqa kaychej.

Isaías 66:10 ပူးပေါင်းရင်းမြစ်များ

Salmos 122:6

Jerusalén llajtapi sonqo tiyaykusqa kawsay kananpaj Diosmanta mañaychej, jinallataj chay llajtata munakojkunata allin rinanta.

Salmos 137:6

Sichus qanmanta mana yuyarikuyman chayqa, qalluy mallq'ayman k'askaykuchun, manachus tukuy imamanta astawan Jerusalenmanta kusikuyman chayqa.

Salmos 26:8

Tata Dios, tiyakunayki Temploykita noqa munakuni, maypichus jatun kayniykej lliphipiynin kashan, chayta.

Isaías 25:9

Chaypacha tukuy runakuna nenqanku: Qhawaychej, kaymin Diosninchejqa, paypi atinikunachej, paytaj kacharichiwasun. Kaymin Tata Dios, pipichus atinikorqanchej, chay. Kunanqa qhespichiwasqanchejmanta jatun kusiywan kusikunachej, nispa.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Isaías 65:18

Qankuna maytapuni wiñaypaj kusikunkichej chayta ruwasqayrayku. Jerusalenta jatunta kusikunapaj ruwasaj, jinallataj chaypi tiyakoj runakuna kusikunankupaj.

Isaías 9:3

3 (2) Qanqa kay Israel suyupi tiyakojkunata miraykuchinki, kusiywantaj junt'achinki. Ñawpaqeykipi tukuy kusikonqanku, imaynatachus runakuna poqoyta oqharispa kusikunku, ajinata. Maytapuni kusikonqanku, imaynatachus soldadokuna maqanakupi qhechusqankuta rak'inakuspa kusikunku, ajinallatataj.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Deuteronomio 32:43

Waj suyukuna, Diospa ayllunwan khuska kusikuychej, imaraykuchus Diosqa kamachinkunata wañuchisqankumanta pagachikonqa. Awqankunawan pagachikuspa, payqa suyunpata, ayllunpatawan ima juchankuta pampachanqa, nispa.