Isaías 66:1 - DIOSPA QHELQACHISQ

¹ Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

Qheshwa Biblia DC

¹ Señorqa nin: Janaj pachaqa noqaj tiyanay, kay pachataj chakisniypa sarukunan. Maytaj wasita ruwapunawaykichej karqa chayri, maynejpitaj noqaqa samarikusajri?

DIOSPA QHELQACHISQAN DEUTEROCANONICAL

¹ Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

Isaías 66:1 ပူးပေါင်းရင်းမြစ်များ

1 Reyes 8:27

Chaywanpis cheqapunichu Diosqa kay pachapi tiyakunman? Janaj, aswan patapi janaj pachakunapis mana wakisuyta atishajtin, imaynatataj kay wasita ruwapususqaypi tiyakuyta atiwajri?

1 Crónicas 28:2

Chantá David sayarikuspa, nerqa: Llajta masikuna, wawqeykuna uyariwaychej. Noqa Tata Diospa arcanta churanapaj uj wasita ruwachiyta munarqani, chaypi wiñaypaj kananpaj, Diosninchej chaypi kamachinanpaj. Chay wasita ruwachinaypaj tukuy imata wakichikorqaniña.

2 Crónicas 2:5

5 (4) Templo ruwasqayqa jatunmin kanqa, imaraykuchus Diosniykoqa tukuy dioskunamanta aswan atiyniyojmin.

2 Crónicas 6:18

Jinapis, cheqatachu qanqa kay pachapi runakunawan tiyawaj? Sichus janaj pacha may jina jatun kayninwan mana wakiyta atisunkichu chayqa, imaynatataj kay ruwachipususqay Templo wakisunkimanri?

Salmos 11:4

Tata Diosqa paypaj t'aqakusqan Templopi kashan, kamachinan tiyanataj janaj pachapi kashan. Chaymantapacha qhawaspa, payqa runakunaj purisqankuta watun.

Salmos 132:7

Jaku rina, maypichus Tata Dios tiyakun, chayman, ñawpaqenpitaj qonqorikunachej.

Salmos 99:9

Tata Diosninchejta jatunchaychej, jinataj ajllakusqan orqoj ñawpaqenpi k'umuykukuychej. Tata Diosninchejqa may llimphumin.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Isaías 60:13

Tata Diosqa Jerusalenta ajinata nillantaj: Líbanoj qhapaj kayninta qanman apamonqanku, ciprés sach'akunata, pino sach'akunata ima. Ajllakusqay cheqaqa chaykunawan k'achanchasqa kanqa, maypichus noqa tiyakuni, chayta aswan sumajman tukuchinaypaj.

Jeremías 23:24

Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

San Mateo 12:6

Noqatajrí niykichej: Pichus kaypi kajqa aswan kurajmin Templomanta nisqaqa.

San Mateo 24:2

Jesustajrí paykunata nerqa: Kay tukuyta rikunkichejchu? Kayta sut'ita niykichej: Kaypeqa mana uj rumillapis rumi patapi qhepakonqachu, manachayqa tukuynin thuñisqa kanqa, nispa.

Hechos 17:24

Paymin kay pachata, tukuy imatawan ruwaj Diosqa, janaj pachajta, kay pachajtapis Tukuyta Kamachejnintaj. Manataj payqa runaj ruwasqan templopichu tiyakun.