Isaías 64:3 - DIOSPA QHELQACHISQ

³ Maypachachus qan urayk'amuspa, mana jayk'aj rikusqayku t'ukunata rikuchiwarqayku chaypacha, tukuy orqokuna ñawpaqeykipi manchayta kharkatiterqanku.

Qheshwa Biblia DC

³ Maypachachus qanqa ajinata ruwaspa mana jayk'aj rikusqaykuta rikuchiwayku, kayman uraykamuspa chaypacha, tukuy orqos ñaupaqeykipi manchayta kharkatitinku.

DIOSPA QHELQACHISQAN DEUTEROCANONICAL

³ Maypachachus qan urayk'amuspa, mana jayk'aj rikusqayku t'ukunata rikuchiwarqayku chaypacha, tukuy orqokuna ñawpaqeykipi manchayta kharkatiterqanku.

Isaías 64:3 ပူးပေါင်းရင်းမြစ်များ

2 Samuel 7:23

Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

Salmos 106:22

Diosqa Campa suyunpi t'ukuna imakunatachus ruwasqanmanta qonqaporqanku, jinallataj Puka Mama Qochapi t'ukunata ruwaspa israelitakunata chimpachisqanmanta.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Salmos 66:5

Diospa ruwasqanta rikunaykichejpaj jamuychej, runakunapaj chay jina sumaj ruwasqanta.

Salmos 68:8

8 (9) jallp'a kharkatiterqa, janajmantataj paramorqa. Israelpa Diosnin, Sinaí orqopis ñawpaqeykipi kharkatitillarqataj.

Salmos 76:12

12 (13) imaraykuchus payqa kurajkunata k'umuykuchin, kay pachapi kuraj kamachejkunatataj manchachin.

Éxodo 34:10

Chantá Tata Dios kuticherqa: Noqa tukuy israelitakunaj rikunankuta uj tratota qanwan ruwasaj. Rikushajtiykichej, t'ukunata ruwasaj, chay jinaqa kay pachamanta ni uj suyupi, nitaj jayk'ajpis karqachu. Maypichus kashankichej chaypi, tukuy runakuna Tata Diospa ruwasqanta rikonqanku. Qankunawan imatachus ruwasqayqa manchay t'ukuna kanqa.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Isaías 64:1

Tata Dios, sichus janajta llik'ispa, urayk'amuwaj chayqa, qanpa ñawpaqeykipi tukuy orqokuna kharkatinkuman.

Habacuc 3:3

Diosqa Temán chaynejmanta jamun. Parán orqomanta May Llimphu Kaj Dios jamushan. Jatun kayninpa lliphipiynenqa kay pachaman junt'aykun, kay pachapis payta jatunchaywan junt'a kashan.

Habacuc 3:6

Pay sayarejtin, kay pacha kharkatitin. Qhawashajtillan, suyukuna chujchurinku. Ñawpa orqokuna urmaranku, unayniyoj lomakunapis pampachakunku. Diospa ñanninkunarí wiñay wiñaypaj.

Deuteronomio 10:21

Payllamin yupaychanaykichejpaj jina, payllamin Diosniykichejqa, pichus rikushajtiykichej qankunarayku t'ukuna imakunata ruwarqa, chay.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.