Isaías 61:6 - DIOSPA QHELQACHISQ

⁶ Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

Qheshwa Biblia DC

⁶ Qankunaqa Señorpa sacerdotesnin nisqa kankichej, Diospa kamachisnin nisqataj. Qankunaqa karu llajtasniyojpa kapuyninta mikhunkichej, qhapaj kapuyninkuwantaj kusikunkichej.

DIOSPA QHELQACHISQAN DEUTEROCANONICAL

⁶ Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

Isaías 61:6 ပူးပေါင်းရင်းမြစ်များ

Éxodo 19:6

Qankuna sacerdoteykuna kankichej, munasqaytapuni ruwanapaj t'aqasqa runakuna. Ajinata nispa, israelitakunaman willamuy, nispa.

Isaías 23:18

Qhatusqanwan ganasqanrí Tata Diospaj t'aqasqa kanqa. Chayqa mana waqaychasqachu nitaj jallch'asqachu kanqa, manachayqa Tata Diospaj ruwanayoj kajkunapaj kanqa, sacerdotekuna sajsakunankukama mikhunankupaj, sumajtataj p'achallikunankupaj ima.

Isaías 54:3

Ajinata ruway, imaraykuchus lloq'emantaj pañamantaj jatunyanki. Mirayniykeqa waj suyukunaj jallp'ankuta jap'enqanku, saqerasqa ch'in llajtakunapitaj tiyakonqanku.

Isaías 56:6

Tata Dios paymanta jap'ikoj waj llajtayojkunatapis saminchallanqataj, pikunachus munayninta ruwanku, Tata Diospa sutinta munakuspataj, payta yupaychanku, chaykunata. Paykunaqa samarina p'unchayta waqaychanku, Diospa trato ruwasqantataj mana p'akinkuchu.

Isaías 66:12

Tata Dios kay jinata nin: Noqa Jerusalén llajtaman allinpi kawsanata qosaj uj yaku mayuta jina, tukuy suyoj qhapaj kayninkutawan jaywasaj, mayu yakupis llump'irishanman jinata. Chay llajtapitaj qankunaqa ñuñoj wawakuna jina kusikunkichej, marq'arikusonqachej, arphin patapitaj chukurichisonqachej.

Isaías 66:21

Chantá paykunamanta wakinta ajllakusaj sacerdotekuna, levitakuna kanankupaj. Ajinata noqa Tata Diosqa nini.

Jeremías 33:18

Jinallataj levitakuna, sacerdotekuna ima kallanqapuni, sapa p'unchay uywa ñak'asqa q'olachinata jaywanankupaj, ch'aki mikhuy jaywanata, waj jaywanata ima jaywanankupaj, nispa.

Ezequiel 14:11

Ajinamanta Israel aylloqa manaña jayk'ajpis noqamanta t'aqakonqankuchu, nitaj millay imata ruwaspa ch'ichichakonqankuñachu. Paykuna aylluy kanqanku, noqataj paykunaj Diosninku kasaj, nispa nin Tukuyta Kamachej Tata Dios.

Romanos 12:1

Ajinaqa wawqe panakuna, Dios khuyakuyninpi qankunata qhespichinanpaj imatachus ruwasqanrayku kayta ruwanaykichejta mañakuykichej: Qankuna ukhuykichejta Diosman jaywaychej mana Diosman jaywasqa uywa jina wañunaykichejpajchu, manachayqa Diospa sonqonta kusichinapaj jina llimphuta kawsanaykichejpaj. Ajinata ruwaspamin Diosta tukuy sonqo yupaychankichej.

1 Corintios 3:5

Chaywanpis, pitaj Pablori? Pitaj Apolosri? Noqayku Diospa kamachinkunalla kayku, qankunataj noqaykunejta Jesucristopi atinikorqankichej. Chantá sapa ujniyku imatachus Tukuyta Kamachej Jesucristo kamachiwasqaykuman jina ruwarqayku.

1 Corintios 4:1

Qankunaqa Cristoj kamachinkunata jinalla qhawanawayku tiyan, imaraykuchus noqayku Diospa wakichisqanmanta chay pakasqa yachayta yachachinaykupaj kamachisqa kayku.

2 Corintios 11:23

Cristoj wata runanchu kanku? Noqaqa aswanraj. Ajinata nispaqa, manapis yuyayniypichu kashayman jina parlashani. Chaywanpis paykunaj ruwasqankumanta nisqaqa ruwasqayqa aswan ashkha. Noqaqa aswan ashkha kutita carcelpi wisq'asqa karqani, jinallataj mana yupay atina seq'osqa. Chantapis, aswan ashkha kutita wañuy patapi rikhurerqani.

2 Corintios 6:4

Aswanpis tukuy ima ruwasqaykupi rikuchiyta munayku Diospa sumaj kamachinkuna kasqaykuta. Ima ñak'ariypis qhatiriwajtiyku, noqayku sonqoykuta tiyaykuchispa ñak'ariyku pisichikuypi, llakiykunapi ima.

Deuteronomio 18:2

Paykunaqa mana llajta masinku jinachu jallp'ata jap'enqanku, imaraykuchus paykunajta Tata Diosmin chayaqenku kanqa, imaynatachus nisqanman jina.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

Apocalipsis 20:6

Kusisqamin, Diospaj t'aqasqataj kanku pikunachus ñawpaj kaj kawsarimuypi kawsarimpojkunaqa. Qhepa kaj wañoyqa manaña paykunata imanayta atinchu. Aswanpis, paykuna Diospata, chantá Cristojtawan ima sacerdotenkuna kanqanku, paywantaj waranqa watata kamachenqanku.

Apocalipsis 5:10

Jinallataj paykunata ruwarqanki Diosninchejpaj kuraj kamachejkuna, chantá sacerdotekuna ima kanankuta, paykunataj kay pachapi kamachenqanku, nispa.