Isaías 61:3 - DIOSPA QHELQACHISQ

³ Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Qheshwa Biblia DC

³ Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

DIOSPA QHELQACHISQAN DEUTEROCANONICAL

³ Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Isaías 61:3 ပူးပေါင်းရင်းမြစ်များ

Ester (hebreo) 8:15

Mardoqueoqa kuraj kamachejpa ñawpaqenmanta llojserqa kuraj kamachejpa churakunan anqawan yurajwan p'achayoj, umanpi jatun qori pillu churaykusqa, linomanta ruwasqa uj jatun puka mantawan llijllaykusqataj. Payta ajinata rikuspataj, Susa llajtapi tukuy tiyakojkunaqa maytapuni kusikorqanku.

Ester (hebreo) 9:22

Chaytaqa ruwananku karqa chay p'unchaypi paykunapaj kusikuy kasqanmanta, chantá awqankunamanta kacharichisqa kasqankumanta, chay jina llakiypi kashajtinku, kusiy p'unchaypi rikhurisqankumanta. Chay p'unchaytaqa raymita ruwaspa, yuyarikunanku karqa, ujkuna ujkunawan jaywarinakuspa, jinallataj wajchakunamanpis jaywarispa.

Salmos 104:15

Vinota runaj sonqonta kusichinanpaj qonki, aceitetapis uyanta lliphipirichinanpaj, mikhunatataj kawsananpaj.

Salmos 149:4

Tata Diosqa ayllunwan sonqo junt'asqa kashan, llamp'u sonqoyojkunatataj atipachispa pilluykuchin.

Salmos 23:5

Qanqa awqaykunaj rikunankuta jatun mikhuyta wakichipuwanki. Aceitewan umayta jawiwanki, saminchawaspataj atipachiwanki.

Salmos 30:11

11 (12) Qan llakiyniyta kusiyman tukuchinki. Qhashqa p'achata orqhowaspa, raymiman rina p'achawan p'achallichiwanki.

Salmos 30:12

12 (13) Chayrayku, Tata Dios, Diosníy, mana ch'in kayta atiymanchu. Pachis pachis, nispa wiñaypaj yupaychasqayki.

Salmos 45:7

7 (8) Qanqa cheqan kajta munakunki, millayta ruwanatataj chejnikunki. Chayrayku Diosniyki qanta ajllakusunki, jinaspataj, kawsaqeykikunamanta astawanraj kusiywan junt'achisunki.

Eclesiastés 9:8

Tukuy tiempopi sumaj p'achawan p'achallikuy, sumajta q'apaj jawinawantaj jawikuy.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 26:2

Kunantaj chay llajtaj punkunkunata kichariychej, chayninta cheqan runakuna yaykunankupaj, pikunachus Diosta mana wasanchankuchu, chaykuna.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 46:13

Noqaqa justiciayta qayllachimusaj, manataj karupichu kashan. Qhespichinaypis usqhayta chayamullanqataj. Noqaqa Sionta qhespichisaj, Israelpitaj jatun kayniypa lliphipiynin rikukonqa, nispa.

Isaías 52:1

Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Jeremías 31:13

Chaypacha sipaskunaqa kusiymanta tusurenqanku, jinallataj waynakuna, machu runakunapis. Chantá noqaqa waqayninkuta kusiyman tukuchisaj. Llakikuyninkumantataj sonqochaspa, paykunata kusichisaj.

Ezequiel 34:29

Jinallataj paykunaman sumajta poqoj jallp'ata qosaj, manataj ujtawan yarqhaywan llajtankupi ñak'arenqankuchu, nitaj waj llajtayojkunapis paykunata asipayanqankuchu.

Ezequiel 47:7

Kutishaspataj, noqa mayoj puraj kantunpi ashkha sach'ata rikorqani.

Zacarías 3:5

Chantá ángel nillarqataj: Umanman sacerdotepaj llimphu ch'ulutapis churallaychejtaj, nispa. Ajinaqa Josuéj umanman mosoj ch'uluta churaykorqanku, mosoj p'achawantaj payta p'achalliykucherqanku. Chaykamataj Tata Diospa angelnin chaypi sayashallarqapuni.

San Mateo 15:13

Jesustaj kuticherqa: Ima yurallapis janaj pacha Tataypa mana mallkisqanqa saphinmantapacha t'irasqa kanqa.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

San Lucas 15:22

Tatanrí uywaqenkunata kamachisqa: Usqhayllata aswan sumaj p'achata orqhomuspa, kay wawayta p'achallichiychej. Anillotapis makinman churaychej, mosoj juk'utatapis chakinman.

San Juan 15:8

Maypachachus qankuna uva yura jina ashkha poqoyniyoj kankichej chaypacha, cheqapuni yachachisqay kasqaykichejta yachayta qoshankichej, chaynejtataj Tatay jatunchasqa kanqa.

San Juan 16:20

Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.

1 Corintios 3:9

Noqaykutajrí Diospa yanapajninkunalla kayku, qankunataj Diospa chajran jina kankichej, chayrí Diospa sayarichisqan wasi jina.

1 Corintios 6:20

Dios ashkha preciota pagaspa, qankunata rantikusorqachej. Chayrayku qankuna ukhuykichejwan Diospa munasqanta ruwaspa, payta jatunchaychej.

Filipenses 1:11

Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.

2 Tesalonicenses 1:10

Maypachachus Jesús kutimonqa chaypacha, ajllakusqankuna payta jatunchanqanku, paypi atinikojkunapis t'ukuspa yupaychanqanku. Qankunapis paykunawan khuska kallankichejtaj, imaraykuchus paymanta willasqaykuta jap'ikorqankichej.

Hebreos 1:9

Qanqa cheqan kajta munakunki, mana allin kajtataj chejnikunki. Chayrayku qanpa Diosniykeqa jawispa ajllakusorqa, kusiywantaj junt'aykuchisorqa, kawsaqeykikunamanta aswan pataman churasuspa, nispa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

1 Pedro 4:14

Sichus pipis Cristopi atinikusqaykichejrayku qankunata turiyasunkichejman chayqa, kusikuychej, imaraykuchus Diospa jatun atiyniyoj Espíritun qankunawanpuni kashan.