Isaías 61:2 - DIOSPA QHELQACHISQ

² Jinallataj Tata Diospa k'acha yanapaynin wata chayamusqantaña willanaypaj kachamuwan. Chay p'unchaypi Tata Dios awqanchejkunamanta vengakonqa, tukuy llakisqakunatataj sonqochanqa.

Qheshwa Biblia DC

² Señorpa allin watanta willanaypaj, Señor Diosninchej enemigosninman aynita kutichinanta, tukuy llakisqasta sonqochanaypajtaj.

DIOSPA QHELQACHISQAN DEUTEROCANONICAL

² Jinallataj Tata Diospa k'acha yanapaynin wata chayamusqantaña willanaypaj kachamuwan. Chay p'unchaypi Tata Dios awqanchejkunamanta vengakonqa, tukuy llakisqakunatataj sonqochanqa.

Isaías 61:2 ပူးပေါင်းရင်းမြစ်များ

Isaías 1:24

Chayrayku, noqa Israelpa Tukuy Atiyniyoj Tata Diosnin kayta nini: Noqata chejnikuwajkunamanta cuentata mañasaj, awqaykunamantaj aynita kutichipusajpuni.

Isaías 13:6

Qhaparispa waqaychej, imaraykuchus Tata Diospa p'unchaynenqa qayllapiña kashan. Chay p'unchay chayamojtin, Tukuy Atiyniyoj Tata Dios tukuyta phirenqa.

Isaías 2:12

Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 25:8

Tukuyta Kamachej Tata Diosqa wañuyta wiñaypaj chinkachenqa, tukuypa waqaynintataj pichanqa. Ayllunpa mana allinpaj qhawasqa kayninkutapis tukuy kay pachamanta chinkachillanqataj. Ajinata Tata Diosqa nin.

Isaías 34:2

Tata Dios manchay phiñasqa kashan tukuy suyupaj, jinataj tukuy soldadonkupaj ima. Chaykunata chinkarparichenqa, wañurachisqa kanankupajtaj paykunata jaywaykonqa.

Isaías 34:8

Cheqapuni Tata Diospa vengakunan p'unchay chayamun. Chay watapitaj Tata Diosqa Edomwan pagachikonqa Sionta ñak'arichisqanmanta.

Isaías 35:4

Manchachikojkunamantaj niychej: Kallpachakuychej, amataj manchachikuychejchu. Qhawariychej, Diosniykichej jamushan awqanchejkunata ñak'arichispa, ruwasqankuman jina pagachikunanpaj, kacharichinawanchejpajtaj, nispa.

Isaías 40:1

Qankunaj Diosniykichej nin: Sonqochaykuychej, Israel aylluyta sonqochaykuychej.

Isaías 49:8

Tata Dios nillantaj: Khuyakunay p'unchay chayamojtin, uyarerqayki, qhespichina p'unchaypitaj yanaparqayki. Noqa waqaychasqayki, qannejtataj uj tratota tukuy runawan ruwasaj. Chay suyuta watej mosojyachisaj, saqerpayasqa jallp'akunatataj watej rak'irasaj.

Isaías 51:12

Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

Isaías 57:18

Imaynatachus kawsasqanta rikuni. Chaywanpis noqa payta qhaliyachisaj, pusaykachaspataj sonqochasaj, kusichisaj ima.

Isaías 58:5

Qankunaqa runaj rikunallanta k'umuykunkichej. T'utura qhora jina k'umuykuspa, qhashqa p'achata churakunkichej, ushpha patapitaj winkunkichej. Chaytachu qankuna ayuno kasqanta ninkichej? Noqa Tata Diospaj allin kasqantachu yuyankichej?

Isaías 60:10

Waj llajtayojkuna perqaykita ruwapusonqanku, kuraj kamachejninkupis munasqaykita ruwanqanku. Noqa phiñakuspa ñak'aricherqayki chaypis, kunanqa khuyakoj kasqayrayku qanmanta khuyakusqayki.

Isaías 66:14

Chayta rikuspa, mayta kusikunkichej. Ukhuykichejpi sumajta kallpachasqa kankichej, qhallallarishaj qhora jina. Tata Diospa kamachinkunaqa atiyninta sumajta rejsenqanku, awqankunamantajrí phiñakuyninta rikuchenqa.

Jeremías 31:13

Chaypacha sipaskunaqa kusiymanta tusurenqanku, jinallataj waynakuna, machu runakunapis. Chantá noqaqa waqayninkuta kusiyman tukuchisaj. Llakikuyninkumantataj sonqochaspa, paykunata kusichisaj.

Jeremías 46:10

Chaymin Tukuy Atiyniyoj Tata Diospa p'unchaynin kanqa, chay p'unchaypitaj tukuy awqankunawan pagachikonqa. Espadaqa manaña atinankama t'ojsenqa, paykunaj yawarninkupitaj wayt'anqa. Tukuy Atiyniyoj Tata Dios wichaynej suyupi, Éufrates mayu qayllapi, soldadokunata wañurachenqa.

Miqueas 3:8

Noqatatajrí, Tata Diospa Espíritun atiywan junt'achiwan, justiciawan, kallpawantaj, Israelta uyanpi nipunaypaj mana kasukoj, juchayojtaj kasqanta.

San Mateo 5:4

Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

San Lucas 4:19

Jinallataj Tukuyta Kamachej Dios runamanta khuyarikunan wata chayamusqantaña willanaypaj kachamuwan, nispa.

San Lucas 6:21

Kusikuyniyojmin kankichej kunan yarqhachikojkunaqa, imaraykuchus sajsachisqa kankichej. Kusikuyniyojmin kankichej kunan waqajkunaqa, imaraykuchus qankunaqa qhepaman kusirikunkichej.

2 Corintios 6:2

Diospa Qhelqachisqanpi pay nin: Khuyakunay p'unchay chayamojtin, uyarerqayki, qhespichina p'unchaypitaj yanaparqayki, nispa. Kunanmin khuyakuyta tarina p'unchay, kunanmin qhespichisqa kana p'unchayqa.

1 Tesalonicenses 2:16

Ajinata paykuna jark'awayku Jesucristomanta sumaj willayta ama mana judiokunaman willanaykupaj, chaynejta paykunapis qhespichisqa kanankupaj. Ajinata ruwaspa, judiokunaqa juchallisqankuman astawan juchata yapakushallankupuni. Chayrayku Diospa k'araj phiñakuynin patankupiña kashan.