Isaías 6:8 - DIOSPA QHELQACHISQ

⁸ Chaymantataj Tukuyta Kamachej Diosta tapojta uyarerqani: Noqamanta sut'inchananpaj pitataj kachasajri? Pitaj nisqanchejmanta willaj rinmanri? nispa. Chantá noqa nerqani: Noqa kaypi kashani, noqata kachaway ari, nispa.

Qheshwa Biblia DC

⁸ Chaymantataj Señorta nishajta uyarerqani: Pitataj kachasajri? Pitaj palabrasniykuta willamonqari?, nispa. Chantá noqataj nerqani: Kaypi kani Señor, noqata kachaway ari, nispa.

DIOSPA QHELQACHISQAN DEUTEROCANONICAL

⁸ Chaymantataj Tukuyta Kamachej Diosta tapojta uyarerqani: Noqamanta sut'inchananpaj pitataj kachasajri? Pitaj nisqanchejmanta willaj rinmanri? nispa. Chantá noqa nerqani: Noqa kaypi kashani, noqata kachaway ari, nispa.

Isaías 6:8 ပူးပေါင်းရင်းမြစ်များ

Génesis 1:26

Chaymantataj Dios nerqa: Runata ruwanachej noqanchej jina kananpaj, noqanchejman rijch'akojta. Chantá pay kamachichun tukuy challwata, p'isqokunata, tukuy animalta, qhatatakuspa purejkunata ima, nispa.

Génesis 11:7

Chayrayku urayk'uspa, parlayninkuta pejturparimunachej ama entiendenakunankupaj, nispa.

Génesis 22:1

Chaymanta qhepanejman Diosqa, Abraham kasukonqachus manachus chayta yachariyta munaspa, payta wajyarqa: Abraham, nispa. Paytaj kuticherqa: Kaypi kashani, nispa.

Génesis 22:11

Tata Diospa angelnin janaj pachamanta nimorqa: Abraham, Abraham, nispa. Paytaj kuticherqa: Kaypi kashani, imata ninki? nispa.

Génesis 3:22

Chantá Tata Dios nerqa: Runaqa allin kajta mana allin kajta yachaspa, noqanchej jinaman tukun. Sichus kawsachej sach'aj poqoyninmanta mikhullanmantaj chayqa, wiñaypaj kawsayta atinman, nispa.

2 Samuel 1:7

Chantá wasaman qhawarikamuspa, wajyamuwarqa, noqataj chimpaspa, taporqani: Imata ninki? nispa.

1 Reyes 22:20

Tata Diostaj nerqa: Pitaj Ajabta ch'awkiyaspa pusanman, Galaadpi Ramot llajtaman rispa, maqanakupi wañuchisqa kananpaj? nispa. Angelkunamantataj ujnin uj jinata nerqa, ujkunataj waj jinata nerqanku.

Isaías 65:1

Tata Dios nin: Noqamanta mana tapukojkunaman rejsichikorqani, mana mask'awajkunawantaj tarichikorqani. Sutiyta mana oqharikojkunaman noqa nerqani: Kaypi kashani, nispa.

Ezequiel 1:24

Purejtinku, lijrankoqa sinch'ita sonarqa. Chay sonaytaj karqa mayupi manchay ashkha yaku jina, chayrí Tukuy Atiyniyoj Diospa qhaparisqan jina, manachayrí ashkha soldadoj ch'ajwasqanku jina. Sayajtinkutaj, lijrankupis urayk'ullarqankutaj.

Ezequiel 10:5

Querubinkunaj lijrankoj laphaqeyasqantaj jawa patiokama uyarikorqa, Tukuy Atiyniyoj Diospis parlashanman jina.

Ezequiel 9:1

Chaymanta Tata Dios sinch'ita qhaparispa, kay jinata niwarqa: Ñak'arichejkuna chayamunkuña llajtata jasut'inankupaj, sapa uj thuñinapaj armanku oqharisqa, nispa.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Hechos 22:21

Jesustajrí kutichiwarqa: Puririllayña, imaraykuchus noqa karuman kachasqayki, mana judío kajkunaman noqamanta willaranaykipaj, nispa.

Hechos 26:19

Chayrayku kuraj kamachejníy, imatachus Jesús janaj pachamanta rikuchiwarqa, chay kamachiwasqanta kasunipuni.

Hechos 9:4

Paytaj pampaman choqakorqa, parlamojtataj uyarerqa: Saulo, Saulo, imaraykutaj qhatiykachashawankiri? nispa.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

1 Samuel 3:4

Chantá Tata Diosqa payta wajyarqa: Samuel, nispa. Samueltaj kuticherqa: Kaypi kashani, nispa.