Isaías 6:7 - DIOSPA QHELQACHISQ

⁷ Chantá nina k'ajawan simiyman chayaykuchiwaspa, niwarqa: Kay nina simiykiman chayasqanrayku kunanqa juchayki pichasqaña, juchaykimantataj llimphuchasqa kanki, nispa.

Qheshwa Biblia DC

⁷ Chaywan simiyman churawaspataj niwarqa: Qhaway, kay ninaqa simiykiman chayan. Kunanqa juchaykeqa qhechusqa, juchaykimanta llimphuchasqataj kanki.

DIOSPA QHELQACHISQAN DEUTEROCANONICAL

⁷ Chantá nina k'ajawan simiyman chayaykuchiwaspa, niwarqa: Kay nina simiykiman chayasqanrayku kunanqa juchayki pichasqaña, juchaykimantataj llimphuchasqa kanki, nispa.

Isaías 6:7 ပူးပေါင်းရင်းမြစ်များ

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 43:25

Chaywanpis Diosniyki kasqayrayku, chay millay juchaykita llimphuchasaj. Juchaykikunatataj qonqayman churasaj.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Isaías 53:5

Chaywanpis pay k'irisqa kanqa noqanchej Tata Diosta mana kasusqanchejmanta, juchanchejraykutaj tukuy ukhun t'unasqa kanqa. Jinapis pay jasut'isqa kasqanrayku sonqo tiyaykuyta apamuwasunchej, ukhun chay jina khallasqa kasqanraykutaj qhaliyachisqa kasunchej.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Isaías 57:19

Noqataj paykunata nisaj: Karupi kajkunapaj jinallataj qayllapi kajkunapaj allin kawsay kachun. Ajinata noqamin aylluyta qhaliyachisaj, nispa.

Jeremías 1:9

Chaypacha Tata Dios makinwan simiyta llankhaykuwaspa, niwarqa:

Daniel (hebreo) 10:16

Chantá runaman rijch'akojqa simiyta llankhariwarqa. Chantá, ñawpaqeypi kasharqa, chayman nerqani: Wiraqochíy, mosqoypi jina rikusqayqa mayta llakichiwan, mana kallpayojmantaj tukuchiwan.

Sofonías 3:9

Chay p'unchay chayamojtin, noqa tukuy runakunaj parlayninkuta mosojyachisaj, tukuyninku sutiyta oqharispa yupaychanawankupaj, uj sonqolla munayniyta ruwanankupaj ima.

Zacarías 3:4

Chayrayku chay ángel yanapajninkunata kamacherqa: Josuéj ch'ichi p'achanta lluch'uychej, nispa. Chantá Josueman kutirispa, chay ángel nerqa: Qhawariy, chay niyta munan juchayki pampachasqaña kasqanta. Kunantaj kamachisaj llimphu mosoj p'achawanñataj p'achallichisunankuta, nispa.

Números 16:46

46 (17.11) Chantá Moisés Aaronta nerqa: Incienso q'oshñichinaykita apamuspa, altarmanta ninata churay, patanmantaj inciensota jich'aykuy. Chantá runakuna kashanku, chayman usqhayta rispa, Tata Dios juchallisqankuta pampachananta mañampuy. Tata Dios sinch'ita phiñakusqanrayku millay onqoy runata wañuchiyta qallarinña, nispa.

San Mateo 9:2

Chaymantaj uj suchu runata apamorqanku, phullupi wantumuspa. Jesustaj paypi atinikusqankuta rikuspa, onqosqata nerqa: Sonqochakuy, wawáy. Juchaykeqa pampachasqaña, nispa.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.