Isaías 6:5 - DIOSPA QHELQACHISQ

⁵ Chantá nerqani: Ay, imanasajtaj? Kunanqa wañusajchari, imaraykuchus mana allin parlaj runa kaspapis, jinataj mana allin parlayniyoj runakunaj chawpinkupi tiyakushaspa, ñawiywan Tukuy Atiyniyoj Tata Diosta rikuni, nispa.

Qheshwa Biblia DC

⁵ Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.

DIOSPA QHELQACHISQAN DEUTEROCANONICAL

⁵ Chantá nerqani: Ay, imanasajtaj? Kunanqa wañusajchari, imaraykuchus mana allin parlaj runa kaspapis, jinataj mana allin parlayniyoj runakunaj chawpinkupi tiyakushaspa, ñawiywan Tukuy Atiyniyoj Tata Diosta rikuni, nispa.

Isaías 6:5 ပူးပေါင်းရင်းမြစ်များ

Génesis 32:31

31 (32) Inti llojsimushajtin, Jacobqa Penielmanta llojserqa, chakan nanasqa kasqanraykutaj, k'inkiykachaspa purerqa.

Salmos 24:10

Pitaj chay jina atiyniyoj Kuraj Kamachejri? Payqa Tukuy Atiyniyoj Tata Diosmin. Paymin jatun kayninpa lliphipirishaj Kuraj Kamachejqa.

Éxodo 24:10

Chaypitaj Israelpa Diosninta rikorqanku. Chakin urapitaj safiromantapis pampan ruwasqa kanman jina lliphipirishajta, janajta jina pichasqata rikorqanku.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 33:20

Uyaytarí manapuni rikuwankichu, imaraykuchus pipis rikuwajqa manapuni kawsanqachu, nispa.

Éxodo 4:10

Moisestajrí kuticherqa: Ay, Dios Tatáy, noqaqa mana sumajta parlayta yachanichu, mana qan parlawasqaykillamantachu, ni qaynallamantachu, nitaj kunallanmantachu. Noqaqa unaypuni jina karqani. Parlashajtiytaj, qalloyqa watakullawan, nispa.

Éxodo 6:12

Moisestajrí kuticherqa: Ni israelitakunapis uyarishawankuchu. Imaynatataj faraón uyariwanqari? Noqaqa mana sumajta parlayta atinichu, nispa.

Éxodo 6:30

Moisestajrí kuticherqa: Noqaqa mana sumajta parlayta atinichu. Imatataj noqata faraón uyariwanqari? nispa.

Isaías 24:16

Kay pachaj k'uchunmantapacha takejkunata uyariyku: Cheqan Kaj jatunchasqa kachun, nispa nejta. Noqatajrí nerqani: May llakisqa kashani, sonqoypis llakiywan phatashanña, imaraykuchus tukuy kay pacha wasanchaj runakunawan junt'a kashan.

Isaías 29:13

Tukuyta Kamachej Diostaj nin: Kay runakunaqa simillankuwan jatunchawanku, simillamanta yupaychawanku, sonqonkutajrí noqamanta karupi kashan. Noqata yupaychawasqankoqa runaj wakichisqallan, mayqentachus runakunalla yachachinku, chay.

Isaías 33:17

Uj kuraj kamachejta atiyninpi sumaj lliphipishajta rikunki, suyuntapis may karukama chayashajta.

Isaías 59:3

Qankunaj makiykichejqa yawarlla, ruk'anaykichejpis millayta ruwanawan ch'ichichasqa kashan. Simiykichejqa llullata parlan, qalluykichejtaj millay kajllata rimarin.

Isaías 64:6

Tukuyniyku mana llimphupaj qhawasqa runa jina kayku, tukuy ima allin ruwasqaykupis millay ch'ichi thanta jina. Noqaykoqa sach'a laqhe jina qawiyku, millay ruwasqaykutaj wayra jina apaykachawayku.

Jeremías 1:6

Noqatajrí kuticherqani: Ay, Tukuyta Kamachej Tata Dios, noqaqa ancha waynallaraj kani. Runaj ñawpaqenpi parlaspapis, manaraj sumajta parlayta atinirajchu, nispa.

Jeremías 51:57

Tukuy Atiyniyoj Tata Dios sutiyoj Tukuyta Kamachej nin: Babiloniamanta kurajkunata machaykuchisaj. Jinallataj yachayniyoj runakunata, kamachina wasipi kamachejkunata, kuraj kamachejta yanapajkunata, chantá soldadonkunata ima machaykuchillasajtaj. Paykunaqa wiñaypaj puñukaponqanku mana rijch'arimuyniyojta.

Ezequiel 12:2

Runaj churin, mana kasukoj runakuna chawpipi tiyakushanki. Paykunaqa ñawiyoj kaspapis, mana rikunkuchu. Ninriyoj kaspapis, mana uyarinkuchu, imaraykuchus contrayta oqharikoj runakuna kanku.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

Daniel (hebreo) 9:20

Noqaqa juchayta jinallataj israelita llajta masiykunaj juchankutapis rimarispa, Diosmanta mañakushallarqanipuni. Ajinamanta Tata Diosniypa ñawpaqenpi mañapusharqani paypa t'aqakusqan Jerusalén llajtanrayku.

Habacuc 3:16

Kay tukuy imata uyarispa, manchachikorqani. Simiypis kharkatiterqa. Chakiy mana sayayta aterqachu, tukuy ukhuypis llawch'iyaporqa. Chaywanpis pacienciawan suyasaj, maypachachus Dios ñak'arichiwajninchej soldadokunata ñak'arichillanqataj, chay p'unchayta.

Números 17:12

12 (27) Chaymantataj israelitakuna Moisesta nerqanku: Noqaykupajqa manaña imapis suyanaykupaj jina kanñachu, tukuyniyku wañusqayku.

Jueces 13:22

Chantá Manoaqa warminta nerqa: Cheqamanta kunanqa Diosta rikusqanchejrayku wañupusunchá, nispa.

Jueces 6:22

Gedeonqa Tata Diospa angelninpuni kasqanta reparaytawankama, nerqa: Ay, Tukuyta Kamachej Tata Dios, angelniykitapuni uyapura rikuni, nispa.