Isaías 6:4 - DIOSPA QHELQACHISQ

⁴ Chay jinata qhaparisqankuwan Temploj punkunkuna thalarikorqa, chay ukhumantaj q'oshñi junt'aykorqa.

Qheshwa Biblia DC

⁴ Chay jinata qhaparisqankuwan Diosta yupaychana wasej punkusnin kharkatiterqa, chay ukhumantaj q'osñi junt'aykorqa.

DIOSPA QHELQACHISQAN DEUTEROCANONICAL

⁴ Chay jinata qhaparisqankuwan Temploj punkunkuna thalarikorqa, chay ukhumantaj q'oshñi junt'aykorqa.

Isaías 6:4 ပူးပေါင်းရင်းမြစ်များ

2 Crónicas 5:13

Chantá cornetata waqachinankupaj tukuyninku churakorqanku, tukuyninkutaj Tata Diosta yupaychaspa uj runa jinalla, pachis nispa takisharqanku. Cornetata, platillota, waj tocanatapis tocarispa, takisharqanku: Tata Diosqa may k'achamin, munakuynintaj wiñaypajmin, nispa. Ajinata takishajtinkutaj, chay Tata Diospa Templonman phuyu ujllata junt'aykorqa.

Salmos 18:8

8 (9) Diospa senqanmantaqa q'oshñi llojsimusharqa, siminmantataj tukuy imata q'olaj nina jina. K'ajaj ninata jina siminmanta ajtumusharqa.

Éxodo 40:34

Chantá Dioswan Tinkukuna Toldota phuyu p'ampaykorqa, Tata Diospa jatun kayninpa lliphipiynintaj toldoman junt'aykorqa.

Ezequiel 1:24

Purejtinku, lijrankoqa sinch'ita sonarqa. Chay sonaytaj karqa mayupi manchay ashkha yaku jina, chayrí Tukuy Atiyniyoj Diospa qhaparisqan jina, manachayrí ashkha soldadoj ch'ajwasqanku jina. Sayajtinkutaj, lijrankupis urayk'ullarqankutaj.

Ezequiel 10:5

Querubinkunaj lijrankoj laphaqeyasqantaj jawa patiokama uyarikorqa, Tukuy Atiyniyoj Diospis parlashanman jina.

Ezequiel 41:16

Temploj ukhunpi cuartokuna, corredorpa punkunpis, chantá kinsa altoyoj cuartokunapis pampamantapacha ventanakama maderawan k'askachisqa karqanku.

Ezequiel 44:4

Chaymanta chay runaqa wichaynej punkuman pusawarqa, chaytaj Temploj chimpanpi karqa. Chaypi Tata Diospa jatun kayninpa lliphipiyninta Temploman junt'aykushajta rikorqani, noqataj pampakama k'umuykorqani.

Amós 9:1

Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Apocalipsis 15:8

Chaypacha temploman q'oshñi junt'aykorqa. Chay q'oshñeqa Diospa jatun kayninpa lliphipiyninmanta, jinataj jatun atiyninmanta llojsimorqa. Manataj pipis temploman yaykuyta aterqachu, chay qanchis angelkuna makinkupi wañuchej onqoykunata jap'isharqanku, chaykunata jich'ayta tukunankukama.