Isaías 6:2 - DIOSPA QHELQACHISQ

² Paypa patanpitaj serafinkuna phawasharqanku. Sapa ujninku sojta lijrayoj karqa: Iskay lijrankuwan uyankuta pakakorqanku, iskaywantaj chakinkuta, iskaywantaj phawasharqanku.

Qheshwa Biblia DC

² Paypa patampitaj Serafín nisqa ángeles kasharqanku, sapa ujnintaj sojta lijrasniyojkama karqanku, iskay lijrasninkuwanqa uyasninkuta pakakorqanku, iskaywantaj chakisninkuta, iskaywantaj phawarqanku.

DIOSPA QHELQACHISQAN DEUTEROCANONICAL

² Paypa patanpitaj serafinkuna phawasharqanku. Sapa ujninku sojta lijrayoj karqa: Iskay lijrankuwan uyankuta pakakorqanku, iskaywantaj chakinkuta, iskaywantaj phawasharqanku.

Isaías 6:2 ပူးပေါင်းရင်းမြစ်များ

Génesis 17:3

Chantá Abram pampakama k'umuykorqa. Diostaj payta nillarqataj:

1 Reyes 19:13

Eliasqa chayta uyarispa, ponchon jina qhatananwan uyanta pakaykukorqa. Chay chhanka jusk'umanta llojsimuspataj, punkupi sayarqa. Chaypitaj payman parlajta uyarerqa: Elías, imata kaypi ruwashankiri? nispa.

1 Reyes 22:19

Chantá Micaías nillarqataj: Chayta nisqaykirayku Tata Diospa nisqanta uyariy ari: Noqaqa Tata Diosta rikorqani kamachinan tiyanapi tiyasqata, paña ladonpi, lloq'e ladonpiwan angelkunata ima.

1 Reyes 6:24

Querubinpa sapa uj lijrantaj iskay metro cuarta kurajniyoj karqa. Ajinamanta lijranqa ujnin kaj puntanmanta ujnin kajpa puntankamaqa tawa metro khuskanniyoj karqa.

1 Reyes 6:27

Chaykunata Diosllapaj T'aqasqa Cheqa ukhuman churarqa. Lijrankunataj sapa ujninpata aysarparisqa karqanku. Ujninpata uj lado lijranqa perqaman chayarqa, chay ujninpa lijrantaj uj lado perqaman. Ajinamanta iskayninkoj lijrankunaqa khuskan wasipi tinkunakorqanku lijrapura.

1 Reyes 8:7

Chay querubinkunaj lijrankoqa chay arca patapi aysarparisqa kasharqanku. Ajinamanta lijrankunawan arcata, k'aspinkunatawan pakaykorqanku.

Nehemías 9:6

Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

Job 1:6

Ujpacha Diospa munasqanta junt'aj angelkuna Tata Diospa ñawpaqenman jamorqanku, chaypachallataj paykunawan khuska ch'ataykoj angelpis jamullarqataj.

Job 15:15

Diosqa angelninkunapipis mana atinikunchu, Diospa qhawayninpeqa janaj pachapis mana llimphuchu.

Job 4:18

Diosqa sirvejninkunapi mana atinikunchu, angelninkunajtapis pantasqankuta tarin.

Salmos 103:20

Angelkuna, Tata Diosta yupaychaychej, pikunachus atiyniyojkuna, kamachisqanta junt'ajkuna, chantá nisqanta usqhayllata kasojkuna ima kankichej.

Salmos 104:4

Wayrakunaqa chaskiykikuna kanku. Ninaj lawrasqantaj qanpa kamachiykikuna kanku.

Salmos 18:10

10 (11) Chantá lijrayoj uj querubinman lloq'aykuspa, wayraj lijranpi jina phawarqa.

Salmos 89:7

7 (8) Qanqa Diosmin kanki, manchachikunataj, janaj pachapi kawsajkuna ukhupi may jina atiyniyoj.

Éxodo 25:20

Querubinkunaqa Khuyakuyta Tarina nisqa kirpana patapi purajmanta qhawarinasqa kanqanku, lijrankuwan arcata ojllaykoj jina. Uyankupis kirpana qhawarisqa kanqa.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 37:9

Querubinkunaqa chimpanpura churasqa karqanku. Iskayninku Khuyakuyta Tarina nisqa kirpanata qhawashaj karqanku, lijrankuwantaj Khuyakuyta Tarina nisqa kirpanata qhatasharqanku.

Isaías 6:6

Chantá ujnin serafín ujllata noqaman phawamorqa, altarmanta tenazawan nina k'aja oqharisqa.

Ezequiel 1:11

Iskay lijrankoqa pataman oqharisqa karqanku, chaykunataj puntapura tinkunasqa karqanku, iskaywantaj ukhunkuta qhataykorqanku.

Ezequiel 1:24

Purejtinku, lijrankoqa sinch'ita sonarqa. Chay sonaytaj karqa mayupi manchay ashkha yaku jina, chayrí Tukuy Atiyniyoj Diospa qhaparisqan jina, manachayrí ashkha soldadoj ch'ajwasqanku jina. Sayajtinkutaj, lijrankupis urayk'ullarqankutaj.

Ezequiel 1:4

Chaypacha wichaynejmanta uj jatun muyoj wayra jamushajta rikorqani. Chantá uj jatun phuyumanta nina lawray jina llojserqa, muyuyninpitaj sinch'i k'anchay karqa. Chay nina chawpipitaj uj llosq'ochasqa broncepis kanman jina lliphipisharqa.

Ezequiel 1:6

Sapa ujninku tawa uyayoj, tawa lijrayojtaj karqanku.

Ezequiel 1:9

Lijrankutaj purajmanta tinkunasqa karqanku. Purispaqa, mana kutirejchu kanku, manachayqa cheqanta ñawpajllaman rej kanku.

Ezequiel 10:16

purirejtinku, ruedakunapis paykunawan khuska puririllarqataj. Querubinkuna pampamanta phawarejtinkutaj, ruedakunaqa paykunamanta mana kacharikojchu kanku.

Ezequiel 10:21

Sapa ujninku tawa uyayoj, tawa lijrayojtaj karqanku. Lijranku uramantataj runaj makin jina rikhurimusharqanku.

Daniel (hebreo) 7:10

ñawpaqenmantataj uj nina mayu llojsisqa. Waranqa waranqa angelkuna munayninta ruwanankupaj wakichisqa kashasqanku, ñawpaqenpi sayashajkunataj mana yupay atina kasqanku. Chantá chay Juezqa juzgayta qallarinanpaj tiyaykusqa, qhelqakunataj kicharisqa kasqa.

Daniel (hebreo) 9:21

Ajinata mañakushajtiy, ñawpajpiña mosqoypi jina rikusqay Gabriel phawaspa jamorqa, maypichus noqa kasharqani, chayman. Chay karqa ch'isiyaykuyta Diosman uywata ñak'aspa jaywana phanita jina.

Zacarías 3:4

Chayrayku chay ángel yanapajninkunata kamacherqa: Josuéj ch'ichi p'achanta lluch'uychej, nispa. Chantá Josueman kutirispa, chay ángel nerqa: Qhawariy, chay niyta munan juchayki pampachasqaña kasqanta. Kunantaj kamachisaj llimphu mosoj p'achawanñataj p'achallichisunankuta, nispa.

San Lucas 1:10

Pay inciensota q'oshñichinankamataj, ashkha runakuna jawapi Dioswan parlarikusharqanku.

Hebreos 1:7

Angelkunamanta parlaspataj, Diosqa nin: Payqa angelninkunata wayrata jina kachan, kamachinkunatataj nina jina kanankuta ruwan, nispa.

Apocalipsis 14:6

Chaymanta waj angeltañataj chawpi janajpi phawashajta rikorqani. Chay angelqa wiñaypaj valorniyoj sumaj willayta apasharqa, kay pachapi tukuy runaman, tukuy suyupi, tukuy imaymana rijch'aj runaman, aylluman, chantá tukuy imaymana parlayta parlajkunaman ima willananpaj.

Apocalipsis 4:8

Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

Apocalipsis 7:11

Chantá tukuy angelkuna kamachina tiyanaj muyuyninpi sayasharqanku, kurajkunaj, chantá tawa kawsajkunaj muyuyninpi ima. Jinallataj kamachina tiyanaj ñawpaqenpi pampakama k'umuykuspa, Diosta yupaycharqanku.

Apocalipsis 8:13

Chaymantataj noqa janajpi phawashajta uj ankata rikorqani. Chay ankataj sinch'ita qhaparispa, nerqa: Kay pachapi tiyakojkunapaj llakiy, llakiy, ay may jina jatun llakiy kanqa, imaraykuchus kinsa angelkunaraj trompetankuta waqachinanku kashan, nispa.