Isaías 57:7 - DIOSPA QHELQACHISQ

⁷ Jatuchaj orqo patapi khuchichakunaykipaj puñunata wakichikamunki. Chaykama wicharinki uywa ñak'asqata q'olachispa jaywanaykipaj.

Qheshwa Biblia DC

⁷ Jatuchaj orqo puntaspi qanqa puñunata wakichikamunki, chaykama qanqa wicharinki uywa wañuchisqata jaywanaykipaj.

DIOSPA QHELQACHISQAN DEUTEROCANONICAL

⁷ Jatuchaj orqo patapi khuchichakunaykipaj puñunata wakichikamunki. Chaykama wicharinki uywa ñak'asqata q'olachispa jaywanaykipaj.

Isaías 57:7 ပူးပေါင်းရင်းမြစ်များ

Isaías 57:3

Chantá Tata Dios nillantaj: Qankuna layqa warmej wawankunarí, kayman jamuychej. Qankuna, pichus warminta wasanchaj qharimanta, phisu warmimantawan mirajkuna, jamuychej.

Isaías 65:7

Chantá Tata Dios nillantaj: Juchaykichejrayku, ñawpa tataykichejpa juchankurayku ima pagapusqaykichej, imaraykuchus paykunapis orqo patapi, chantá loma patapipis inciensota q'oshñicherqanku. Chayrayku noqaqa ñawpa juchaykichejman jina pagota qopusqaykichej, nispa.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 3:2

Q'ara orqokunata allinta qhawariy: Mana mayqen orqo kanchu mana khuchichakusqaykeqa. Ch'innejpi Arabiamanta runakuna jina chukuykuspa, qhariykita ñan patallapi suyaj kanki. Kay suyutataj khuchichakusqaykiwan, chantá millay ruwasqaykiwan ima qhenchacharqanki.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Ezequiel 16:16

Chay p'achaykikunawantaj orqokunapi yupaychana toldokunata sayacherqanki, chaykunapitaj khuchichakorqanki. Ajinata ruwana mana jayk'ajpis karqachu, nitaj kanqachu.

Ezequiel 16:24

tukuynejpi lantikunata yupaychanapaj cheqakunata wakicherqanki, plazakunapitaj altarkunata sayaricherqanki.

Ezequiel 16:25

Llajtaman yaykuna sapa ñanllapi lantikunapaj uj cheqata ruwakorqanki. Ajinamanta k'acha kayniykita millayman tukucherqanki. Tukuy chaynejta pasajkunaman ukhuykita jaywarqanki, sapa kutitaj khuchichakorqanki.

Ezequiel 23:17

Jinataj Babiloniamanta qharikuna jamuspa, paywan puñuykorqanku, ajinamantataj paywan khuchicharqanku. Paykunawan ch'ichichakuytawantajrí, pay chay qharikunawan amichikuspa millachikorqa.

Ezequiel 23:41

Chantá sumaj k'achanchasqa puñuna patapi tiyarikorqanku. Mesapipis mikhuna wakichisqaña karqa. Chaymantaj noqapaj t'aqasqa inciensoyta, aceiteytawan churarqanku.

Ezequiel 6:13

Paykuna wañusqakunata rikonqanku altarkunaj muyuyninpi, lantikunaj chawpinpi, chantá orqo patapi, lomaj kinrayninkunapi ima. Wañusqakunata rikullanqankutaj thansarara sach'akuna urapi, chantá maypichus tukuy lantikunaman inciensota q'oshñicherqanku, chay cheqakunapipis. Maypachachus wañusqakunata rikonqanku, chaypacharaj noqa Tata Dios kasqayta yachanqanku.