Isaías 57:4 - DIOSPA QHELQACHISQ

⁴ Pimantataj qankuna alqochakushankichejri? Pejpa contrantataj leqhopayaspa parlankichej, pimantaj qalluykichejtapis sik'inkichejri? Manachu qankunaqa contraypi oqharikojkunaj wawanku kankichej, llullakojkunaj mirayninkutaj?

Qheshwa Biblia DC

⁴ Pimantataj qankunaqa alqochakunkichejri? Pejpa contrantataj chhikan chhikanmanta parlankichej, qalluykichejtapis sik'inkichejri? Manachu qankunaqa juchaj wawasnin kankichej, llullakojkunaj miraynin?

DIOSPA QHELQACHISQAN DEUTEROCANONICAL

⁴ Pimantataj qankuna alqochakushankichejri? Pejpa contrantataj leqhopayaspa parlankichej, pimantaj qalluykichejtapis sik'inkichejri? Manachu qankunaqa contraypi oqharikojkunaj wawanku kankichej, llullakojkunaj mirayninkutaj?

Isaías 57:4 ပူးပေါင်းရင်းမြစ်များ

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Salmos 22:13

13 (14) Phiña leonkuna jina qhaparinku. Siminkuta kicharispa, oqoykunawankupaj jina phinkiykamuwanku.

Salmos 22:17

17 (18) Tulluykunata yupakuyta atini, paykunataj qhawawaspallapuni kanku.

Salmos 22:7

7 (8) Rikuwajkunaqa noqamanta alqochakuwanku, siminkuta llint'aykachaspataj, umankuta khiwinku.

Salmos 35:21

Contraypi parlanankupaj siminkuta chhikanta kicharispa, ninku: Qhawariychej, imamanchus pay chayasqanta rikuychej, nispa.

Salmos 69:12

12 (13) Llajtaman yaykuna punkupi tiyajkunaj rimakunanku kani, machasqakunataj takipayawanku.

Éxodo 9:17

Chaywanpis qanqa aylluypa contranpi churanakushankiraj, manataj paykunata kachariyta munashankichu.

Isaías 1:4

Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

Isaías 10:15

Jachaqa k'utoj runamanta nisqa aswan sumaj kasqanta yuyakunmanchuri? Sierrapis khuchoj runamanta nisqa may kasqanta yuyakullanmantajchu? Chayqa kanman uj k'aspi, chayrí tojnupis runata apaykachanman jina.

Isaías 30:1

Tata Dios ajinata nin: Mana kasukoj wawaykunata may llakiy qhatirenqa, imaraykuchus imatapis wakichikunku mana tapuwaspalla. Paykunaqa wajkunawan tratota ruwakunku mana Espirituypa yuyaychasqallan. Chay jinamantataj juchankoj patanman astawan juchata yapakunku.

Isaías 30:9

Kay runakunaqa mana kasukoj kanku, llullataj, manataj ni imarayku Tata Diospa kamachisqanta uyariyta munankuchu.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Isaías 37:29

Qanqa noqaj contrayta oqharikorqanki. Noqaj contraypi mayta phiñakusqaykita uyarini. Kunanrí senqaykiman fierro ganchota churasqayki, simiykimantaj frenota. Chantaqa may ñantachus jamorqanki, chayllatataj kutirichisqayki, nispa.

Isaías 48:8

Arí, chay nisqaytaqa mana jayk'ajpis uyarerqankichejchu, nitaj rejserqankichejchu. Cheqapuni ñawpajtaqa mana uyariyta munajchu kankichej. Noqaqa wasanchanawaykichejta yacharqaniña, imaraykuchus paqarikusqaykichejmantapacha mana kasukoj kankichej.

Isaías 57:5

Qankunaqa thansa sach'a urapi lantiykichejkunata yupaychaspa, khuchiriyokunata ruwankichej. Jinallataj vallekunapi, qaqa jusk'upi wawaykichejta uywa ñak'asqata jina q'olachinkichej.

Jeremías 20:8

Sapa kuti simiyta kicharispa, qhaparini: Ch'ajwa kanqa, thuñisqa kaytaj, nispa. Chayrayku sapa kuti turiyawanku, asiykukuwankutaj nisqaykita willarasqayrayku.

Ezequiel 2:4

Noqaqa mana kasukoj rumi sonqo runakunaman kachashayki, qantaj kay jinata ninki: Tukuyta Kamachej Tata Dios ajinata nin, nispa.

Oseas 10:9

Tata Dios nin: Israelqa mana sayk'uspa juchallikullanpuni. Gabaapi juchalliyta qallarisqankumantapacha juchallispallapuni kashan. Chayraykumari maqanakupis Gabaapi millay ruwajkunata taripanqa.

Números 16:11

Qanmin, jinataj qanta qhatisojkuna ima Tata Diospa contranpi oqharikushankichej. Pitaj Aarón kasqa paypa contranta parlanaykichejpajri? nispa.

San Mateo 13:38

Jallp'aqa kay pachawan ninakun. Sumaj mujutaj Diospa janaj pacha kamachiyninpi kajkuna kanku, cizañataj Kuraj Supayta kasojkuna.

San Mateo 27:29

Jesuspa umanmantaj simp'asqa khishka pilluta churaykorqanku, paña makinmantaj uj soqoso k'aspita. Chantá ñawpaqenman qonqoriykukuspa, mayta alqochakorqanku: Jallalla, kawsachun judiokunaj kuraj kamachejninku, nispa.

San Lucas 10:16

Yachachisqankunatatajrí Jesús nerqa: Pichus qankunata uyarejqa noqata uyariwan, pitajchus qankunata qhesachajqa noqata qhesachawan. Noqata qhesachawajrí, Diostapis qhesachallantaj, nispa.

Hechos 9:4

Paytaj pampaman choqakorqa, parlamojtataj uyarerqa: Saulo, Saulo, imaraykutaj qhatiykachashawankiri? nispa.

Efesios 5:6

Ama piwanpis qhasi manakaj parlasqanwan q'otiyachikuychejchu, imajtinchus chaykunata ruwasqankurayku Diospa k'araj phiñakuynin mana kasukojkunaj patankuman jamun.

Colosenses 3:6

Chaykunata ruwaspa juchallisqankurayku Diospa k'araj phiñakuynin mana kasukojkunaj patankuman urmamonqa.

Josué 10:21

Israelitakunatajrí Macedapi jarankuman, maypichus Josué kasharqa chayman, tukuyninku walejpacha kutimporqanku. Chaymantaqa ni pi israelitakunaj contranta parlarej karqachu.

2 Pedro 2:13

Ujkunata ñak'arichisqankumanta paykunapis ñak'arichisqallataj kanqanku. Paykuna sut'i p'unchaypi millayta ruwaspa misk'irichikunku. Jinallataj chay yachachejkuna qankunawan khuska mikhuspa, k'achata kawsakuy tantakusqaykichejta ch'ichichanku, kusikunkutaj qankunata q'otiyasqankumanta.