Isaías 57:3 - DIOSPA QHELQACHISQ

³ Chantá Tata Dios nillantaj: Qankuna layqa warmej wawankunarí, kayman jamuychej. Qankuna, pichus warminta wasanchaj qharimanta, phisu warmimantawan mirajkuna, jamuychej.

Qheshwa Biblia DC

³ Qankuna layqa warmej wawasnin jamuychej kayman. Qankunaqa millay qhencha warmej miraynin.

DIOSPA QHELQACHISQAN DEUTEROCANONICAL

³ Chantá Tata Dios nillantaj: Qankuna layqa warmej wawankunarí, kayman jamuychej. Qankuna, pichus warminta wasanchaj qharimanta, phisu warmimantawan mirajkuna, jamuychej.

Isaías 57:3 ပူးပေါင်းရင်းမြစ်များ

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Isaías 1:21

Unay Jerusalenqa noqata kasuwaj llajta karqa, kunantaj phisu warmiman jina tukun. Ñawpajtaqa justiciatawan, chantá cheqanta ruwaj runakunawan junt'a karqa. Kunanrí mana juchayoj kajta wañuchejkunawan junt'a kashan.

Isaías 1:4

Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

Isaías 45:20

Tantakuspa, kayman jamuychej. Tukuy suyupi wañuymanta llusp'ejkuna qayllamuwaychej. K'ullumanta ruwasqa lantikunata oqharispa apajkunaqa imatachus ruwashasqankuta mana yachankuchu. Mana qhespichiyta atej diosmanta qhasillata yanapananta mañakunku.

Isaías 48:16

Qayllamuwaspa, kayta uyariwaychej: Qallariymantapacha noqaqa sut'ita parlarqani, kay tukuy ima junt'akushajtinpis, noqa chaypi karqani. Kunantaj noqa Tukuyta Kamachej Tata Dios payman Espirituyta qospa, payta kacharqani, nispa.

Isaías 57:7

Jatuchaj orqo patapi khuchichakunaykipaj puñunata wakichikamunki. Chaykama wicharinki uywa ñak'asqata q'olachispa jaywanaykipaj.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Jeremías 3:9

Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Oseas 2:4

4 (6) Wawankunamantapis mana khuyakusajchu, khuchichakuspa tarikusqan kasqankurayku.

Oseas 2:6

6 (8) Chayrayku Israelpa ñanninta khishkawan jark'aykuchisaj, mana ñanninta tarinanpajtaj perqata sayarichisaj.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

San Mateo 12:34

Qankuna venenoyoj katarikuna jina kankichej. Imaynatataj allin kajta parlawajchej, qankuna mana allin runakuna kashaspari? Imawanchus runaj sonqon junt'a kashan, chayman jina parlan.

San Mateo 16:4

Qankunaqa millayta ruwajkuna, qhenchachakoj runaj miraynintaj kaspa, runaj mana jayk'aj rikusqan t'ukunata ruwanayta niwankichej. Chaywanpis mana ima t'ukuna señaltapis rikuchisqaykichejchu, manachayqa Jonaswan imachus karqa, chayllata, nispa. Chantá paykunata k'akillata saqespa, Jesús riporqa.

San Mateo 23:33

Qankuna venenoyoj katari jina kankichej. Imaynatataj lawrashaj nina qochaman wijch'usqa kanaykichejmanta llusp'iyta yuyankichejri?

San Mateo 3:7

Ashkha fariseokuna, saduceokunawan ima Juan bautizasqanta rikoj jamullarqankutaj. Juantajrí paykunata rikuspa, nerqa: Katarikunaj miraynin, pitaj nisorqachej Diospa jamoj, k'araj phiñakuyninmanta ayqenaykichejtari?

San Lucas 3:7

Bautizachikoj rejkunaman Juan nerqa: Katarikunaj miraynin. Pitaj nisorqachej Diospa jamoj k'araj phiñakuyninmanta ayqenaykichejtari?

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

1 Juan 3:10

Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.