Isaías 57:2 - DIOSPA QHELQACHISQ

² Paykuna wañuspa, allinpi kayman ripunku. Diospa ñawpaqenpi cheqanta purejkunaqa wañuspa, samarikuyta tarinku, nispa.

Qheshwa Biblia DC

² Sonqo tiyasqa kayman yaykun; Diospa ñaupaqempi tukuy allinta purejkunaqa wañuypi samarikuyta tarenqanku.

DIOSPA QHELQACHISQAN DEUTEROCANONICAL

² Paykuna wañuspa, allinpi kayman ripunku. Diospa ñawpaqenpi cheqanta purejkunaqa wañuspa, samarikuyta tarinku, nispa.

Isaías 57:2 ပူးပေါင်းရင်းမြစ်များ

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

2 Crónicas 16:14

Paypa ayanta aparqanku Davidpa Llajtanman, ñawpajmantaña covachata ruwachikusqa, chaymantaj churaykorqanku. Sumaj q'apashaj jawinata wakichiyta yachajkuna imaymana sumaj jawinawan Asaj ayanta jawiykorqanku. Chaymantataj paypa sutinpi may jatunta ninata lawracherqanku.

Job 3:17

Jallp'aj sonqonpi millayta ruwajkunaqa manaña mana allinta ruwankuchu. Sayk'usqakunapis chaypi samarikuyta tarinku.

Salmos 37:37

Cheqan, llimphu kawsayniyoj runata qhawariy. Chay jina runapajqa allin kawsay kanqa.

Eclesiastés 12:7

Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Isaías 14:18

Tukuy suyukunata kuraj kamachejkunaqa may jatunchasqa samarikunku, sapa ujtaj covachankupi.

Isaías 26:7

Cheqan runaj ñannenqa cheqanpuni. Qantaj, Cheqan Kaj Tata Dios, cheqan runaj ñanninta pichanki.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Ezequiel 32:25

Elamqa p'ampaykusqa kashan espadanku wañurachisqa kajkunawan, muyuyninpitaj Diosta mana rejsej tukuy soldadonkuna p'ampaykusqa kashanku. Pikunachus kawsashallasparaj tukuy runaj manchananku karqanku, chaykuna p'enqayta ukhu pachapi wañuchisqa runakunawan khuska kashanku.

Daniel (hebreo) 12:13

Qantaj, Daniel, wañunayki p'unchaykama allinta kawsakuy. Qhepanejmantaj t'inkaykita jap'ikapunaykipaj kawsarimunki, nispa.

San Mateo 25:21

Patronnintaj nisqa: Walejpacha, qanqa sumaj kamachi kanki. Kay pisi qolqewan allinta ruwasqaykirayku, kunanqa aswan sumaj ruwanaman churasqayki. Noqawan khuska kusirikunachej, nispa.

San Lucas 1:6

Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

San Lucas 16:22

Uj p'unchay chay wajcha runa wañuporqa, angelkunataj almanta pusarqanku, maypichus Abraham kashan, chayman. Qhapaj runapis wañupullarqataj, runakunataj payta p'ampamorqanku.

San Lucas 2:29

Kunanqa Tukuyta Kamachej Dios, sonqoy junt'asqata pusakapuway, imaraykuchus niwasqaykeqa junt'akun.

San Lucas 7:50

Jesustajrí warmita nerqa: Noqapi atinikusqaykirayku qhespichisqa kanki. Chayrayku mana imamanta llakikuspa, ripuy, nispa.

2 Corintios 5:1

Noqanchej yachanchej kay pachapi ukhunchejqa toldo jinalla kasqanta. Chantá wañupojtinchej, chay toldo phaskarasqa kanqa. Chaywanpis, janaj pachapi Diospa ruwasqan uj wasi wiñaypaj tiyapuwanchej. Chaytaj mana runaj ruwasqanchu.

2 Corintios 5:8

Arí, noqanchej tukuy sonqo Diospi atinikunchej. Chayrayku kay ukhunchejta saqespa, Tukuyta Kamachej Jesucristowan khuska kayta munasunman.

Filipenses 1:23

Chay iskaymantaqa mana ajllakuyta atinichu. Astawanqa wañupuyta munayman, Cristowan khuska kamunaypaj, chaytaj noqapaj aswan sumaj kanman.

Apocalipsis 14:13

Chantá janaj pachamanta jatunmanta parlajta uyarillarqanitaj: Kayta qhelqay: Kunanmanta qhepaman Tukuyta Kamachej Jesuswan ujchasqa wañojkunaqa saminchasqa kanqanku, nispa. Arí, Santo Espiritupis nillantaj: Paykuna llakiykunata sinch'ita ñak'arisqankumanta samarikonqanku, imaraykuchus Dios tukuy allinta ruwasqankumanta t'inkankuta qoponqa, nispa.