Isaías 57:16 - DIOSPA QHELQACHISQ

¹⁶ Mana wiñaypajchu aylluyta juchachasaj, nitaj wiñaypaj phiñakusajchu. Sichus wiñaypaj phiñakuyman chayqa, ruwasqay runakuna ñawpaqeypi q'enaqakunkuman.

Qheshwa Biblia DC

¹⁶ Mana wiñaypajchu juchachasqayki, manataj wiñaypajchu phiñakusaj; imaraykuchus espiritoqa ñaupaqeypi urmanman, jinallataj ruwasqasniy kausay samaypis.

DIOSPA QHELQACHISQAN DEUTEROCANONICAL

¹⁶ Mana wiñaypajchu aylluyta juchachasaj, nitaj wiñaypaj phiñakusajchu. Sichus wiñaypaj phiñakuyman chayqa, ruwasqay runakuna ñawpaqeypi q'enaqakunkuman.

Isaías 57:16 ပူးပေါင်းရင်းမြစ်များ

Génesis 6:3

Chayta rikuspa, Tata Dios nerqa: Runakuna kay pachapi wiñaypaj kawsanankuta mana saqesajchu, imaraykuchus paykunaqa wañoj runalla kanku. Chayrayku 120 watallataña kawsanqanku, nispa.

2 Samuel 24:16

Onqoyta apamoj angelqa Jerusalén llajtata tukuchinanpaj kashajtin, Tata Dios sinch'ita llakikorqa chay jina ñak'arichisqanrayku. Chayrayku Tata Dios chay angelta kamacherqa: Chaykamalla, amaña ñak'arichiychu, nispa. Tata Diospa angelnenqa jebuseo Arauna maypichus trigota trillasharqa, chaynejpi kasharqa.

Job 12:10

Tukuy kawsayniyojpa kawsayninkoqa Diospa makinpi kashan, paymin tukuy runaman kawsayta qon.

Salmos 85:5

5 (6) Wiñaypajchu noqaykupaj phiñasqa kanki? Phiñasqallapunichu tukuy tiempo kanki?

Eclesiastés 12:7

Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Isaías 27:8

Chaywanpis Dios ayllunta karu suyuman wijch'uspa jasut'in. Payqa manchachikuna samayninwan paykunata wijch'un, inti llojsimuynejmanta sinch'i wayrawan jina.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Isaías 42:5

Tata Dios janajta ruwaspa, jatunman mast'arerqa. Jinallataj kay pachatapis ruwarqa, chaypi tukuy ima kajkunatawan ima. Payllataj kawsayta runakunaman qon, chantá kay pachapi tukuy purejkunamanpis kawsayta qollantaj. Chay Diosmin kamachinta nin:

Isaías 64:8

Chaywanpis, Tata Dios, qanmin tatayku kanki. Noqaykoqa llink'i t'uru jinalla kayku, qantaj manka llut'aj jina kanki. Chayrayku noqaykoqa tukuyniyku makiykej ruwasqan kayku.

Jeremías 10:24

Tata Diosníy, justiciaykiman jina cheqan ñanniykiman churawayku, manataj k'araj phiñakuyniykiman jinachu, ama tukusqata tukuchinawaykupaj.

Jeremías 3:5

Qanqa nishawankiraj: Phiñasqallapunichu kanki? Wiñaypajchu noqapaj phiñasqa kanki? nispa. Chayta nishawaspapis, qanqa atisqaykita millay kajta ruwashallankipuni, nispa.

Jeremías 38:16

Chantá kuraj kamachej Sedequías pakayllapi tiluspa, Jeremiasta kay jinata nerqa: Pichus kawsayta qowanchej, chay Tata Diospa sutinrayku tiluyki: Mana wañuchichisqaykichu nitaj kunanpis wañuchiyta munajkunaman jaywaykusqaykichu, nispa.

Ezequiel 18:4

Noqajtamin tukuy runakuna kanku, tatapis, jinallataj wawapis. Noqataj kayta nini: Pichus juchallejqa, chaymin wañonqapuni, nispa.

Amós 1:11

Tata Dios kay jinata nin: Edommanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana khuyakuspa, wawqenku israelitakunata wañucherqanku. Phiñakuyninkupi munayninkuta ruwarqanku, paykunatataj ni uj chhikanllatapis khuyarikorqankuchu.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Zacarías 12:1

Tata Dios kayta sut'incharqa imachus Israelwan kananmanta. Qallariypeqa paymin janajta toldota jina mast'arqa, kay pachatapis sayacherqa, runamanpis kawsayta qorqa. Kunantaj pay nin:

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

Hebreos 12:9

Mana chayllachu, wawa kashajtinchej tata mamanchej cheqan ñanman churanawanchejpaj jasut'iwasqanchejrayku, noqanchej paykunata jatun respetowan qhawakoj kanchej. Jina chayqa, manachu astawanraj janaj pacha Tatanchejman k'umuykusunman wiñaypaj kawsananchejpaj?