Isaías 57:1 - DIOSPA QHELQACHISQ

¹ Cheqan kaj runakuna wañupojtinku, mana pipis paykunamanta yuyarikoj kanchu. Manataj pipis entiendenchu Dios paykunata pusakapusqanta, ama llakiypi ñak'arichisqa kanankupaj.

Qheshwa Biblia DC

¹ Cheqan kaj runaqa chinkachisqa, mana pipis paymanta yuyarikojqa kanchu. Diosta manchachikoj runasqa wañupunku. Mana pipis paykunamanta dakunchu, imaraykuchus cheqan runaqa orqhosqa kapun.

DIOSPA QHELQACHISQAN DEUTEROCANONICAL

¹ Cheqan kaj runakuna wañupojtinku, mana pipis paykunamanta yuyarikoj kanchu. Manataj pipis entiendenchu Dios paykunata pusakapusqanta, ama llakiypi ñak'arichisqa kanankupaj.

Isaías 57:1 ပူးပေါင်းရင်းမြစ်များ

1 Reyes 14:13

Chantá tukuynin israelitakuna waqaspa, ayanta p'ampanqanku. Jeroboanpa ayllunmantaqa paylla Tata Diospa ñawpaqenpi allinpaj qhawarisqa karqa. Chayrayku pay sapallan p'ampasqa kanqa.

2 Reyes 22:20

Chayrayku Tata Dios nillantaj: Kawsanaykikama kay llajtata sinch'i llakiywan ñak'arichisqayta mana rikunkichu, nispa. Paykunataj kutispa, kuraj kamachejman kikinta willamorqanku.

2 Crónicas 32:33

Ezequías wañupojtin, ayanta p'amparqanku Davidpa ayllunpa p'ampakunanpi aswan pata kajpi. Tukuy Judá suyupi, Jerusalenpi tiyakojkunapis may jina respetowan p'amparqanku. Qhepantataj churin Manasés kamacherqa.

2 Crónicas 34:28

Aswan jaqayman mana imamanta llakikuspa wañupunki, ñawpa tataykikunawan khuskataj p'ampasqa kanki. Kay cheqaman jinataj kaypi tiyakojkunaman llakiy apachimusqayta mana rikunkichu. Ajinata Juldaqa kuraj kamachej Josiaspa kachankunaman willarqa. Chaymantaqa kuraj kamachejpa kachankunaqa chay tukuyta kuraj kamachejman willamoj kuterqanku.

2 Crónicas 35:24

Josiaspa kamachinkunaqa maqanakunapaj carretamanta waj carretaman Josiasta churaspa, Jerusalenman aparqanku, chaypitaj wañuporqa. Ñawpa tatankuna p'ampasqa karqanku, chay cheqapi Josiaspa ayanta p'ampaykaporqanku. Josías wañupusqanmantataj tukuy Judamanta, Jerusalenmantawan kajkuna mayta waqarqanku.

Salmos 12:1

1 (2) Qhespichiwayku Tata Dios, imaraykuchus qanta may jatun respetowan qhawajkunaqa manaña kankuchu, nillataj ch'uwa sonqoyoj runakunapis.

Salmos 37:37

Cheqan, llimphu kawsayniyoj runata qhawariy. Chay jina runapajqa allin kawsay kanqa.

Isaías 42:25

Chayrayku, paykunaj patankuman Tata Dios k'araj phiñakuyninta jich'amorqa, maqanakupitaj tukuracherqa. Tukuyninkutataj ninawan jap'iykucherqa. Chaywanpis paykuna mana unancharqankuchu, chay jinata ruphachishajtinpis, mana kasorqankuchu.

Isaías 47:11

Chayrayku sinch'i llakiypuni qanta qhatirisonqa, manataj ima layqeriyokunawanpis jark'akuyta atinkichu. Jatun ñak'ariy chayamusonqapuni, manataj chaymanta llusp'iyta atinkichu. Mana yuyashajtillayki, chay tukuy ñak'ariykuna urmaykamusonqa.

Isaías 47:7

Qan nerqanki: Noqaqa qoya jina wiñaypaj kamachillasajpuni, nispa. Chaywanpis qanqa kay imakunamanta mana yuyarqankichu, manataj unancharqankichu imapichus tukukunaykita.

Isaías 57:11

Chay lantikunatachu manchachikunki? Paykunachu chay jinatapuni kharkatitichisunku ajinata wasanchanawaykipaj, noqamantataj qonqapuspa mana yuyarikunaykipaj? Noqa unayta ch'inlla kasqayraykuchu, qan manaña manchachikuwanki?

Jeremías 18:11

Niy ari Judamanta runakunaman, jinataj Jerusalenpi tiyakojkunaman ima, noqa Tata Diosmin imatachus nini, chayta: Noqa qankunata jasut'inaypaj jatun ñak'ariyta wakichishani. Chayrayku millay puriyniykichejmanta kutirikuychej, kawsayniykichejta, ruwasqaykichejtapis allinchaychej, nispa.

Jeremías 22:10

Kuraj kamachej Josiasmanta ama waqaychejchu, amataj wañusqanmanta llakikuychejchu. Manachayqa churin Salunmanta waqaychej, pay waj suyuman apasqa kasqanmanta, imaraykuchus payqa maypichus paqarisqan llajtaman manaña kutimonqachu.

Ezequiel 21:3

3 (8) Kay jinata ninki: Tata Dios nin: Noqa contraykipi sayaykuni. Juchayojta mana juchayojtapis espadaywan wañurachisaj.

Miqueas 7:2

Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Malaquías 2:2

Sichus mana kasuwankichej, nitaj sutiytapis tukuy sonqo jatunchankichej chayqa, imawanchus samincharqaykichej, chayllawantaj maldicisqaykichej. Chaykunatataj maldiciniña, imaraykuchus sonqoykichejpi mana munankichejchu noqata jatunchawayta. Ajinata noqa Tukuy Atiyniyoj Tata Dios niykichej.

Números 23:10

Jacobpa miraynenqa t'iyu jina may chhika kanku. Pitaj paykunata yupayta atinmanri? Pitaj yachanman mashkhachus kasqankutari? Allin kanman noqapis kay cheqan runakuna jina wañunay. Noqaj tukukuyneyqa paykunajta jina kachun, nispa.