Isaías 54:9 - DIOSPA QHELQACHISQ

⁹ Kunan Noejpa p'unchayninpi jina ruwallasajtaj. Chaypacha tiluspa nerqani manaña jayk'ajpis yaku tukuynin kay pachata p'ampananta. Ajinata kunanqa tiluspa nini manaña jayk'ajpis ujtawan qanpaj phiñakunayta, manañataj jasut'isqaykichu.

Qheshwa Biblia DC

⁹ Kay imastaqa Noéj p'unchaynimpi jina ruwasaj. Chaypacha juraspa nerqani manaña jayk'ajpis yakoqa jallp'ata p'ampananta. Ajinata kunanqa juraspa nini manaña ujtawan qampaj phiñakunayta, manañataj k'amisunayta.

DIOSPA QHELQACHISQAN DEUTEROCANONICAL

⁹ Kunan Noejpa p'unchayninpi jina ruwallasajtaj. Chaypacha tiluspa nerqani manaña jayk'ajpis yaku tukuynin kay pachata p'ampananta. Ajinata kunanqa tiluspa nini manaña jayk'ajpis ujtawan qanpaj phiñakunayta, manañataj jasut'isqaykichu.

Isaías 54:9 ပူးပေါင်းရင်းမြစ်များ

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Job 11:16

Tukuy ñak'ariyniykimanta qonqapunki, pasarparej yakuta jina qonqapunki.

Salmos 104:9

Qanllataj yakupaj mojonta churarqanki, ama chayta pasananpaj, manaña jallp'ata ujtawan p'ampaykunanpaj.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 49:18

Umaykita oqharispa, muyuyniykita qhawariy. Chay wawaykikunaqa tukuynejmanta tantaykukuspa, jamonqanku, nispa. Tata Dios nillantaj: Noqa kawsayniyrayku tiluni: Wawaykikunawan novia p'achawan jina sumajta p'achallikunki, chaykunawantaj sumaj k'achanchasqa kanki.

Isaías 51:22

Tukuyta Kamachej Tata Dios, ayllunman sayasqa Diosniykeqa ajinata nin: Qhaway, k'araj phiñakuyniywan junt'a copata makiykimanta oqharikapuniña. Kunanqa manaña jayk'ajpis phiñakuyniyta ujyankichu.

Isaías 51:6

Janajta qhawariychej, kay pachatapis qhawariychej. Janajqa q'oshñi jinalla chinkariponqa, kay pachapis p'acha jinalla thantarparikonqa. Chaypi tiyakojkunapis ch'uspi jina wañuranqanku. Chaywanpis pitapis qhespichejtiy, chayqa wiñaypajmin. Justiciawan kamachisqaytaj mana jayk'ajpis tukukonqachu.

Isaías 51:8

Paykunaqa thutaj thutasqan p'acha jina tukukonqanku, thutasqa millma jinataj. Justiciata ruwasqayrí wiñaypaj kallanqapuni, noqataj wiñay wiñaynintinpaj qhespichisqaykichej.

Isaías 55:11

Ajinallataj noqamanta llojsej simi nisqaypis kanqa. Mana jinallachu kutimuwanqa, manachayqa imatachus munasqayta ruwanqa, jinataj imapajchus kacharqani, chayta junt'anqa.

Isaías 62:8

Tata Dios paña makinta oqharispa, tilorqa: Manaña jayk'ajpis awqaykikunaman trigoykita mikhunankupaj qosajchu, nitaj waj llajtayojkunapis vinota ruwasqaykimanta ujyanqankuchu, mayqentachus sinch'ita kallpakuspa ruwarqanki, chayta.

Jeremías 31:37

Manachayrí sichus pipis janajta tupuyta atinman chayqa, sitajchus kay pachatapis cimientonkama qhawaykuyta atinman chayqa, noqapis Israelpa mirayninta tukuy ima ruwasqanmanta qhesachayta atillaymantaj. Noqa Tata Diosmin chayta nini.

Ezequiel 16:42

Ajinata ruwaspa, phiñakuyniyta qanpi thasnukusaj, sonqoypis tiyaykaponqa. Sonqoy tiyaykojtintaj, manaña astawanpis phiñakusajchu.

Ezequiel 39:20

Caballokunaj aychankumanta, kallpasapakunaj aychankumanta, maqanakojkunaj aychankumantawan ima jatun mikhuyta wakichipusqaykichej, sajsanaykichejkama mikhunaykichejpaj, nispa. Noqa Tukuyta Kamachej Tata Dios chayta nini.

Ezequiel 39:29

Manaña ujtawanpis israelitakunamanta uyayta pakasajchu, imaraykuchus Espirituywan paykunata junt'achisaj. Noqa Tukuyta Kamachej Tata Dios chayta nini.