Isaías 54:8 - DIOSPA QHELQACHISQ

⁸ K'araj phiñakuyniypi mana unaytachu qanmanta pakakorqani. Chaywanpis wiñay munakuyniywan qanta khuyasqayki. Ajinata qhespichisoj Tata Dios nin.

Qheshwa Biblia DC

⁸ Uj pisita phiñakuspa qanmanta uyayta pakarqani; chaywampis wiñaypaj munakuyniywan qantaqa khuyarqayki. Ajinata salvajniyki Señorqa nisunki.

DIOSPA QHELQACHISQAN DEUTEROCANONICAL

⁸ K'araj phiñakuyniypi mana unaytachu qanmanta pakakorqani. Chaywanpis wiñay munakuyniywan qanta khuyasqayki. Ajinata qhespichisoj Tata Dios nin.

Isaías 54:8 ပူးပေါင်းရင်းမြစ်များ

Salmos 103:17

Tata Diospa khuyakuyninrí wiñay wiñaypaj payta may jatun respetowan qhawajkunapaj. Justicianpis tukuy tiempo runakunapaj mana tukukuyniyoj

Salmos 103:4

Payqa jallp'aj sonqonman yaykunaymanta kacharichiwan. Chantá munakuyninwan, khuyakuyninwan ima sonqoyta junt'achin.

Salmos 13:1

1 (2) Tata Dios, jayk'ajkamataj qonqawankiri? Wiñaypajchu qonqarpariwanki? Jayk'ajkamataj noqamanta pakakunkiri?

Salmos 27:9

Ama noqamanta pakakuychu. Phiñakuspa, ama qhesachawaychu. Qanlla yanapawajniy kanki. Ama sapayta saqerpariwaychu, amataj wijch'urpariwaychu, imaraykuchus qanmin qhespichiwaj Diosniy kanki.

Salmos 30:5

5 (6) Tata Dios phiñakun chaypis, mana unaypajchu, k'acha kaynintajrí wiñaypaj kallanpuni. Sichus tutan waqasunman chaypis, sut'iyayta kusiymanta phinkirisunchej.

Isaías 14:1

Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Isaías 26:20

Kunanqa, aylluymanta kajkuna, rispa, wasiykichejman yaykuychej, punkuykichejtataj wisq'akamuychej. Chaypitaj uj pisita pakakuychej Tata Diospa k'araj phiñakuynin tukukunankama.

Isaías 40:27

Jacobpa ayllun Israel, imaraykutaj rimaspa kay jinata parlankichej: Tata Diosqa imaynatachus kawsasqanchejta mana rikuwanchejchu? Llakikusqanchejmantataj mana khuyarikunchu, nispari?

Isaías 45:15

Cheqapuni Israelpa Diosnin kanki, qhespichej Diostaj. Qanqa mana rikukoj Dios kanki.

Isaías 47:6

Noqaqa Israel aylluypaj mayta phiñakorqani. Chayrayku ajllakusqay Israelta mana allinpajchu qhawarqani, makiykimantaj paykunata jaywaykorqani. Qantajrí mana khuyaspa, paykunata anchatañataj ñak'aricherqanki. Allin machu runakunatapis anchata ñak'arichillarqankitaj.

Isaías 48:17

Israelpa May Llimphu Kaj Diosnin, pagota qospa kacharichisoj Tata Dios ajinata nin: Noqamin Tata Diosniyki kani. Noqa yachachiyki imachus qanpaj allin kasqanta, jinataj may ñantachus purinaykita rikuchiyki.

Isaías 49:10

Mana yarqhachikonqankuchu nitaj ch'akichikonqankuchu. Manataj ruphaypis paykunata sonqorparenqachu, nitaj intipis ruphanqachu, imaraykuchus paykunamanta khuyakojqa yaku juturiman paykunata pusanqa.

Isaías 49:13

Janaj, kusiywan takiy ari, kay pachapis, mayta kusikuy. Qankunapis orqokuna, kusiywan qhapariychej, imaraykuchus Tata Dios ayllunta sonqochan, ñak'arichisqa kajkunamantataj khuyakun.

Isaías 49:26

Chay ñak'arichisojkunaman kikin aychallankutataj mikhuchisaj, yawarnillankuwantaj vinowan jina paykunata machachisaj. Ajinamanta tukuy runakuna yachanqanku noqa Tata Dios pagota qospa kacharichisoj kasqayta. Noqaqa Jacobta kamachej kani, may atiyniyojtaj, nispa.

Isaías 54:10

Qanmanta khuyakoj Tata Dios nisunki: Tukuy orqokuna kuyurenqanku, lomakunapis kharkatitenqanku. Khuyakuyniyrí qanmanta manapuni karunchakonqachu. Qanwan allinyakuna trato ruwasqaypis manallataj jayk'ajpis p'akisqachu kanqa, nispa.

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Isaías 60:10

Waj llajtayojkuna perqaykita ruwapusonqanku, kuraj kamachejninkupis munasqaykita ruwanqanku. Noqa phiñakuspa ñak'aricherqayki chaypis, kunanqa khuyakoj kasqayrayku qanmanta khuyakusqayki.

Isaías 63:7

Noqaqa Tata Diospa khuyakuyninmanta yuyarikusajpuni, tukuy imata ruwasqanmantapis payta yupaychasaj. Mayta kusikullasajtaj jatuchaj k'acha imakunata Israelpaj ruwasqanmanta jatun khuyakuyninman jina, munakuyninman jinataj.

Isaías 64:7

Noqayku ukhupi mana pipis kanchu sutiykita oqharispa Diosninpaj rejsikapusojqa, nitaj pipis qanpi atinikoj kanchu. Chayrayku qan uyaykita noqaykumanta pakanki, jinataj millay ruwasqaykuman urmaykojta saqellanki.

Isaías 8:17

Noqaqa Tata Diospi atinikuspa suyakusaj. Payqa Jacobpa mirayninmanta t'aqakun chaypis, noqa paypi suyakusaj.

Jeremías 31:3

Unay Tata Diosqa Israelta nerqa: Noqa mana jayk'aj tukukoj munakuywan munakorqayki. Chayrayku khuyakuynillaywanpuni qanta qhawasqayki.

Jeremías 33:26

Kikillantataj mana jayk'ajpis Jacobpa mirayninta, nitaj kamachiy Davidpa mirayninmanta kamachinanpaj qhesachasajchu. Paykuna ukhumanta Abrahampa, Isaacpa, Jacobpa mirayninta kamachinanpaj jatarichisaj. Paykunamanta khuyakuspa, watej kay suyuman kutichimpusaj, nispa.

Jeremías 51:5

Israel aylluwan, Judá aylluwanqa noqa pichus Israelpa May Llimphu Kaj Diosnin kajpa contraypi juchallerqanku, suyunkutaj juchallisqankuwan junt'a kashan. Chaywanpis noqa Israelpa Tukuy Atiyniyoj Tata Diosnin mana paykunata saqerparinichu.

Ezequiel 39:29

Manaña ujtawanpis israelitakunamanta uyayta pakasajchu, imaraykuchus Espirituywan paykunata junt'achisaj. Noqa Tukuyta Kamachej Tata Dios chayta nini.

Habacuc 3:2

Tata Diosníy, may uyarisqa kasqaykimanta yachaspa, ruwasqaykimantapis uyarispa, tukuy sonqowan yupaychayki. Chayrayku ñawpa tiempopi imatachus ruwasqaykita, kunanpis kikillantataj ruway noqaykupis chayta rejsinaykupaj. Phiñakushaspapis, khuyakuyniykita rikuchiwayku.

Zacarías 1:15

Chayrayku sinch'i phiñasqa kashani mana imamanta llakiyniyoj suyukunaj contrankupi. Maypachachus pisillataraj aylluypaj phiñakorqani chaypacha, paykuna Jerusalén llajtata may sinch'ita ñak'arichispa, astawan phiñachiwarqanku.

Zacarías 1:16

Chayrayku noqa Tata Dios nini: Noqaqa Jerusalenmanta watej khuyarikusaj. Temploypis watej sayarichisqa kanqa, nispa.

Zacarías 10:6

Tata Dios nillantaj: Noqaqa Judáj mirayninta kallpachasaj, jinallataj Joséj miraynintapis kacharichisaj. Paykunamanta khuyarikusqayrayku, watej paykunata llajtankuman kutichisaj. Manapis ni jayk'aj paykunata qhesachaymanchu karqa, ajina kanqa. Noqa, Tata Diosninku kani, mañakuwasqankutataj uyarisaj.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

1 Timoteo 1:16

Ajina kashajtiypis, Dios khuyarikuwarqa, ajinamanta Jesucristo noqapiraj jatun paciencianta rikuchinanpaj. Ajinata ruwarqa, pikunachus aswan qhepanejman paymanta jap'ikuspa wiñay kawsayniyoj kananku karqa, chaykunapaj.