Isaías 54:7 - DIOSPA QHELQACHISQ

⁷ Noqa mana unaytachu saqerparerqayki. Chaywanpis jatun khuyakuyniywan jap'ikapullasqaykitaj.

Qheshwa Biblia DC

⁷ Noqaqa pisi p'unchaykunasllata saqerparerqayki, chaywampis jatun khuyakuyniywan jap'ikapullasqaykitaj.

DIOSPA QHELQACHISQAN DEUTEROCANONICAL

⁷ Noqa mana unaytachu saqerparerqayki. Chaywanpis jatun khuyakuyniywan jap'ikapullasqaykitaj.

Isaías 54:7 ပူးပေါင်းရင်းမြစ်များ

Salmos 106:47

Qhespichiwayku, Tata Diosniyku. Tukuy suyumanta tantaykapuwayku, may llimphu sutiykita jatunchanaykupaj, jinataj kusisqa qanta yupaychanaykupaj.

Salmos 107:3

Tata Dios paykunata tukuy suyumanta tantarqa, inti llojsimuynejmanta, inti yaykuynejmanta, uranejmanta, wichaynejmantapis.

Salmos 30:5

5 (6) Tata Dios phiñakun chaypis, mana unaypajchu, k'acha kaynintajrí wiñaypaj kallanpuni. Sichus tutan waqasunman chaypis, sut'iyayta kusiymanta phinkirisunchej.

Salmos 30:6

6 (7) Noqa allillan kawsakushaspa, kayta nerqani: Ni jayk'aj imapis urmachiwanqachu, nispa.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 11:12

Tata Diosqa uj wiphalata señalta jina oqharenqa, karu suyuman apasqa israelitakunatataj ujllaman tantaykonqa. Judá suyumanta ch'eqerasqa kajkunatapis kay pachaj tukuy k'uchunmanta tantamonqa.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 14:1

Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Isaías 26:20

Kunanqa, aylluymanta kajkuna, rispa, wasiykichejman yaykuychej, punkuykichejtataj wisq'akamuychej. Chaypitaj uj pisita pakakuychej Tata Diospa k'araj phiñakuynin tukukunankama.

Isaías 27:12

Chay p'unchaypi Tata Dios erapi trigota jina trillanqa, Éufrates mayumantapacha Egipto mayukama. Chantá Israelpa miraynin kajkunata ujmanta uj pallaspa, tantanqa.

Isaías 27:8

Chaywanpis Dios ayllunta karu suyuman wijch'uspa jasut'in. Payqa manchachikuna samayninwan paykunata wijch'un, inti llojsimuynejmanta sinch'i wayrawan jina.

Isaías 40:11

Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

Isaías 49:13

Janaj, kusiywan takiy ari, kay pachapis, mayta kusikuy. Qankunapis orqokuna, kusiywan qhapariychej, imaraykuchus Tata Dios ayllunta sonqochan, ñak'arichisqa kajkunamantataj khuyakun.

Isaías 49:18

Umaykita oqharispa, muyuyniykita qhawariy. Chay wawaykikunaqa tukuynejmanta tantaykukuspa, jamonqanku, nispa. Tata Dios nillantaj: Noqa kawsayniyrayku tiluni: Wawaykikunawan novia p'achawan jina sumajta p'achallikunki, chaykunawantaj sumaj k'achanchasqa kanki.

Isaías 49:21

Qantaj sonqoykipi ninki: Pitaj kay chhika wawakunata qowarqari? Noqajtaqa manapuni churiykuna karqachu, nitaj wawayoj kayta aterqanichu. Noqa karuman apachisqa, wijch'usqataj karqani. Pitaj kaykunata uywanman karqari? Noqataqa sapayta saqerpariwarqanku. Kaykunarí maypitaj karqankuri? nispa.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Isaías 56:8

Noqa Tukuyta Kamachej Tata Dios, pichus karuman wijch'usqa israelitakunata tantamuni, kayta nini: Kay tukuy tantamusqaymanta jawaqa wajkunatapis tantamusajraj, nispa.

Isaías 60:10

Waj llajtayojkuna perqaykita ruwapusonqanku, kuraj kamachejninkupis munasqaykita ruwanqanku. Noqa phiñakuspa ñak'aricherqayki chaypis, kunanqa khuyakoj kasqayrayku qanmanta khuyakusqayki.

Isaías 60:4

Muyuyniykita qhawarikuy. Tukuyninku ujllaman tantaykukuspa, qanman jamonqanku. Churiykikunaqa karu suyukunamanta jamonqanku, ususiykikunataj marq'api apamusqa kanqanku.

Isaías 62:4

Manaña jayk'ajpis “Saqerpayasqa Llajta”, nispa nisonqankuchu, suyuykipis manaña “Ch'in Jallp'a” nisqachu kanqa. Manachayqa Tata Dios “Kusikunay Llajta”, nispa sutichasonqa, jallp'aykitataj “Warmisitáy”, nispa nenqa, imaraykuchus Tata Diosqa qanwan may kusisqa kanqa, paytaj suyuykipaj qosayki jina kanqa.

Isaías 63:7

Noqaqa Tata Diospa khuyakuyninmanta yuyarikusajpuni, tukuy imata ruwasqanmantapis payta yupaychasaj. Mayta kusikullasajtaj jatuchaj k'acha imakunata Israelpaj ruwasqanmanta jatun khuyakuyninman jina, munakuyninman jinataj.

Isaías 66:18

Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Jeremías 51:5

Israel aylluwan, Judá aylluwanqa noqa pichus Israelpa May Llimphu Kaj Diosnin kajpa contraypi juchallerqanku, suyunkutaj juchallisqankuwan junt'a kashan. Chaywanpis noqa Israelpa Tukuy Atiyniyoj Tata Diosnin mana paykunata saqerparinichu.

Lamentaciones 3:31

Tata Dios mana wiñaypajchu saqerpariwasunchej.

Lamentaciones 3:32

Ñak'arichispapis khuyakullantaj, may chhikan khuyakuynin kasqanrayku.

Ezequiel 36:24

Qankunataqa noqa waj suyukunamanta orqhomusqaykichej, tukuy llajtakunamanta tantaykuspataj, suyuykichejman kutichimpusqaykichej.

Miqueas 4:6

Tata Dios kaytapis nillantaj: Chay p'unchay, ñak'arichisqay ovejaykunata, chakin p'akisqata, sayk'usqata, jinataj ch'eqerasqata ima tantaykusaj.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

2 Corintios 4:17

Kay pachapi ñak'arisqaykoqa mana kasu ruwana jinalla, manataj unaypajchu. Chaywanpis, aswan jaqayman chay ñak'ariynejta noqaykupaj kanqa may sumaj wiñay kusiymin.

Efesios 1:10

Ajinamanta señalasqa p'unchay chayamojtin, Diosqa janaj pachapi kajkunata, jinallataj kay pachapi kajkunatapis ujllaman tantanqa, chantá Cristoj kamachiyninman churanqa.

Deuteronomio 30:3

chaypacha Tata Diosniykichejqa karu llajtamanta kutichimusonqachej, khuyakusonqachejtaj. Ujtawantaj maykunamanchus wijch'usorqachej, chaymanta tantamusonqachej.

Santiago 4:6

Chaywanpis Dios qhasilla k'acha yanapayninwan yanapawanchej. Chayrayku Diospa Qhelqachisqanpi nillantaj: Diosqa jatunchakojkunaman sayaykun, k'umuykojkunatatajrí qhasilla k'acha yanapayninwan yanapan, nispa.

2 Pedro 3:8

Munasqa wawqe panaykuna, kayta ama qonqaychejchu: Tukuyta Kamachej Jesucristopaj uj p'unchayqa waranqa wata jina, waranqa watataj uj p'unchay jinalla.