Isaías 54:4 - DIOSPA QHELQACHISQ

⁴ Ama manchachikuychu ari. Qanqa manaña p'enqachisqachu kanki. Ama p'enqakuychu, imaraykuchus manaña k'umuykachachisqachu kanki. Qanqa sipas kashaspa, p'enqakoj kasqaykita qonqayman churanki, manallataj yuyarikunkichu warmisapa kashaspa k'umuykachasqaykimantapis.

Qheshwa Biblia DC

⁴ Ama manchachikuychu ari. Qanqa mana ch'aukiyasqachu kanki. Ama qanqa p'enqakuychu, manamin p'enqachisqachu kanki. Qanqa qonqapunki sipas kashaspa p'enqakoj kasqaykita, jinallataj viuda kashajtiyki qhesachasusqankutapis.

DIOSPA QHELQACHISQAN DEUTEROCANONICAL

⁴ Ama manchachikuychu ari. Qanqa manaña p'enqachisqachu kanki. Ama p'enqakuychu, imaraykuchus manaña k'umuykachachisqachu kanki. Qanqa sipas kashaspa, p'enqakoj kasqaykita qonqayman churanki, manallataj yuyarikunkichu warmisapa kashaspa k'umuykachasqaykimantapis.

Isaías 54:4 ပူးပေါင်းရင်းမြစ်များ

Job 11:16

Tukuy ñak'ariyniykimanta qonqapunki, pasarparej yakuta jina qonqapunki.

Isaías 25:8

Tukuyta Kamachej Tata Diosqa wañuyta wiñaypaj chinkachenqa, tukuypa waqaynintataj pichanqa. Ayllunpa mana allinpaj qhawasqa kayninkutapis tukuy kay pachamanta chinkachillanqataj. Ajinata Tata Diosqa nin.

Isaías 29:22

Chayrayku pichus Abrahamta qhespichej Tata Diosqa Jacobpa mirayninta nin: Kunanmanta ñawpajman Jacobqa manaña p'enqachisqachu kanqa, manataj uyanpis mancharikuywan q'elluyanqachu.

Isaías 4:1

Chay p'unchaykunapi pisi qharikuna kanqanku. Chayrayku qanchis warmikuna uj qharillaman ch'ipakuspa, nenqanku: Noqaykoqa mikhunallaykumanta mikhusqayku, p'achallaykuwantaj p'achallikusqayku. Chaywanpis noqaykuwan casaraspa, warmiykipaj rejsikapuwayku, ama p'enqaypi warmisapa qhepakunaykupaj, nispa.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 50:7

Tukuyta Kamachej Tata Dios yanapawasqanrayku, mana k'umuykachachisqachu kasaj. Chhanka jina sumajta sayasaj, yachanitaj mana p'enqachisqachu kanayta.

Isaías 51:7

Uyariwaychej, cheqan kajta rejsejkuna, pikunachus yachachiyniyta sonqoykichejpi jap'ikojkuna: Runakuna qankunamanta millayta rimasqankuta ama manchachikuychejchu, amataj chay jinatapuni alqochakusqankurayku q'enaqakuychejchu.

Isaías 54:14

Cheqan kajwan sumaj sayachisqa kanki. Manaña ñak'arichisqachu kanki, manañataj manchachikunkichu, imaraykuchus manchachikoyqa manaña qanman qayllamusonqachu.

Isaías 61:7

Qankuna manaña p'enqachisqachu nitaj k'umuykachachisqachu kankichej. Aswanpis jallp'ataqa uj jinatawanraj jap'inkichej, chaypi kapuyniyoj kankichej, wiñaypajtaj kusisqa kawsakunkichej.

Isaías 65:16

Pipis kay suyupi wajta saminchayta munajqa noqa cheqa kaj Diospa sutinpi payta saminchanqa. Pichus tiluyta munajqa noqa cheqa kaj Diospa sutinrayku tilonqa. Qallariymantapacha ima llakiykunachus karqa, chaykuna qonqasqa kanqanku, manataj ujtawan rikunaypaj pakasqa kanqa.

Jeremías 31:19

Noqa qanmanta karunchakorqani. Chaywanpis juchallisqayta rejsikapuspa, watej qanman kutirikamuni. Qhasqoyta takakuspa, p'enqasqa k'umuykuni, wayna kashaspa juchallisqayrayku, nispa.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Ezequiel 16:22

Chhika millayta purisqaykiwan, ujwan ujwantaj khuchichakusqaykiwan ima mana wawa kasqaykimanta yuyarikorqankichu. Manallataj yuyarikorqankichu imaynatachus mana p'achayoj q'alalla karqanki, kikin yawarniykipitaj sunt'ichasharqanki, chaymantapis.

Ezequiel 16:43

Sipas kasqaykimanta qonqakaporqanki, millayta purispataj, phiñachiwarqanki. Chayrayku noqa purisqaykiman jina jasut'isqayki, amaña ujtawan khuchichakunaykipaj, nitaj millay imakunatapis ruwanaykipaj. Noqa Tukuyta Kamachej Tata Diosmin chaytaqa nini.

Ezequiel 36:15

Chantá manaña waj llajtayojkunaj turiyasqankuta uyarinkichejñachu. Manallataj p'enqayta alqochakusqanku qankunapaj kanqachu, nillataj aylluykichejpaj misk'ana kankichejchu. Noqa Tukuyta Kamachej Tata Dios chayta nini.

Joel 2:21

Kay pacha, mayta kusikuy, amataj manchachikuychu, imaraykuchus Tata Dios t'ukunata ruwanqa.

Sofonías 3:11

Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

Zacarías 10:6

Tata Dios nillantaj: Noqaqa Judáj mirayninta kallpachasaj, jinallataj Joséj miraynintapis kacharichisaj. Paykunamanta khuyarikusqayrayku, watej paykunata llajtankuman kutichisaj. Manapis ni jayk'aj paykunata qhesachaymanchu karqa, ajina kanqa. Noqa, Tata Diosninku kani, mañakuwasqankutataj uyarisaj.

1 Pedro 2:6

Chayrayku Diospa Qhelqachisqanpi nillantaj: Noqaqa may valorniyoj ajllasqa esquina rumita Sionpi churani. Pichus chaymanta jap'ikojqa mana p'enqachisqachu kanqa, nispa.