Isaías 53:7 - DIOSPA QHELQACHISQ

⁷ Payqa may jina maqasqa, ñak'arichisqataj kaspapis, mana imatapis parlarenqachu. Payqa cordero jina ñak'anaman apasqa kanqa. Imaynatachus oveja millmanta ch'inllamanta ruthuchikun, ajinata mana siminta kicharenqachu.

Qheshwa Biblia DC

⁷ Payqa may jina maqasqa, llakichisqataj karqa, mana simillantapis kicharerqachu. Payqa oveja jina ñak'anaman apasqa karqa; imaynatachus oveja millmanta ch'inllamanta ruthuchikun, ajinata mana siminta kicharerqachu.

DIOSPA QHELQACHISQAN DEUTEROCANONICAL

⁷ Payqa may jina maqasqa, ñak'arichisqataj kaspapis, mana imatapis parlarenqachu. Payqa cordero jina ñak'anaman apasqa kanqa. Imaynatachus oveja millmanta ch'inllamanta ruthuchikun, ajinata mana siminta kicharenqachu.

Isaías 53:7 ပူးပေါင်းရင်းမြစ်များ

Salmos 38:14

14 (15) Mana uyariyta atej jina kani, kutichikunanpaj mana imata parlaj jina.

Salmos 38:15

15 (16) Tata Diosníy, noqaqa qanllapi atinikuni. Qanlla paykunaman kutichiy ari, Tukuyta Kamachej Diosníy.

Salmos 44:22

22 (23) Chaywanpis noqayku qanrayku sapa p'unchay wañuy patapi kashayku, awqaykukunataj ñak'anapaj ovejata jina qhawawayku.

Isaías 50:6

Seq'owajkunaman wasayta jaywarqani, sunkhaytapis t'iranawankupaj jaywarqani. May jinata alqochakuwajtinku, thoqaykushawajtinkupis, mana uyayta pakarqanichu.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Jeremías 11:19

Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

Números 7:27

Q'olachispa Diosman jaywananpajtaj uj torillota, uj carnerota, chantá uj watayoj corderota ima apamullarqataj.

San Mateo 26:63

Jesustajrí ch'inlla kakorqa. Chantá kuraj kaj sacerdoteqa Jesusta nerqa: Kawsashaj Diospa sutinpi niwayku: Qanchu Diospa kachamusqan Cristo kanki, Diospa Churin? nispa.

Marcos 14:61

Jesustajrí ch'inlla karqa, mana imata kutichispa. Watejmanta kuraj kaj sacerdoteqa Jesusta tapullarqataj: Qanchu Diospa kachamusqan Cristo kanki, jatunchasqa Diospa Churin? nispa.

Marcos 15:5

Chaywanpis Jesús manapuni imatapis kuticherqachu. Chayrayku Pilato t'ukusharqa.

San Lucas 23:9

Chayrayku Herodes Jesusta tukuy imamanta taporqa, paytajrí mana imatapis kuticherqachu.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

San Juan 19:9

Kamachinan wasiman Jesusta pusaspataj, payta taporqa: Maymantataj qan kankiri? nispa. Jesustajrí mana ni imata kuticherqachu.

1 Pedro 2:23

Runakuna Cristota turiyashajtinku, payqa mana kutichikorqachu. Ñak'arichisqa kashaspapis, mana nerqachu chaymanta pagachikunanta. Aswanpis cheqanta juzgaj Juezpa makinman churakorqa.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.