Isaías 53:6 - DIOSPA QHELQACHISQ

⁶ Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Qheshwa Biblia DC

⁶ Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

DIOSPA QHELQACHISQAN DEUTEROCANONICAL

⁶ Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Isaías 53:6 ပူးပေါင်းရင်းမြစ်များ

Génesis 22:6

Ajinata niytawan, Abrahamqa, Diosman q'olachinankupaj apasharqanku, chay llant'ata Isaacman q'epiriykucherqa. Chantá cuchillota, ninata ima oqharikuspa, iskaynillanku chayman rerqanku.

Salmos 119:176

Chinkasqa oveja jina purerqani. Mask'aj jamuy ari, imaraykuchus kamachisqaykimanta mana qonqapunichu.

Salmos 69:4

4 (5) Qhasillamanta chejnikuwajkunaqa umaypi chujchaymantapis aswan ashkha kanku. Manakajllamanta wañuchiwayta munaj awqaykunaqa aswan atiyniyojman tukunku. Chantá paykuna mañawanku mana suwasqayta kutichipunayta.

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Isaías 53:11

Maypachachus pay rikonqa chay jina llakiyta ñak'arispa imatachus tarisqanta chaypacha, may sonqo junt'asqa kanqa. Cheqan kamachi chay jina ñak'arisqanwan ashkhata cheqanpaj qhawasqa kanankuta ruwanqa, imaraykuchus paykunaj juchankumanta jasut'isqa kanqa.

Isaías 53:12

Chayrayku payta atiyniyojkunawan khuska jatunchasaj. Jinataj atipajkunaj t'inkankuta jap'enqa, pay kikin wañuyman jaywaykukusqanrayku. Payqa juchasapakunawan khuska yupasqa kanqa. Tukuypa juchankuta apanqa, paykunaraykutaj Diosmanta mañaponqa.

Isaías 53:5

Chaywanpis pay k'irisqa kanqa noqanchej Tata Diosta mana kasusqanchejmanta, juchanchejraykutaj tukuy ukhun t'unasqa kanqa. Jinapis pay jasut'isqa kasqanrayku sonqo tiyaykuyta apamuwasunchej, ukhun chay jina khallasqa kasqanraykutaj qhaliyachisqa kasunchej.

Isaías 53:7

Payqa may jina maqasqa, ñak'arichisqataj kaspapis, mana imatapis parlarenqachu. Payqa cordero jina ñak'anaman apasqa kanqa. Imaynatachus oveja millmanta ch'inllamanta ruthuchikun, ajinata mana siminta kicharenqachu.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Isaías 55:8

Tata Dios nin: Noqaj yuyasqayqa mana qankunaj yuyasqaykichej jinachu, ruwasqaytaj mana qankunaj ruwasqaykichej jinachu.

Isaías 56:11

Alqo jina mikhunawan mana sajsakuyta atej kanku. Paykuna michejkuna kashaspapis, mana yuyayniyoj wampu kanku. Sapa ujninku imatachá munasqankuta ruwaspa purinku. Sapa ujninku imachá paykunapaj allin kajllata mask'akunku munasqankuman jina.

Isaías 6:7

Chantá nina k'ajawan simiyman chayaykuchiwaspa, niwarqa: Kay nina simiykiman chayasqanrayku kunanqa juchayki pichasqaña, juchaykimantataj llimphuchasqa kanki, nispa.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Jeremías 50:6

Aylloyqa chinkasqa ovejakuna jina kanku. Michejninkukunataj mana allintachu paykunata micherqanku, manachayqa orqonejpi paykunata chinkaracherqanku. Ovejaykunaqa orqomanta orqo purerqanku, puñuna kanchankutapis qonqaporqanku.

Ezequiel 3:18

Sichus millayta ruwaj runata nisaj: Qan wañunkipuni, nispa, qantaj mana k'aminkichu, nitaj parlankichu chay runaman millay kawsayninmanta reparachispa chayqa, payqa mana allin ruwasqanrayku wañonqa. Noqatajrí pay wañusqanmanta qanmanta cuentata mañasqayki.

Daniel (hebreo) 9:5

Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

Romanos 4:25

Jesucristomin juchanchejrayku wañunanpaj jaywaykusqa karqa, jinataj cheqan runapaj qhawasqa kananchejpaj kawsarichisqa karqa.

Santiago 5:20

kayta yachaychej: Pichus karunchakojta cheqan ñanman kutirichimojqa karunchakojta wañunanmanta qhespichenqa, tarenqataj Tata Dios chay karunchakojpa ashkha juchanta pampachananta.

1 Pedro 2:25

Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

Jueces 21:25

Chaypachaqa Israel suyupi manaraj kuraj kamachej karqarajchu. Chayrayku sapa ujninku imatapis munasqankuman jinalla ruwaj kanku.