Isaías 53:4 - DIOSPA QHELQACHISQ

⁴ Chaywanpis payqa onqoyninchejta apanqa, nanayninchejtataj ñak'arenqa. Noqanchej yuyasunchej Diosmin payta jasut'ispa ñak'arichisqanta, maytataj k'umuykuchisqanta.

Qheshwa Biblia DC

⁴ Chaywampis, payqa nanayninchejta aparqa, llakiyninchejtawan. Noqanchejtaj yuyarqanchej paytaqa Dios jasut'ispa ñak'arichisqanta mayta k'umuykachachisqantataj.

DIOSPA QHELQACHISQAN DEUTEROCANONICAL

⁴ Chaywanpis payqa onqoyninchejta apanqa, nanayninchejtataj ñak'arenqa. Noqanchej yuyasunchej Diosmin payta jasut'ispa ñak'arichisqanta, maytataj k'umuykuchisqanta.

Isaías 53:4 ပူးပေါင်းရင်းမြစ်များ

Salmos 69:26

26 (27) Ajina kachun, imajtinchus pitachus llakichisqaykita qhatiykachanku, pitachus k'irisqaykimantapis alqochakunku.

Salmos 69:27

27 (28) Qanqa sajramanta sajrallatataj paykunaman kutichiy, amataj juchankuta pampachaychu.

Salmos 69:8

8 (9) Wawqeykunapaj waj llajtayoj runa jina kani, mamaypa churinkunataj mana rejsiwankuchu.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Levítico 16:10

Mayqen chivochus suertepi Azazelpaj llojserqa chaytarí, kawsashajta Tata Diospa ñawpaqenman apanqa, jucha pampachasqa kananta tarinanpaj. Chaymantataj chay chivota ch'innejman apaspa, Azazelpaj kachariponqa.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

Números 7:15

Chantá Nasón q'olachispa Diosman jaywananpaj qollarqataj uj torillota, uj carnerota, chantá uj watayoj corderota ima.

Números 7:45

Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

San Mateo 26:37

Chantá Pedrota, Zebedeoj iskay churinkuna Santiagota, Juantawan ima aswan jaqaynejman pusarispa, Jesús sinch'i llakiywan ñak'ariyta qallarerqa.

San Mateo 8:17

Chay ajina karqa Diosmanta ñawpa sut'inchaj Isaiaspa willasqan junt'akunanpaj: Paymin onqoyninchejmanta qhaliyachiwarqanchej, nanayninchejtapis thañichiwarqanchej, nispa.

San Juan 19:7

Judiokunaj kurajninkukunatajrí kuticherqanku: Diosqa kamachisqankunata qhelqasqata qowarqayku, chayman jinataj kay runa wañuchisqapuni kanan tiyan, Diospa Churin kasqanta nisqanrayku, nispa.

Romanos 4:25

Jesucristomin juchanchejrayku wañunanpaj jaywaykusqa karqa, jinataj cheqan runapaj qhawasqa kananchejpaj kawsarichisqa karqa.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Hebreos 9:28

Ajinallatataj Cristopis uj kutillata wañorqa, ashkha runaj juchanchejta pampachananpaj. Chaymanta qhepanejman pay ujtawan kay pachaman kutimonqa, manaña juchanchejrayku wañunanpajchu, manachayqa paypi atinikuspa suyajkunata qhespichinawanchejpaj.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Juan 2:2

Paymin juchanchej pampachasqa kananpaj ñak'asqa uywata q'olachisqa jina jaywasqa karqa. Manataj noqanchejpa juchanchejraykullachu, jaywasqa karqa, astawanqa kay pachapi tukuy runaj juchankurayku.