Isaías 53:3 - DIOSPA QHELQACHISQ

³ Runakuna payta qhesachanqanku, pisipajtaj qhawanqanku. Payqa imaymana nanaywan ñit'isqa kanqa, jinataj ñak'ariypi, llakiypi ima yachasqa kanqa. Payta wasanchaspa, wajnejta qhawasunchej. Payta qhesachasun manataj munakuywan qhawasunchu.

Qheshwa Biblia DC

³ Runaqa payta qhesacharqanku, qhawarqanku. Payqa imaymana nanayta, ñak'ariyta, llakiyta ima yacharqa. Paymanta uyanchejta pakakorqanchej, payta qhesacharqanchej. Mana paytaqa kasuta ruwarqanchejchu.

DIOSPA QHELQACHISQAN DEUTEROCANONICAL

³ Runakuna payta qhesachanqanku, pisipajtaj qhawanqanku. Payqa imaymana nanaywan ñit'isqa kanqa, jinataj ñak'ariypi, llakiypi ima yachasqa kanqa. Payta wasanchaspa, wajnejta qhawasunchej. Payta qhesachasun manataj munakuywan qhawasunchu.

Isaías 53:3 ပူးပေါင်းရင်းမြစ်များ

Salmos 69:29

29 (30) Noqatarí, onqosqa, llakisqapis kashajtiy, Diosníy, aysariway, qhespichiwaytaj.

Salmos 88:4

4 (5) Wakinkunaqa wañusqata jinaña qhawawanku, mana kallpayoj runa jina rikhurini.

Isaías 49:7

Israelpa May Llimphu Kaj Diosnin, qhespichej Tata Dios kay jinata nin pisipaj qhawasqa kajman, waj llajtakunaj chejnikusqankuman, ñak'arichejkunaj wata runanman ima: Kuraj kamachejkuna, kurajkuna ima qanta rikususpa, sayarikonqanku. Qanman k'umuykukonqanku, Israelpa May Llimphu Kaj Diosnin Tata Diosrayku, pichus nisqanta junt'anpuni, pitajchus ajllakusorqa, payrayku, nispa.

Isaías 50:6

Seq'owajkunaman wasayta jaywarqani, sunkhaytapis t'iranawankupaj jaywarqani. May jinata alqochakuwajtinku, thoqaykushawajtinkupis, mana uyayta pakarqanichu.

Isaías 52:14

Chaywanpis paymanta ashkha runakuna t'ukorqanku, imaraykuchus ukhonqa manaña kasqan jinachu karqa, uyanpis manaña runaj uyanmanchu rijch'akorqa.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Isaías 53:4

Chaywanpis payqa onqoyninchejta apanqa, nanayninchejtataj ñak'arenqa. Noqanchej yuyasunchej Diosmin payta jasut'ispa ñak'arichisqanta, maytataj k'umuykuchisqanta.

Miqueas 5:1

1 (4.14) Jerusalén, wakichikuy maqanakunaykipaj, imaraykuchus awqaykikuna muyuykusunkuña, Israelta kamachejtataj uj varawan uyanpi q'ajchanqanku.

Zacarías 11:8

Uj killallapi kinsa mana allin michejkunata wijch'orqani. Chaywanpis ovejakunapis noqawan sayk'usqankurayku, chejnikuwarqanku.

San Mateo 26:67

Chayta niytawantaj, paykuna Jesuspa uyanman thoqaykorqanku, laq'arqankutaj. Wajkunataj uyanpi sajmaspa,

San Mateo 27:63

nerqanku: Wiraqochi, chay ch'awka runa kawsashasparaj imatachus nisqanta yuyarikuyku. Pay nerqa: Kinsa p'unchaymanta kawsarimpusaj, nispa.

Marcos 10:33

Pay nerqa: Kunanqa Jerusalén llajtaman rishanchej, chaypitaj Runaj Churinta kuraj sacerdotekunaj makinkuman jaywaykonqanku, Diospa kamachisqanmanta yachachejkunaman ima. Paykunataj payta wañuchinankupaj juchachanqanku, jinaspataj, mana judío kajkunaj makinkuman jaywaykonqanku.

Marcos 10:34

Chantá paymanta alqochakonqanku, thoqaykonqanku, jasut'enqanku, jinataj payta wañuchenqanku. Chaywanpis kinsa p'unchayninman pay wañusqamanta kawsarimponqa, nispa.

Marcos 14:34

Paykunatataj nerqa: Sonqoyqa llakiymanta manchay phutisqa kashan, wañunaypaj jina. Qankuna kaypi qhepakuychej, ama puñuspalla, nispa.

Marcos 15:19

Soldadokunaqa Jesuspa umanpi soqosowan wajtaspa, uyanman thoqaykorqanku, alqochakoj jinataj qonqorikuspa, ñawpaqenman k'umuykorqanku.

Marcos 9:12

Jesustaj kuticherqa: Cheqamanta Eliasqa ñawpajta jamuspa, tukuy imata maychus kananman churanqa. Chaywanpis imaraykutaj Diospa Qhelqachisqanpi nin Runaj Churin mayta ñak'arinanta, qhesachasqataj kanantari?

San Lucas 16:14

Chantá fariseokunaqa chay tukuyta uyarispa, Jesusta asipayarqanku, qolqeta munapayasqankurayku.

San Lucas 19:41

Chantá Jerusalén llajta qayllaman chayaspa, Jesús llajtata rikuytawan, waqarikorqa.

San Lucas 8:53

Chayta uyarispa, runakuna Jesusmanta asikorqanku, chay ch'iriska wañusqapuni kasqanta yachasqankurayku.

San Lucas 9:22

Jesús nillarqataj: Noqa Runaj Churenqa maytapuni ñak'arisaj. Jinallataj kurajkuna, kuraj sacerdotekuna, Diospa kamachisqanmanta yachachejkuna ima qhesachawanqanku. Chantá wañuchiwanqanku. Chaywanpis kinsa p'unchaymanta kawsarimpusaj, nispa.

San Juan 11:35

Jinapi Jesús waqarikorqa.

San Juan 8:48

Chaymanta chay judiokuna kuticherqanku: Noqaykoqa cheqanta niyku, qanqa Samariamanta, supayniyojtaj kasqaykita, nispa.

Deuteronomio 32:15

Chaywanpis Israelqa manchayta qhapajyarqa, ruwajnin Diosmantataj qonqaporqa. Llosq'olla kanankukama wirayarqanku. Ruwajninku Diostataj qonqaporqanku, jark'akoj, qhespichejninkutataj pisipaj qhawarqanku.

Hebreos 4:15

Chay Kuraj Kaj Sacerdotenchej pisi kallpa kasqanchejta yachaspa, khuyarikuwanchej, imaraykuchus payqa noqanchej jinallataj juchallinaman tanqasqa karqa. Chaywanpis pay mana jayk'ajpis juchallerqachu.

Hebreos 5:7

Jesús kay pachallapiraj kawsashaspa, sinch'ita qhaparispa chantá waqaspa Diosmanta mañakorqa, pichus wañunanmanta kacharichinanpaj atiyniyoj karqa, chaymanta. Jinataj Diosta may jatun respetowan qhawaspa tukuy sonqo k'umuykusqanrayku Dios mañakusqanta uyarerqa.