Isaías 53:2 - DIOSPA QHELQACHISQ

² Kamacheyqa Tata Diospa ñawpaqenpi ijimoj sach'a jina wiñanqa, ch'aki jallp'api saphichakoj jinataj p'utumonqa. Mana k'achituchu kanqa, sonqonchej payman aysakunanpaj, nitaj k'acha uyayojchu kanqa payta munakunanchejpaj.

Qheshwa Biblia DC

² Chay runaqa Señorpa ñaupaqempi uj ch'illchisqa sach'a jina wiñarqa, uj ch'aki jallp'api saphi jina. Mana k'achituchu karqa payta qhawananchejpajqa, nitaj k'acha uyayojchu karqa payta munakunanchejpajqa.

DIOSPA QHELQACHISQAN DEUTEROCANONICAL

² Kamacheyqa Tata Diospa ñawpaqenpi ijimoj sach'a jina wiñanqa, ch'aki jallp'api saphichakoj jinataj p'utumonqa. Mana k'achituchu kanqa, sonqonchej payman aysakunanpaj, nitaj k'acha uyayojchu kanqa payta munakunanchejpaj.

Isaías 53:2 ပူးပေါင်းရင်းမြစ်များ

Isaías 11:1

Davidpa tatan Yeseqa uj k'ullu jina, chay k'ullumantataj ijimonqa, chay saphinmanta ijimojtaj poqonqa.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 52:14

Chaywanpis paymanta ashkha runakuna t'ukorqanku, imaraykuchus ukhonqa manaña kasqan jinachu karqa, uyanpis manaña runaj uyanmanchu rijch'akorqa.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Zacarías 3:8

Allinta uyariway, kuraj kaj sacerdote Josué, jinallataj qanwan kashaj, chay sacerdotekunapis uyarillachunkutaj. Qankuna señal jina churasqa kankichej imachus aswan qhepaman kananmanta. Noqa kamachiyta kachasaj, Ijimuy Kaj nisqata.

Zacarías 6:12

Chantá payta ninki: Tukuy Atiyniyoj Tata Dios nin Ijimuy Kaj nisqa qhari kikin saphinmanta wiñamunanta, chantataj Tata Diospa Templonta jatarichinanta.

Marcos 6:3

Manachu payqa carpinterolla, Mariaj churintaj? Manachu Santiago, José, Judas, Simón ima wawqenkuna kanku? Manachu panankunapis kay llajtanchejpi noqanchejwan khuska tiyashankuri? nispa. Ajinata Jesusta qhesacharqanku.

Marcos 9:12

Jesustaj kuticherqa: Cheqamanta Eliasqa ñawpajta jamuspa, tukuy imata maychus kananman churanqa. Chaywanpis imaraykutaj Diospa Qhelqachisqanpi nin Runaj Churin mayta ñak'arinanta, qhesachasqataj kanantari?

San Lucas 2:7

Jinapi payqa kuraj kaj qhari wawanta paqarichikorqa, janantawan k'iruykuspataj, uywa qaranapi siriykucherqa, tambo wasipi paykunapaj mana campo kasqanrayku.

San Lucas 9:58

Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpatarí, mana maypichus samarinallanpajpis kanchu, nispa.

San Juan 18:40

Chayta Pilato nejtinrí, tukuy qhaparerqanku: Chay runataqa ama, Barrabasta kachariy, nispa. Barrabasqa runa wañuchi, suwataj karqa.

San Juan 19:5

Jesustaj llojsimorqa, umanpi khishka pilluyoj, chantá puka patanchanawan qhatasqa. Pilatotaj nerqa: Kaymá chay runaqa, nispa.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

1 Pedro 2:14

chayrí waj kamachejkunapis kachunku. Paykunata kuraj kamachej churan mana allinta ruwajkunata jasut'inankupaj, allinta ruwajkunatataj jatunchanankupaj.